’Ua fa’aara te ’Ēkālesia i te fa’atanora’a ’āpī nō te buka hīmene

Tē ’ōpua nei Te ’Ēkālesia a Iesu Mesia i te Feiā Mo’a i te mau Mahana Hope’a nei ’ia ha’aparare i te Hymns—for Home and Church [Hīmene nō te ’utuāfare ’e te fare pure] nā roto i te reo peretāne, pāniora, pōtītī ’e farāni nā mua a’e i te matahiti 2026, ’e i muri iho te tahi atu mau reo.

E tu’uhia i roto i te buka hīmene ’āpī e 450 ē e 500 hīmene purera’a ’e te hīmene nā te tamari’i. E 50 a’e reo tē ha’apararehia nā mua a’e i te matahiti 2030. Te aura’a ra, e ha’amori te mau ’āmuira’a feiā mo’a ’ati a’e i te ao nei maoti te hō’ē buka hīmene ’āmuitahi ’e te tāhō’ē, ’e hō’ē ā tānūmerara’a hīmene nā roto i te mau reo paraparau-roa-hia i roto i te ’Ēkālesia.

I teienei rā, e ha’aparare atu te ’Ēkālesia i te tahi mau hīmene ’āpī nā ni’a i te natirara, ha’amata i te ’āfara’a mātāmua o te matahiti 2024. E nehenehe te reira e fa’a’ohipahia ’e te mau hīmene purera’a ’e te mau hīmene i roto i te buka hīmene purera’a ’e te buka hīmene tei ha’apararehia nei. Tei roto ïa te mau pehe au-roa-hia i roto i te ’Ēkālesia tei fatuhia i muri iho i te matahiti 1985 (mai te hīmene ra « Faith in Every Footstep [Te fa’aro’o i te ta’ahira’a tāta’itahi] »), te tahi pehe tīpe’ehia mai roto i te tahi atu ha’apa’ora’a, ’e te tahi pehe i roto i te 17 000 hīmene tei hāponohia mai e te mau melo o te ’Ēkālesia. E rave rahi, ’e pēnei a’e te tā’āto’ara’a, o teie mau hīmene ’āpī tē ha’aparare-’oi’oi-hia nā ni’a i te natirara tē tu’uhia i roto i te Hymns—for Home and Church [Hīmene nō te ’utuāfare ’e te fare pure].