E nehenehe e tāpa’o i te mau pupu nō te haere i te hiero, nā ni’a i te natirara

I teienei, e nehenehe te feiā mo’a e tāpa’o i te mau pupu nō te rave i te mau ’ōro’a monora’a ato’a nā roto i te fa’anahora’a tāpa’ora’a i’oa nā ni’a i te natirara a te hiero. Nā mua a’e, e fa’ati’a-noa-hia te tāpa’ora’a pupu nō te mau ’ōro’a monora’a mai te bāpetizora’a ’e te tā’atira’a.

E māuruuru i teienei te mau ’utuāfare ’e te mau hoa i teie rāve’a ’āpī, rātou tei hina’aro e haere ’āmui i te hiero. Nō te mau pupu rahi atu ā mai te mau pāroita ’e mau titi, tē anihia nei rātou ’ia tāmau noa i te tāpa’o ia rātou nā roto i te rata uira ’aore rā te niuniu.

I te taime e tāpa’o ai i tōna i’oa, ’a tāpa’o ato’a i te ’oehā tei pāpa’ihia « additional guest [’e te tahi atu hoa] », i reira e patapata ai i te rahira’a tāne ’e te rahira’a vahine e haere mai. Nō te fāito o te pupu, tei te huru ïa te hiero ’e te pārahira’a vata.

E ’ite te mau rave ’ohipa hiero i te tāpa’ora’a i’oa ’ia nā mua atu te mau ta’ata i te vāhi hi’opo’ara’a parau fa’ati’a, ’e nā rātou ïa e arata’i atu.