“Pōpoaki Toetuʻu ʻa e Kau Palesitenisī ʻUluakí,” Liahona, Māʻasi 2024.
Pōpoaki Toetuʻu ʻa e Kau Palesitenisī ʻUluakí
Ko e ʻUhinga ʻEni Kuó U Haʻu Aí, tā ʻa Yongsung Kim, ʻi he angalelei ʻa e Havenlight
ʻI he faʻahitaʻu Toetuʻu ko ʻení, ʻoku mau fakaafeʻi ai kimoutolu ke mou fakalaulauloto ki he feilaulau fakalelei mo e Toetuʻu nāunauʻia ʻa e Fakamoʻuí, ʻa ia ʻokú ne tāpuekina kotoa kitautolú.
Tuʻunga ʻi hotau Fakamoʻui ko Sīsū Kalaisí, ʻoku tau maʻu ai ʻa e pōpoaki ko ʻeni ʻo e ʻamanaki leleí: “Te mou maʻu ʻa e mamahí ʻi māmani: ka mou loto-toʻa; kuó u ikuʻi ʻa māmani” (Sione 16:33). ʻOku talaʻofa mai ʻe he Fakamoʻuí ʻi heʻetau tauhi ʻEne ngaahi fekaú mo e ngaahi ouaú, te tau maʻu ʻa e “melinó ʻi māmani pea mo e moʻui taʻengatá ʻi he maama ka hoko maí” (Tokāteline mo e Ngaahi Fuakava 59:23).
ʻOku mau fakamoʻoni ʻoku moʻui ʻa Sīsū Kalaisi! “Kuó Ne toetuʻu” (Mātiu 28:6). Koeʻuhí ko Ia, ʻe lava ke tataki mo fakamālohia kitautolu ʻi heʻetau fuesia ʻa e ngaahi kavenga ʻoku tau fehangahangai mo ia ʻi he moʻui fakamatelié. Tuʻunga ʻi heʻetau tui ki he feilaulau fakalelei ʻa e Fakamoʻuí, he ʻikai lava ʻe he ngaahi haʻi ʻo e angahalá ʻo puketuʻu kitautolu, pea he ʻikai ha mālohi ʻo e ngaahi faingataʻa ʻoku tau foua ʻi he moʻuí ʻe tuʻuloa kiate kitautolu. “ʻOku folo hifo ʻa e huhu ʻo e maté ʻia Kalaisi” (Mōsaia 16:8).
Ko e Kau Palesitenisī ʻUluakí