“Ko e Hā ʻOku Talaʻofa Mai ʻe Sīsū Kalaisi He ʻIkai Lava ʻe he Māmaní ʻo Palōmesi Maí?,” Liahona, Māʻasi 2024.
Haʻu, ʻo Muimui ʻIate Au
Ko e Hā ʻOku Talaʻofa Mai ʻe Sīsū Kalaisi He ʻIkai Lava ʻe he Māmaní ʻo Palōmesi Maí?
Toʻo mei he Misi ʻa Līhaí, tā ʻa Greg K. Olsen; tā fakatātaaʻi ʻo e akonaki ʻa Sīsuú ʻe Justin Kunz
Neongo ʻe ngali faingataʻa ke mahino ʻa e ngaahi lea ʻa ʻĪsaiá, ka ʻoku ʻi ai ha meʻa ʻe taha ʻoku mahino ko “Pāpiloné … ʻe hangē ia ko e hanga ʻe he ʻOtuá ʻo fakaʻauha ʻa e kolo ko Sōtoma mo Komolá” (2 Nīfai 23:19) pea “ʻe ʻauha ʻa e kau faiangahalá” (vakai, 2 Nīfai 23:22). Ko e hā ka fili ai ʻe ha taha ʻa e hala ʻo e faiangahalá?
Ko e nofo ‘i Pāpiloné, pe moʻui faiangahalá, ʻe lava ke hā ngali fakamānako ia. Mahalo ʻe talaʻofa mai ʻe Pāpilone ha fiefia fakamāmani, ka ʻoku talaʻofa mai ʻe he ongoongolelei ʻo Sīsū Kalaisí ʻa e fiefia moʻoní mo e nonga tuʻuloá.
ʻI he tēpile ko ʻení, fakatokangaʻi ʻa e ngaahi faikehekehe ʻi he founga ʻoku fokotuʻu mai ʻe he māmaní ʻoku totonu ke tau moʻui ʻakí, pea mo e founga ʻoku akoʻi mai ʻe Sīsū Kalaisi ke tau moʻui ʻakí. Ko e hā ha ngaahi talaʻofa ʻoku ʻomi ʻe māmani ʻi he muimui ki heʻene ngaahi akonakí ʻo fakafehoanaki mo e ngaahi talaʻofa ʻoku ʻomi ʻe he Fakamoʻuí ʻi he muimui ki Heʻene ngaahi akonakí?
|
Ko e akonaki ʻa e māmaní |
Ko e talaʻofa ʻa e māmaní |
Ko e akonaki ʻa Sīsū Kalaisí |
Ko e talaʻofa ʻa Sīsū Kalaisí |
|
Ke mou fielahi mo hīkisia (2 Nīfai 23:11) |
Ke mou loto-fakatōkilalo (3 Nīfai 12:3) | ||
|
Ke mou fakahāhā (2 Nīfai 24:11) |
Ke mou angamalū (3 Nīfai 12:5) | ||
|
Ke mou loto-ʻita (2 Nīfai 24:6) |
Ke mou hoko ko ha taha faʻa fakalelei (3 Nīfai 12:9, 22–24) | ||
|
Kumi ho lāngilangi pē ʻoʻou (2 Nīfai 24:13–14) |
Kumi ʻa e [lāngilangi] ʻo e ʻEikí (3 Nīfai 12:16; 13:13, 33) |
He ʻikai ke tau ʻauha fakataha mo e kau faiangahalá kapau te tau muimui ʻia Sīsū Kalaisi. Ka, te tau lava ʻo fakapapauʻi “ʻe ʻaloʻofa” ʻa Sīsū Kalaisi “ki [Hono] kakaí” (2 Nīfai 23:22).