“Ko e Hā ha Ngaahi Moʻoni ʻOku Akoʻi Mai ʻe he 1 Nīfai mo e 2 Nīfaí fekauʻaki mo Sīsū Kalaisí?,” Liahona, Māʻasi 2024.
Haʻu, ʻo Muimui ʻIate Au
Ko e Hā ha Ngaahi Moʻoni ʻoku Akoʻi Mai ʻe he 1 Nīfai mo e 2 Nīfaí fekauʻaki mo Sīsū Kalaisí?
Ofi ki he ngataʻanga ʻo e ngaahi tohi ʻa Nīfaí, ʻokú ne pehē ai, “Kapau ʻoku mou tui kia Kalaisi te mou tui ki he ngaahi folofolá ni, he ko e ngaahi folofola ia ʻa Kalaisi” (2 Nīfai 33:10). ʻOku lahi ha ngaahi moʻoni fekauʻaki mo e ʻulungaanga, moʻui, mo e Fakalelei ʻa e Fakamoʻuí ʻoku maʻu ʻi he meʻa kuo tau ako ʻi he Tohi ʻa Molomoná ʻi he taʻu ní.
Haʻu kiate Au, tā ʻa Eva Timothy
ʻUlungaanga ʻo Kalaisí
-
ʻOkú Ne fonu ʻi he faʻa kātaki, angaʻofa, mo e kātaki fuoloa (vakai, 1 Nīfai 19:9).
-
Te Ne manatuʻi maʻu pē kitautolu (vakai, 1 Nīfai 21:14–16).
-
ʻOkú Ne fakaafeʻi ʻa e tokotaha kotoa ke haʻu kiate Ia (vakai, 2 Nīfai 26:24, 33).
Māmá mo e Moʻoní, tā ʻa Simon Dewey
Ko e Ngāue Fakafaifekau ʻa Kalaisí
-
Naʻá Ne akoʻi ʻEne ongoongoleleí mo fakamoʻui ʻa e mahakí (vakai, 1 Nīfai 11:24, 27–31).
-
Naʻá Ne tā ha sīpinga ʻo e talangofuá ʻaki ʻene papitaiso (vakai, 1 Nīfai 10:9; 2 Nīfai 31:7–12).
-
Naʻe tutuki Ia, tuku ʻi ha fonualoto, pea naʻá Ne ʻaʻahi ki he kau Nīfaí hili ʻEne Toetuʻú (vakai, 1 Nīfai 19:10–11; 2 Nīfai 26:1).
Ko e Tutuki ʻo Kalaisí, ʻikai ʻilo ʻa e taha tā fakatātaá
Fakalelei ʻa Kalaisí
-
Naʻá Ne huhuʻi kitautolu ʻo fakafou ʻi Heʻene feilaulaú (vakai, 2 Nīfai 2:6–7).
-
Naʻá Ne fakahoko ha “fakalelei taʻe-fakangatangata” naʻá Ne ikunaʻi ʻa e mate fakaesinó mo e mate fakalaumālié (2 Nīfai 9:5–22).
-
Te Ne lava ʻo fakaivia kitautolu ʻi he taimi ʻoku tau tui ai kiate Ia mo fili ke fakatomalá (vakai, 2 Nīfai 31:13).