ព្រះគម្ពីរមរមន សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៤ )

មាតិកា
ទំព័រចំណងជើង
សេចក្តីផ្តើមនៃ ព្រះគម្ពីរមរមន សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា
ព្រះគម្ពីរមរមន—ឯកសារណែនាំ
ទំព័របុព្វកថានៃព្រះគម្ពីរមរមន
នីហ្វៃទី ១ ១–៥
នីហ្វៃទី១ ៦–១០
នីហ្វៃទី ១ ១១–១៥
នីហ្វៃទី ១ ១៦–២២
នីហ្វៃទី ២ ១–២
នីហ្វៃទី ២ ៣–៥
នីហ្វៃទី ២ ៦–១០
នីហ្វៃទី ២ ១១–១៩
នីហ្វៃទី ២ ២០–២៥
នីហ្វៃទី ២ ២៦–៣០
នីហ្វៃទី ២ ៣១–៣៣
យ៉ាកុប ១–៤
យ៉ាកុប ៥–៧
អេណុស–ពាក្យសម្ដីនៃមរមន
ម៉ូសាយ ១–៣
ម៉ូសាយ ៤–៦
ម៉ូសាយ ៧–១០
ម៉ូសាយ ១១–១៧
ម៉ូសាយ ១៨–២៤
ម៉ូសាយ ២៥–២៨
ម៉ូសាយ ២៩–អាលម៉ា ៤
អាលម៉ា ៥–៧
អាលម៉ា ៨–១២
អាលម៉ា ១៣–១៦
អាលម៉ា ១៧–២២
អាលម៉ា ២៣–២៩
អាលម៉ា ៣០–៣១
អាលម៉ា ៣២–៣៥
អាលម៉ា ៣៦–៣៨
អាលម៉ា ៣៩–៤២
អាលម៉ា ៤៣–៥២
អាលម៉ា ៥៣–៦៣
ហេលេមិន ១–៦
ហេលេមិន ៧–១២
ហេលេមិន ១៣–១៦
នីហ្វៃទី៣ ១–៧
នីហ្វៃទី ៣ ៨–១១
នីហ្វៃទី ៣ ១២–១៦
នីហ្វៃទី ៣ ១៧–១៩
នីហ្វៃទី ៣ ២០–២៦
នីហ្វៃទី ៣ ២៧–នីហ្វៃទី ៤ ១
មរមន ១–៦
មរមន ៧–៩
អេធើរ ១–៥
អេធើរ ៦–១១
អេធើរ ១២–១៥
មរ៉ូណៃ ១–៦
មរ៉ូណៃ ៧–៩
មរ៉ូណៃ ១០
ឧបសម្ព័ន្ធ

អេធើរ ៦–១១ ៖ ទិដ្ឋភាពទូទៅ

« អេធើរ ១–១១ ៖ ទិដ្ឋភាពទូទៅ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន ( ឆ្នាំ ២០២៤ )

« អេធើរ ៦–១១ » ព្រះគម្ពីរមរមន សៀវភៅសិក្សាសម្រាប់គ្រូបង្រៀន

អេធើរ ៦–១១

ទិដ្ឋភាពទូទៅ

ទោះជាការធ្វើដំណើររបស់ពួកគេមានរយៈពេលវែង និងមានការលំបាកយ៉ាងណាក៏ដោយ ក៏ពួកសាសន៍យ៉ារេឌបានទទួលស្គាល់ថា ព្រះអម្ចាស់កំពុងតែជួយដល់ពួកគេនៅតាមផ្លូវធ្វើដំណើរដែរ ។ បន្ទាប់ពីពួកគេបានទៅដល់ដែនដីសន្យា ប្រជាជនចង់ជ្រើសរើសស្តេចមួយអង្គ ដែលបងប្រុសរបស់ យ៉ារេឌ បានព្រមានថា ការធ្វើបែបនេះនឹងនាំឲ្យពួកគេឈានទៅរកការជាប់ឃុំឃាំង ។ ប្រជាជនមិនបានស្តាប់តាមការព្រមាននេះទេ ហើយជាលទ្ធផលបានបង្កឲ្យមានផលវិបាកដ៏ធ្ងន់ធ្ងរដល់មនុស្សជាច្រើនជំនាន់ ។ បក្សព័ន្ធសម្ងាត់បានកើតឡើងនៅក្នុងចំណោមពួកគេ ហើយនៅទីបំផុតនាំឲ្យពួកគេជួបការបំផ្លិចបំផ្លាញ ។

រៀបចំខ្លួនបង្រៀន

ព័ត៌មានខាងក្រោមនេះផ្តល់ជាគំនិតដល់គ្រូបង្រៀន អំពីអ្វីដែលអាចត្រូវរៀបចំទុកជាមុនសម្រាប់មេរៀននីមួយៗ ។

អេធើរ ៦

គោលបំណងមេរៀន ៖ មេរៀននេះអាចជួយសិស្សឲ្យចេះប្រៀបធៀបបទគម្ពីរដើម្បីរៀនសូត្រពីសេចក្ដីពិត ដែលអាចជួយដល់ពួកគេក្នុងអំឡុងពេលនៃដំណើរជីវិតរបស់ពួកគេបាន ។

ការរៀបចំសិស្ស ៖សូមអញ្ជើញសិស្សឲ្យអាន « បក្សព័ន្ធសម្ងាត់ » នៅក្នុងសេចក្ដីណែនាំដល់បទគម្ពីរទាំងឡាយ ដែលមាននៅលើគេហទំព័រ scriptures.ChurchofJesusChrist.org
មាតិកាដែលត្រូវបង្ហាញ ៖ ជំហានទាំងបួនដើម្បីប្រៀបធៀបបទគម្ពីរ
យោបល់សម្រាប់ការបង្រៀនតាមសន្និសីទវីដេអូ ៖ បន្ទាប់ពីសិស្សមានពេលគ្រប់គ្រាន់ដើម្បីអនុវត្តការប្រៀបធៀបបទគម្ពីរទៅនឹងជីវិតរបស់ពួកគេផ្ទាល់ហើយ សូមពិចារណាដាក់សិស្សជាក្រុមដោយប្រើមុខងារបំបែកក្រុម ដើម្បីចែកចាយអ្វីដែលពួកគេបានរៀនសូត្រជាមួយនឹងមិត្តរួមថ្នាក់នៅក្នុងក្រុមតូច ។

អេធើរ ៧–១១

គោលបំណងមេរៀន ៖ មេរៀននេះអាចជួយឲ្យសិស្សយល់ពីសារៈសំខាន់នៃការធ្វើតាមព្យាការីរបស់ព្រះអម្ចាស់ ។

ការរៀបចំសិស្ស ៖ សូមអញ្ជើញសិស្សឲ្យមករៀនដោយបានរៀបចំខ្លួនត្រៀមដើម្បីចែកចាយពីការទូន្មាន ឬការព្រមានមួយចំនួនមកពីព្យាការី ដែលយើងបានទទួលនៅក្នុងជំនាន់របស់យើងនេះ ។ ពួកគេអាចរកឃើញឧទាហរណ៍នានានៅក្នុង ដើម្បីកម្លាំងនៃយុវជន ( កូនសៀវភៅ ឆ្នាំ ២០២២ ) ឬពីសុន្ទរកថាសន្និសីទទូទៅនាពេលថ្មីៗនេះ ។
រូបភាព ៖ មនុស្សម្នាក់ជាប់នៅក្នុងគុក
សម្ភារ ៖ ច្បាប់ចម្លងមកពី ដើម្បីកម្លាំងនៃយុវជន ៖ សេចក្តីណែនាំសម្រាប់ធ្វើការជ្រើសរើស ( កូនសៀវភៅ ឆ្នាំ ២០២២ ) និងការបោះពុម្ពផ្សាយនៃសន្និសីទទូទៅនាពេលថ្មីៗនេះនៃទស្សនាវដ្ដី លីអាហូណា សម្រាប់សិស្ស ដែលមិនមានលទ្ធភាពប្រើប្រាស់ច្បាប់ឌីជីថល
វីដេអូ ៖ « The Immediate Goodness of God » ( ១១:៣៩; សូមមើលចាប់ពីនាទីទី ៣:៣៧ ដល់នាទីទី ៦:៣៣ )
យោបល់សម្រាប់ការបង្រៀនតាមសន្និសីទវីដេអូ ៖ នៅពេលដែលសិស្សចងក្រងបញ្ជីអំពីការព្រមានមកពីព្យាការីនៅសម័យទំនើប ដែលអាចជួយយើងឲ្យចៀសផុតពីការជាប់ឃុំឃាំង សូមពិចារណាប្រើប្រាស់មុខងារក្ដារខៀន ដើម្បីអនុញ្ញាតឲ្យពួកគេសរសេរចម្លើយរបស់ពួកគេចំពោះសំណួរទាំងនោះ ។ សូមពិចារណាអញ្ជើញពួកគេឲ្យពន្យល់ពីមូលហេតុ ដែលពួកគេឆ្លើយចម្លើយបែបនោះ និងរបៀបដែលការព្រមានទាំងនេះបង្ហាញពីសេចក្តីស្រឡាញ់ និងសេចក្តីប្រាថ្នារបស់ព្រះចំពោះយើង ។

អេធើរ ៨

គោលបំណងមេរៀន ៖ មេរៀននេះអាចជួយសិស្សឲ្យយល់ដឹងអំពីតម្រូវការក្នុងការបដិសេធចោលបក្សព័ន្ធសម្ងាត់ ដោយការធ្វើតាមព្រះយេស៊ូវគ្រីស្ទ ។

ការរៀបចំសិស្ស ៖ សូមអញ្ជើញសិស្សឲ្យរៀនស្គាល់និយមន័យនៃពាក្យបក្សព័ន្ធសម្ងាត់ ដោយការសិក្សាសេចក្តីសង្ខេបដែលស្ថិតនៅក្រោមចំណងជើង « អេធើរ ៨:៧–២៦ ៖ ព្រះអម្ចាស់មិនធ្វើការក្នុងភាពងងឹតទេ » នៅក្នុងគម្រោងមេរៀន « អេធើរ ៦–១១ ៖ ‹ដើម្បីឲ្យអំពើអាក្រក់ត្រូវបាត់អស់ទៅ › » នៅក្នុង ចូរមកតាមខ្ញុំ—សម្រាប់គេហដ្ឋាន និងសាសនាចក្រ ៖ ព្រះគម្ពីរមរមន ឆ្នាំ ២០២៤ ។

អេធើរ ១២:១–២២

គោលបំណងមេរៀន ៖ មេរៀននេះអាចជួយសិស្សឲ្យអនុវត្តសេចក្ដីជំនឿ ដើម្បីទទួលបានទីបន្ទាល់ខាងវិញ្ញាណនៃសេចក្ដីពិតបាន ។

ការរៀបចំសិស្ស ៖ សូមអញ្ជើញសិស្សឲ្យគិតអំពីគំរូនានានៅក្នុងព្រះគម្ពីរដែលបង្ហាញថា ការប្រព្រឹត្តដោយស្មោះត្រង់នាំឲ្យមានទីបន្ទាល់ខាងវិញ្ញាណ ពរជ័យ ឬចម្លើយមកពីព្រះ ។
វីដេអូ ៖ « Do What Mattereth Most » ( ១០:៤៥; សូមមើលចាប់ពីនាទីទី ១:៥៦ ដល់ ២:៣៤ និងចាប់ពីនាទីទី ២:៣៤ ដល់នាទីទី ៣:១០ ); « The Sustaining Power of Faith in Times of Uncertainty and Testing » ( ១៥:៥៤; សូមមើលចាប់ពីនាទីទី ៥:០៨ ដល់នាទីទី ៥:៥៣ ); « Pure and Simple Faith » ( ៥:២១ )
យោបល់សម្រាប់ការបង្រៀនតាមសន្និសីទវីដេអូ ៖ មុនពេលចាប់ផ្តើមថ្នាក់រៀន សូមឲ្យសិស្សម្នាក់ ឬពីរបីនាក់រៀបចំខ្លួនដើម្បីចែកចាយបទពិសោធន៍ដែលពួកគេ ឬអ្នកផ្សេងទៀតបានទទួលនូវទីបន្ទាល់ខាងវិញ្ញាណ ដែលកើតចេញមកពីការរស់នៅតាមដំណឹងល្អរបស់ព្រះអង្គសង្គ្រោះ ។

ចំណេះចំណានខាងគោលលទ្ធិ ៖ អេធើរ ១២:៦

គោលបំណងមេរៀន ៖ មេរៀននេះអាចជួយសិស្សឲ្យទន្ទេញសេចក្តីយោងនៃចំណេះចំណានខាងគោលលទ្ធិ និងឃ្លាបទគម្ពីរគន្លឹះសម្រាប់ អេធើរ ១២:៦ ពន្យល់អំពីគោលលទ្ធិដែលបានបង្រៀននៅក្នុងវគ្គបទគម្ពីរនេះ ហើយអនុវត្តគោលការណ៍នៃការទទួលបានចំណេះដឹងខាងវិញ្ញាណនៅក្នុងស្ថានភាពជីវិតជាក់ស្តែង ។

ការរៀបចំសិស្ស ៖ សូមអញ្ជើញសិស្សឲ្យស្វែងរកវគ្គបទគម្ពីរ ដែលអាចជួយនរណាម្នាក់ឲ្យអនុវត្តសេចក្ដីជំនឿលើព្រះយេស៊ូវគ្រីស្ទបាន ។ ពួកគេអាចស្រាវជ្រាវក្នុងប្រធានបទអំពី « សេចក្ដីជំនឿ » នៅក្នុង សេចក្ដីណែនាំដល់បទគម្ពីរទាំងឡាយ ឬ Topical Guide បានដើម្បីស្វែងរកបទគម្ពីរទាំងឡាយ ។
យោបល់សម្រាប់ការបង្រៀនតាមសន្និសីទវីដេអូ ៖ សូមពិចារណាដាក់សិស្សជាក្រុមដោយប្រើមុខងារបំបែកក្រុម ដើម្បីពិភាក្សាអំពីសាច់រឿងនេះ ។ ប្រសិនបើអ្នកជ្រើសរើសជម្រើសនេះ សូមប្រាកដថា អ្នកបង្ហាញសំណួរពិភាក្សាទាំងនេះនៅក្នុងឈែត ដូច្នេះសិស្សអាចមើលទៅសំណួរទាំងនេះបាន ។