Төгс эзэмших сургаал: Ифер 12:6

Итгэлийн тань сорилтын дарааг хүртэл та нар гэрчийг хүлээн авахгүй.”

Та Ифер 12:1–22-ыг судлахдаа үнэний сүнслэг гэрчийг хүлээн авахаасаа өмнө Есүс Христэд болон Түүний сайн мэдээнд хэрхэн итгэлээ хөгжүүлэх талаар сурч мэдсэн (Ифер 12:6-г үзнэ үү). Энэ хичээл танд Ифер 39:9-ийн төгс эзэмших сургаалын судрын эшлэл, түлхүүр үг хэллэгийг цээжилж, энэ хэсгүүдэд заасан сургаалыг тайлбарлаж, сүнслэг мэдлэг олж авах зарчмуудыг бодит амьдралын нөхцөл байдалд ашиглахад тусална.

Суралцагчдыг сүнслэг мэдлэг олж авах зарчмыг ашиглахад урамшуулан дэмж. Суралцагчид сүнслэг мэдлэг олж авах зарчмуудыг ашиглахад илүү таатай байх тусам тэд өөрсдөдөө байгаа асуултуудад уг зарчмуудыг хэрэглэх нь гарцаагүй. Тэднийг зарчмуудыг янз бүрээр дүгнэхэд урихдаа тууштай, бүтээлч бай.

Суралцагчийн бэлтгэл: Хэн нэгний Есүс Христэд итгэх итгэлийг нь хөгжүүлэхэд тусалж болох судрын хэсгүүдийг хайж олоход суралцагчдыг урь. Тэд судруудыг олохын тулд Судруудын удирдамж эсвэл Сэдэвчилсэн гарын авлага дахь “Итгэл” сэдвийг хайж болно.

Боломжит суралцах үйл ажиллагаа

Энэхүү төгс эзэмших сургаалын хэсгийн талаарх Ифер 12:6–10 хичээлийг төгс эзэмших сургаалын судрын хэсгийн хам сэдвийн талаарх “Ифер 12:1–22” хичээлийн дараа заахад зориулсан болно. Хэрэв төгс эзэмших сургаалын энэ хичээлийг өөр долоо хоног руу шилжүүлэх шаардлагатай бол холбогдох хам сэдэв бүхий хичээлийг нь тухайн долоо хоногт нь заасан байхад анхаар.

Тайлбарлах ба цээжлэх

Өмнөх хичээл дээр та Ифер 12:6-аас Хэрэв бид сүнслэг гэрчийг хүлээн авахыг хүсвэл эхлээд Есүс Христэд болон Түүний сайн мэдээнд итгэх итгэлээ хөгжүүлэх ёстой гэдэг үнэнийг сурч мэдсэн.

Суралцагчдыг Ифер 12:6-ийн сургаалыг хамтрагчдаа тайлбарлах дадлага хийхэд урь. Та дараах шиг асуултыг суралцагчдыг ярилцахад зориулан үзүүлж болно.

• Асуултдаа хариулт авч чадаагүй эсвэл үнэнийг хараахан “хараагүй” хүмүүст зориулан Ифер 12:6 дээр ямар зөвлөгөө өгөгдсөн бэ?

Суралцагчдад Ифер 12:6-ийн судрын эшлэл, түлхүүр үг хэллэгийг цээжлэхэд тусал. Дараах нь үүнийг хийж гүйцэтгэх нэг арга зам юм.

Ерөнхийлөгч Эзра Тафт Бэнсон (1899–1994) хувь хүн бүр өөрийн итгэл үнэмшилд сорилт тулгарсан мөчтэй тулгарах нь гарцаагүй бөгөөд тэд ямар нэгэн зүйлд итгэх эсэхээ шийдэх ёстой гэж заасан (“The Book of Mormon is the Word of God,” Ensign, May 1975,, 65-ыг үзнэ үү). Өөрөөр хэлбэл, хүн бүр итгэж, үнэнийг мэдэх итгэлтэй байх ёстой.

Том хананы урд зогсож, зураасан дүрстэй өөрийгөө зур. Ифер 12:6 дээрх эшлэл, судрын түлхүүр үг хэллэгийг цээжлэхэд тань туслах “итгэлийн хана”-ыг ашигла. Хананы дээд талд “Ифер 12:6” гэж бичээд, хэд хэдэн удаа “Итгэлийн тань сорилтын дарааг хүртэл та нар гэрчийг хүлээн авахгүй” гэж бич. Ханан дээрх бүх орон зай судрын түлхүүр үг хэллэгээр дүүрэх үед цээжээр хэд хэдэн удаа чанга хэлж үз.

Амьдралд хэрэгжүүлэх үйл ажиллагаа

Дадлага хэрэгжүүлэх үйл ажиллагааг эхлүүлэхийн өмнө суралцагчдыг сүнслэг мэдлэг олж авах зарчмуудыг сурч, давтахад нь дэмжих бүтээлч аргуудын талаар бод. Үүнийг тогтмол хийснээр эдгээр зарчмыг хэрхэн хэрэгжүүлэх талаар мэдэхэд нь тусална.

Үүнийг хийх нэг арга бол сүнслэг мэдлэг олж авах гурван зарчмыг самбарт бичих явдал юм. Дараа нь зарчим бүрээс утга санааг дурын дарааллаар бичиж, санаануудыг зөв зарчимтай холбоход суралцагчдыг урь.

Дараах жишээг суралцагчидтай хуваалц эсвэл ижил зорилгын төлөөх өөрийн жишээг бод.

Кристиана, Никита хоёр хамгийн сайн найзууд. Кристиана бол Есүс Христийн Хожмын Үеийн Гэгээнтнүүдийн Сүмийн гишүүн юм. Тэрээр зохион байгуулалттай шашинд итгэдэггүй найз Никитадаа зөв үлгэр дуурайл үзүүлэхийг хичээдэг. Никита үргэлж Кристианад яагаад ням гараг бүр сүмд очиж, аравны нэгээ төлж, мэргэн ухааны үгээр амьдарч, даруу хувцаслахыг сонгодог зэрэг итгэл үнэмшлийнх нь талаар асуулт тавьдаг.

Кристиана Никитад амьдралынх нь зарлиг, жишгүүд үнэн бөгөөд Бурханаас илгээснийг мэдэрдгээ тайлбарлав. Никита эелдгээр “Чи эдгээрийг үнэн гэдгийг яаж мэдэж байгаа юм бэ? Чи харж чадахгүй байгаа зүйлээ үнэн гэдгийг яаж мэдэж байгаа юм бэ?” гэж асуув.

Суралцагчдыг жижиг бүлгүүдэд хуваарилж, ийм нөхцөл байдалд сүнслэг мэдлэг олж авах зарчмуудыг болон Ифер 12:6-г хэрхэн ашиглаж болох талаар ярилцахад урь. Төгс эзэмших сургаалыг хэрэгжүүлэх жишээнүүд нь сүнслэг мэдлэг олж авах зарчмуудыг ашиглан, дадлага хийх боломжийг олгох зорилготой гэдгийг суралцагчдад сануул. Тэдний санаа болон хариултууд цэгцтэй, төгс байх шаардлагагүй.

“Та найздаа туслахын тулд сүнслэг мэдлэг олж авах зарчмуудын алинаас нь эхлэх вэ? Яагаад?” хэмээн асууж, ярилцлагаа эхлэхэд та суралцагчдыг урьж болно. Дараах асуултууд нь суралцагчдад ярилцаж байхдаа харахад тустай байж болно.

Утга санаа, асуултуудыг мөнхийн талаас нь шинжлэн судлах

• Та Никитад ямар ойлголт ба үнэнийг илүү сайн ойлгоход нь туслахыг хүсэж байна вэ? Яагаад?

• Их Эзэний тухай мөн Түүний бидэнтэй хэрхэн ажилладаг талаар та Никитатай юу хуваалцаж болох вэ?

Тэнгэрээс томилогдсон эх сурвалжуудаар дамжуулан илүү гүн гүнзгий ойлголт олж авахыг эрэлхийлэх

• Ифер 12:6-ийн ямар сургаал ийм нөхцөл байдалд тусалж болох вэ? Яагаад?

  Суралцагчдад Сүмийн удирдагчийн холбогдох мэдэгдлийг жишээ болгон үзэх нь тустай бол өмнөх хичээлийн “Тайлбар ба нөхцөл байдлын талаарх мэдээлэл” хэсгээс Бонни Л.Оскарсон эгчийн мэдэгдлийг хуваалцахыг бод.

• Никитад тусалж, удирдамж болж чадах ямар судрын нэмэлт хэсэг эсвэл Сүмийн удирдагчдын хэлсэн мэдэгдлүүд байна вэ?

Итгэлээр үйлдэх

• Та мөн бусад хүн Есүс Христэд итгэх итгэлээ хөгжүүлэхдээ ямар туршлага хуримтлуулсан бэ? Эдгээрийг Никитатай хуваалцах нь түүнийг итгэлээр үйлдэхэд хэрхэн тусалж болох вэ?

• Ямар итгэлтэй үйлдэл хийж эхлэхийг та Никитад зөвлөж болох вэ?

Суралцагчдыг ярилцаж дууссаных нь дараа, заримыг нь хэрхэн хариулснаа, туршлагаасаа юу сурч мэдсэнээ хуваалцахад урь.

Энэ дасгал нь өөрсдөд нь одоо болон ирээдүйд хэрхэн тусалж болох талаар суралцагчидтай ярилцах талаар бод. Жишээлбэл: Та суралцагчдыг Ифер 12:6-ийн сургаал болон сүнслэг мэдлэг олж авах зарчмууд нь итгэлийн сорилтоор дамжуулан өөрсдөд нь болон бусдад тусалж, эцэст нь үнэний баталгаат гэрчийг хүлээн авахад тусалж болох өнөөгийн болон ирээдүйн нөхцөл байдлын талаар бодоход урьж болно.

Төгс эзэмших сургаалын давтлага

Дараа дараагийн хичээлийн үеэр хананы урд зогсож байгаа зураасан дүрстэй хүнийг самбарт зур. Суралцагчдыг төгс эзэмших сургаалын ямар эшлэл зурагтай холбоотой болохыг эргэн санахад урьж (Ифер 12:6), тэднийг хамтрагчтайгаа судрын түлхүүр үг хэллэгийг уншиж давтахад урамшуулан дэмж. Судрын түлхүүр үг хэллэг нь “Итгэлийн тань сорилтын дарааг хүртэл та нар гэрчийг хүлээн авахгүй” гэсэн хэллэг юм.