Yon Nouvo Fwaye nan Tè Pwomiz la

Nefit ak Lamanit yo

Fanmi Leyi ak Sarya a te kontinye grandi nan tè pwomiz la. Pitit yo te gen pitit pou tèt pa yo. Leyi te kòmanse granmoun. Anvan l te mouri, li te bay moun nan fanmi l yo benediksyon. Li te di yo ke lè yo kenbe kòmandman yo, Senyè a t ap ede yo.

2 Nefi 4:3–12

Apre Leyi te fin mouri, Nefi te dirije pèp la. Li te di yo pou yo te obeyi Senyè a. Laman ak Lemyèl te fache. Yo te vle touye Nefi pou yo ta ka dirije pito.

2 Nefi 4:13; 5:1–4

Senyè a te di Nefi pou l te pati avèk fanmi l ak tout lòt moun ki te vle suiv Senyè a. Yo te vwayaje pou anpil jou epi yo te jwenn yon nouvo kote pou yo te viv.

2 Nephi 5:1, 5–8

Moun ki te ale avèk Nefi yo te rele Nefit, epi sa k te rete yo te rele Lamanit. Nefit yo te mande Nefi pou l te dirije yo. Yo te travay di. Yo te plante, gade bèt, ak bati tanp ak lòt kay. Prèt ak enstriktè te anseye yo konsènan Senyè a, epi pèp la te kontan.

2 Nefi 5:9–11, 13–17, 26–27