Jezi Pataje Sentsèn nan

Toujou Sonje Li

Jezikri ap pale avèk yon gwo gwoup moun, epi disip Li yo pote pen ak krich diven ba Li

Apre Jezi te fin geri moun ki te malad yo epi beni timoun piti yo, Li te prezante sentsèn bay tout moun ki te rasanble pou tande L yo. Li te mande disip Li yo pou yo te pote pen ak diven.

3 Nephi 17; 18:1–2

Jezikri kase pen an de mwatye epi Li bay disip Li yo pen an

Jezi te kase pen an epi Li te beni li. Li te bay disip Li yo pou yo manje. Li te mande disip yo pou yo te bay tout pèp la pen.

3 Nefi 18:3–4, 6

Jezikri kenbe moso pen yo, epi foto kwa a ak tonbo vid la dèyè Li

Jezi te di tout moun ki te kwè nan Li e ki te batize ta dwe manje pen an. Lè y ap fè sa, yo dwe sonje kò Li. Li te raple pèp la konsènan lè yo te santi mak klou nan men L ak pye L yo ak blesi a nan bòkòt Li a.

3 Nefi 11:14–15; 18:3–7

Jezikri bay youn nan disip Li yo yon gode avèk diven

Apresa, Jezi te bay disip Li yo diven pou yo bwè. Li te mande disip yo pou yo te bay tout pèp la diven.

3 Nefi 18:8–9

Jezikri mete ajenou epi L priye nan Jaden Jetsemane a

Jezi te di tout moun ki te repanti epi batize yo ta dwe bwè diven an. Li te mande tout moun ki bwè diven an pou yo sonje san Li. Li te fè yo sonje ke Li te bay san Li lè L te soufri epi mouri pou yo a.

3 Nefi 18:11

Jezi te di ke manje pen an ak bwè diven an sete yon kòmandman. Lè pèp la manje pen an epi bwè diven an, pèp la montre Papa nou ki nan Syèl la ke yo vle respekte kòmandman L yo epi sonje Jezi. Jezi te di yo t ap gen Sentespri a kòm si yo te fè bagay sa yo.

3 Nefi 18:7, 10–14

Jezikri ap pale ak pèp la, epi yo souri ba Li

Apre pèp la te fin manje pen an epi bwè diven an, yo te ranpli avèk Sentespri a. Apresa pèp la te fè lwanj pou Jezi.

3 Nefi 18:4–5, 9; 20:9