Jezikri Vizite Pèp la

Ede chak moun kwè nan Li

yon fanmi ap gade syèl la, ak lòt moun nan vil la k ap diskite

Anpil nan pèp la pa t ap koute pwofèt Bondye yo. Men gen kèk moun ki te kwè sa pwofèt yo te anseye. Kwayan sa yo te tann pou siy lanmò Jezikri a.

3 Nephi 7:16–26; 8:1–4

zeklè, tanpèt, inondasyon, tranblemanntè, ak dife detwi yon vil

Apre Jezi te fin mouri nan Jerizalèm, siy yo te kòmanse. Nan Amerik la, te gen tanpèt, tranblemanntè ak dife pandan twazèdtan. Vil yo te detwi, e anpil moun te mouri. Apresa, te gen fènwa total pandan twa jou.

3 Nefi 8:5–19, 23

yon moun ap eseye limen yon dife, men li pa limen epi tout bagay fènwa

Fènwa a te tèlman epè ke pèp la pa t ka wè solèy la, lalin nan, oswa zetwal yo. Yo pa t kapab menm limen dife oswa bouji.

3 Nephi 8:20–23

li toujou fènwa, moun ede youn lòt nan yon bilding ki kraze, epi yon moun ap kriye epi priye

Anpil nan moun ki te toujou vivan yo te tris anpil epi yo te pè. Yo te kriye epi yo te santi yo regrèt dèske yo pa t repanti pi bonè.

3 Nephi 8:24–25

li toujou fènwa, moun ap gade syèl la, epi moun k ap priye a sispann kriye

Toudenkou, yo te tande yon vwa. Sete Jezi ki t ap pale avèk yo. Li te pwomèt pou l geri tout moun ki te repanti. Jezi te di yo ke Li te mouri epi Li te retounen viv ankò pou ede tout moun. Pèp la te sitèlman sezi ke yo te sispann kriye. Te gen silans nan peyi a pandan plizyè èdtan.

3 Nephi 9; 10:1–2

fanmi ki chita nan sèk epi ki ap souri, epi li pa fè nwa ankò

Jezi te pale ankò. Li te di moun yo Li t ap ede yo si yo te chwazi suiv Li. Fènwa a te ale, epi tè a te sispann tranble. Pèp la te kontan epi yo te fè lwanj pou Jezi.

3 Nephi 10:3–10

yon gwo gwoup moun rasanble toutotou tanp lan, epi yo gade syèl la pandan nyaj nwa kòmanse montre limyè

Apeprè yon ane apre, anpil moun te vin nan tanp lan nan peyi Abondans la. Yo te pale konsènan Jezi ak siy lanmò L yo. Pandan yo t ap pale, yo te tande yon vwa piti ki te soti nan syèl la. Okòmansman, yo pa t ka konprann li. Apresa yo tande li ankò.

3 Nefi 8:5; 10:18; 11:1–4

Jezikri desann soti nan syèl la, epi pèp la kontan ak akeyi Li

Lè yo te tande vwa a yon twazyèm fwa, yo te gade syèl la. Se te Papa nou ki nan Syèl la ki t ap pale. Li te di moun yo pou yo gade ak koute Pitit Li a. Lè sa a, pèp la te wè yon mesye nan yon rad blan desann soti nan syèl la.

3 Nephi 11:5–8

Jezikri kanpe nan mitan pèp la, epi moun yo vin jwenn Li epi yo manyen mak klou yo nan pla men L yo

Mesye a te kanpe nan mitan pèp la epi L te di: “Mwen se Jezikri.” Pèp la te tonbe atè. Jezi te di yo Li te soufri epi Li te mouri pou tout moun. Li te envite pèp la pou yo manyen mak nan men L, pye L, ak bò kòt Li yo pou yo te kapab konnen Li se Sovè mond lan.

3 Nephi 11:8–14

Jezikri chita sou mach tanp yo, epi pèp la vin jwenn li epi manyen mak klou yo nan pla men L yo.

Pèp la te vin jwenn Jezi youn pa youn. Yo te wè ak pwòp je pa yo epi yo te santi avèk pwòp men yo mak yo nan men L, pye L, ak bò Kòt Li. Yo tout te konn ke se li menm pwofèt yo te di ki t ap vini an. Yo te konnen Li se Sovè mond lan. Pèp la te tonbe nan pye Jezi epi yo te adore Li.

3 Nefi 11:15–17