Yon Sèvant Nefit,” Istwa Liv Mòmon yo (2023)
Yon Sèvant Nefit
Ap ede pwoteje pèp li
Yon bòn t ap travay pou yon dirijan Nefit ki te rele Moryanton. Moryanton t ap bay anpil pwoblèm nan mitan pèp la. Li te atake yon gwoup Nefit epi l te eseye pran tè yo. Apresa li te planifye pou l te vwayaje nan nò avèk pèp li a pou l t al pran tè ki te nan zòn sa a.
Yon jou, Moryanton te vin fache avèk bòn nan. Li te trete l trè mal epi l te blese li. Bòn nan te sove epi l te kouri ale nan kan Kapitèn Mowoni an. Li te rakonte Mowoni tout move bagay Moryanton te fè yo. Mowoni te kwè li.
Bòn nan te di tou ke Moryanton te vle deplase epi vin pran posesyon peyi nò a. Mowoni te enkyè. Nefit yo te kapab andanje si Moryanton te pran posesyon peyi nan nò a. Sa te ka lakòz moun yo pèdi libète yo.
Mowoni te voye yon lame pou bloke Moryanton. Pèp Moryanton an te goumen avèk lame a epi yo te pèdi. Yo te pwomèt pou yo te rete anpè epi retounen nan peyi yo. Paske bòn nan te avèti Mowoni a, vil Nefit yo te rete an sekirite