Maman yon Jèn Lame

Anseye timoun yo pouo mete konfyans nan Bondye.

pitit gason adolesan ap koute pandan manman ap anseye yo epi yon jèn tifi ap jwe toupre

Anti-Nefi-Leyi yo te renmen Senyè a ak tout pèp. Manman yo te anseye pitit yo ke yo te ka toujou mete konfyans yo nan Bondye. Yo te anseye yo pou yo respekte kòmandman L yo.

Alma 26:31–34; 27:12, 27–30; 56:47–48; 57:21, 26

Elaman ak lòt Nefit ap gade yon vil k ap boule

Nefit yo ak Lamanit yo t ap goumen youn ak lòt nan yon gwo lagè. Nefit yo t ap goumen pou pwoteje pwòp pèp pa yo ak Anti-Nefi–Leyi yo.

Alma 48–52; 53:10–13

Anti-Nefi-Leyi yo ap pale avèk Elaman ak yon lòt Nefit

Akòz peche pase yo, Anti-Nefi-Leyi yo te fè yon alyans, oswa pwomès espesyal, avèk Bondye pou pa t janm goumen ak pèsonn. Men yo te renmen Nefit yo e yo te vle ede yo.

Alma 24:6–19; 53:10–13

pitit gason Anti-Nefi–Leyi yo pale youn ak lòt epi yo gade paran yo k ap pale avèk Elaman ak yon lòt Nefit

Anti-Nefi-Leyi yo ta pral goumen nan lagè a. Men pwofèt Elaman ak lòt dirijan Legliz yo te konvenk yo ke yo ta dwe kenbe pwomès yo pou pa goumen an. Anti-Nefi-Leyi yo te oblije ap gade zanmi yo ale nan anpil doulè ak pwoblèm, men yo te kenbe alyans yo avèk Bondye a.

Alma 53:13–15

pitit gason yo leve men yo, epi paran yo ak Nefit yo koute yo

Pitit gason Anti-Nefi–Leyi yo pat fè pwomès paran yo te fè a. Kounyea, yo te fè pwomès pa yo pou yo te goumen pou libète.

Alma 53:16–17

Pitit gason yo jwenn fwenn nan men yon sòlda Nefit, epi manman yo ak papa yo priye epi veye

Yo te gen anpil kouraj. Yo te aprann nan men manman yo ke si yo pa t doute, Bondye t ap pwoteje yo.

Alma 53:20; 56:47

pitit gason yo mete boukliye epi yo pale ak manman yo ak papa yo, epi Elaman mete boukliye epi kanpe toupre

Pitit gason yo te kwè manman yo. Pitit gason yo te fidèl devan Bondye e yo te respekte kòmandman L yo. Yo te gen konfyans ke Bondye t ap kenbe yo an sekirite. Manman yo te konnen Bondye t ap pwoteje pitit gason yo.

Alma 53:20–21; 56:47–48; 57:20–21, 26