Kapitèn Mowoni ak Paworan

Fòs ki soti nan Bondye

Kapitèn Mowoni ap veye, epi sòlda fatige ak blese ap repoze

Nefit yo ak Lamanit yo te nan lagè. Mowoni sete kapitèn lame Nefit yo. Dirijan Nefit yo pa t voye ase sòlda ni manje. Mowoni te fache epi li te ekri yon lèt voye bay Paworan, lidè Nefit yo.

Alma 59:3–13; 60:1, 3–5

Nan lèt li a, Mowoni te mande Paworan poukisa li pa t voye èd. Mowoni te panse Pahoran pa t sousye pou pèp la e li te jis vle pouvwa. Mowoni te vle pou pèp li a lib.

Alma 60

Paworan li lèt Kapitèn Mowoni a epi li parèt tris

Paworan te tris dèske lame yo pa t gen èd. Li te vle ede Mowoni, men li pa t kapab. Kèk nan Nefit yo t ap goumen kont li.

Alma 61:1–4

Nefit ki abiye anpenpan kanpe sou yon miray vil la epi y ap rele

Yo te rele Nefit sa yo moun–wa yo. Yo te vle gen pouvwa pou tèt pa yo epi yo te vle dirije pèp la. Yo te pran gouvènman an nan men Pahoran.

Alma 51:5; 61:3–5, 8

Paworan ap ekri yon lèt epi l ap siveye yon kan

Paworan te vle kontinye dirije Nefit yo yon fason pou l te kapab ede yo. Menmjan ak Mowoni, li te vle pou Nefit yo suiv Bondye e pou yo kenbe libète yo. Li te vle pou yo pa t goumen ak pèsonn. Men, li te dispoze goumen si sa t ap ede l kenbe pèp li a an sekirite.

Alma 61:9–14, 19–20

Paworan te mande Nefit yo pou te ede l goumen pou pwoteje fanmi yo, libète yo, ak dwa yo genyen pou yo adore Bondye. Li te konn ke Lespri Bondye t ap avèk yo lè yo te chwazi goumen pou sa ki dwat. Anpil Nefit te vini pou ede Pahoran defann peyi yo a.

Alma 61:5–7, 14–15

Pahoran te ekri Mowoni yon lèt. Li pa t fache avèk Mowoni. Li te di Mowoni tout sa k t ap pase. Li te mande Mowoni pou l te vin ede l goumen avèk moun-wa yo. Paworan te konnen ke si yo te suiv Bondye, yo pa t bezwen pè. Bondye t ap pwoteje yo epi Li t ap ede yo.

Alma 61:9, 14–21

Kapitèn Mowoni kenbe etanda libète a epi l ap mache nan mitan Nefit yo

Mowoni te chaje ak espwa akoz lafwa Paworan. Men, li te tris dèske kèk Nefit t ap goumen avèk pwòp pèp pa yo e yo pa t obeyi Bondye. Mowoni te pran yon lame epi li t al ede Paworan. Li te kenbe etanda libète a toupatou kote l te ale. Plizyè milye Nefit te deside goumen pou yo te defann libète yo.

Alma 62:1–5

Kapitèn Mowoni ak Paworan souri epi y ap gade nan yon kat jeyografik

Mowoni ak Paworan te bat moun-wa yo avèk lame yo. Paworan te vin lidè Nefit yo ankò. Mowoni te voye anpil gason pou ede lame Nefit yo. Li te voye manje bay lame yo. Kounyea, Nefit yo te ini, yo te genyen anpil batay. Yo te repran anpil vil Nefit ki te nan Lamanit yo.

Alma 62:6–32