Kapitèn Mowoni ak Zerayemna

Yon batay ak yon pwomès pou viv nan lapè.

Zarayemna sete dirijan pou lame Lamnit yo. Li te vle pou l pran kontwòl sou Nefit yo epi fè yo sèvi pèp li a. Zarayemna te dirije lame l yo pou atake Nefit yo.

Alma 43:3–8

Lame Nefit la t ap siveye lame Lamanit la

Nefit yo te vle pwoteje fwaye yo, fanmi yo, ak relijyon yo. Yo te konnen yo pa t ap gen posiblite adore Senyè a si Lamanit yo te pran kontwòl yo. Nefit yo te chwazi konbat enmi yo.

Alma 43:9–10, 14–15

Yon mesye ki rele Mowoni sete kapitèn lame Nefit yo. Mowoni te asire l ke lame l yo te pare pou batay.

Alma 43:16–17

Kapitèn Mowoni ak sòlda Nefit yo pare pou batay

Sòlda Mowoni yo te pote zam yo, epi Mowoni te ba yo rad epè ak boukliye pou pwoteje yo.

Alma 43:18–19

Lamanit yo gade lame Nefit yo epi yo te sanble yo kraponnen

Mowoni te dirije lame l yo pou yo t al konbat Lamanit yo. Men lè Lamanit yo te wè Nefit yo te gen gwo kiras ak boukliye, yo te efreye pou yo te goumen. Lamanit yo te sèlman gen rad fen sou yo epi yo pa t gen okenn boukliye pou te pwoteje yo.

Alma 43:19–21

Sòlda Lamanite te kouri antre nan forè a

Lamanit yo te kouri ale. Yo te eseye fofile antre nan yon diferan peyi Nefit. Yo te panse Mowoni pa t ap konnen kote yo te ale.

Alma 43:22

Espyon Nefit yo obsève sòlda Lamanit yo ki t ap kouri

Men osito ke Lamanit yo te ale, Mowoni te voye espyon pou suiv yo.

Alma 43:23

Apresa Mowoni te voye yon mesaj bay pwofèt Alma. Li te vle pou Alma te mande Senyè a kisa Lamanit yo t ap planifye pou yo fè. Senyè a te di Alma ke Lamanit yo t ap planifye pou yo te atake yon peyi fèb ki te rele Manti. Mowoni te koute Alma. Li te dirije lame l yo pou yo t al batay kont Lamanit yo.

Alma 43:23–33

Sòlda Lamanit ak Nefit yo te goumen youn kont lòt

Lame yo te goumen. Lamanit yo te trè solid epi yo te an kòlè. Nefit yo te vin efreye devan Lamanit yo epi yo ta pral kouri ale. Men Mowoni te fè yo sonje fanmi yo ak lafwa yo, konsa yo te kontinye batay.

Alma 43:34–37, 43–48

Mowoni te lonje men li pou sispann goumen.

Nefit yo te sipliye Senyè pou l te ba yo èd. Senyè a te reponn priyè yo epi Li te ba yo gwo pouvwa. Kounyea Lamanit yo te vin pè. Yo te pran nan pyèj epi pa t ka chape. Lè Mowoni te wè Lamanit yo te pè, li te di sòlda yo pou yo te sispann batay. Mowoni pa t vle touye Lamanit yo.

Alma 43:49–53; 44:1–2

Mowoni te di Zarayemna ke Lamanit yo ta ka ale si yo te pwomèt pou yo pa t janm konbat Nefit yo ankò. Zerayemna te fache epi l te eseye kontinye konba a, men li pa t ka bat sòlda Mowoni yo. Apresa Zerayemna ak lame l yo te viv nan lapè, epi Mowoni te kite yo ale.

Alma 44:1–20