“Panaw ngadto sa Gisaad nga Yuta,” Mga Istorya sa Basahon ni Mormon alang sa Batan-ong mga Tigbasa, 2018
“Panaw ngadto sa Gisaad nga Yuta”
Mga Istorya sa Basahon ni Mormon alang sa Batan-ong mga Tigbasa
Panaw ngadto sa Gisaad nga Yuta
Gikan sa 1 Nephi 1–3
Si Nephi nagpuyo uban sa iyang pamilya sa Jerusalem. Ang iyang amahan, si Lehi, usa ka propeta. Ang iyang inahan si Sariah. Ang iyang igsoong mga lalaki mao si Laman, Lemuel, ug si Sam.
Ang Langitnong Amahan misulti sa amahan ni Nephi nga ang iyang pamilya kinahanglang mobiya sa siyudad aron sila maluwas. Lisud biyaan ang ilang panimalay. Apan mituman ang pamilya ni Nephi ug nangadto sa kamingawan.
Ang Langitnong Amahan miingon nga si Nephi ug ang iyang mga igsoong lalaki kinahanglang mobalik sa siyudad aron sa pagkuha sa mga kasulatan. Si Nephi maayo nga ehemplo sa dihang ang iyang igsoong mga lalaki dili gusto nga motuman. Miingon siya nga iyang buhaton unsay gihangyo sa Langitnong Amahan.
Ang Langitnong Amahan mihatag sa pamilya ni Nephi og espesyal nga kompas nga gitawag og Liahona. Dihang gituman nila ang Langitnong Amahan, gipakita niini ang agianan sa ilang pagbiyahe. Gipakita niini kon asa sila moadto sa pagpangita og pagkaon.
Mahimo kitang sama ni Nephi kon kita motuman sa mga sugo ug mosunod sa Langitnong Amahan!
Tan-awa ang Mga Istorya sa Basahon ni Mormon diha sa lds.org/children/scripture-stories.
Koloranan nga Pahina
Makapili Ako sa Matarung
I-klik ang litrato aron sa pag-download.
Paghulagway ni Apryl Stott