Mga Istorya sa Basahon ni Mormon alang sa Batan-ong mga Tigbasa

Pagbiyahe ngadto sa Gisaad nga Yuta

ni Kim Webb Reid

Mga paghulagway ni Apryl Stott

Gikan sa Ether 2–3; 6

si Jared ug ang iyang igsoong lalaki

Si Jared ug ang iyang igsoong lalaki nagpuyo sa usa ka walog uban sa ilang mga pamilya ug mga higala. Si Jesukristo mibisita sa igsoong lalaki ni Jared. Iya siyang giingnan nga maghimo og mga sakayan aron dad-on ang iyang katawhan tabok sa kadagatan paingon sa gisaad nga yuta.

mga Jaredite nga naghimo og mga sakayan

Ang mga tawo mihimo og mga sakayan nga walay mga bintana. Ang igsoong lalaki ni Jared nabalaka kon unsaon nila sa pagginhawa ug pagkakita. Miingon si Jesus nga kinahanglan silang mohimo og mga lungag diha sa mga sakayan aron dunay hangin.

igsoong lalaki ni Jared nga naghimo og sinaw nga mga bato

Apan unsay paagi sa suga? Ang igsoong lalaki ni Jared mihimo og 16 ka sinaw nga mga bato. Gihangyo niya si Jesus nga hikapon kini pinaagi sa Iyang tudlo aron mosanag kini.

si Jesus nga mihikap sa matag bato

Ang igsoong lalaki ni Jared nakakita ni Jesus nga mihikap sa kada bato pinaagi sa Iyang tudlo. Ang mga bato misanag pag-ayo. Tungod kay duna siyay dako kaayo nga pagtuo, ang igsoong lalaki ni Jared nakakita ni Jesukristo!

mga Jaredite nga nanakay sa mga sakayan

Ang Dios mipadala og kusog nga hangin aron mopadpad sa mga sakayan tabok sa kadagatan. Sa dihang miabut sila sa gisaad nga yuta, ang mga Jaredite nag-ampo aron magpasalamat sa Dios sa pagpanalipod kanila.

Pwede kitang maparehas sa igsoong lalaki ni Jared kon mosalig kita sa Dios ug magbaton og hugot nga pagtuo diha ni Jesukristo.

Tan-awa ang Mga Istorya sa Basahon ni Mormon diha sa lds.org/children/scripture-stories.

Koloranan nga Pahina

Ang Musika Makapalipay Kanako

mga bata nga nagpatukar og mga instrumento

I-klik ang litrato aron sa pag-download.

Paghulagway ni Apryl Stott