“Si Mormon Nagsulat diha sa Bulawang mga Palid,” Mga Istorya sa Basahon ni Mormon alang sa Batan-ong mga Tigbasa, 2018
“Si Mormon Nagsulat diha sa Bulawang mga Palid”
Mga Istorya sa Basahon ni Mormon alang sa Batan-ong mga Tigbasa
Si Mormon Nagsulat diha sa Bulawang mga Palid
Gikan sa Mormon 1, 9
Daghang propeta ang misulat sa bulawang mga palid. Gisulat nila ang mahitungod kang Jesukristo ug kon unsaon sa pagtuman ang mga sugo. Apan daghang mga tawo ang nakalimot ni Jesukristo ug wala na mosunod Kaniya.
Usa ka matarung nga tawo nga ginganlan og Ammaron mitago sa bulawang mga palid aron luwas kini. Gisultihan niya ang usa ka batang lalaki nga ginganlan og Mormon kon asa gitago ang mga palid. Gisultihan niya si Mormon nga mosulat diha sa mga palid kong modako na siya.
Dihang nag 15 anyos na si Mormon, gibisitahan siya ni Jesukristo ug gitudloan siya mahitungod sa ebanghelyo. Gipaningkamutan ni Mormon ang pagtudlo sa katawhan mahitungod kang Jesus, apan dili sila maminaw.
Dihang midako na si Mormon, gikuha niya ang mga palid. Gisulat niya ang mahitungod ni Jesukristo. Misulat siya nga kita mahimo nga maghinulsol, mabunyagan, ug makadawat sa Espiritu Santo.
Si Mormon dunay anak nga lalaki nga ginganlan og Moroni. Gisultihan ni Mormon ang iyang anak sa paghinumdom kanunay unsa kadako ang gugma ni Jesukristo kanato. Kita makahinumdom usab unsa kadako ang gugma ni Jesus kanato!
Tan-awa ang Mga Istorya sa Basahon ni Mormon diha sa lds.org/children/scripture-stories.
Koloranan nga Pahina
Makapakita Ko og Gugma sa mga Hayop
I-klik ang litrato aron sa pag-download.
Paghulagway ni Apryl Stott