“Ang Pamilya ni Nephi Mitabok sa Kadagatan,” Mga Istorya sa Basahon ni Mormon alang sa Batan-ong mga Tigbasa, 2018
“Ang Pamilya ni Nephi Mitabok sa Kadagatan”
Mga Istorya sa Basahon ni Mormon alang sa Batan-ong mga Tigbasa
Ang Pamilya ni Nephi Mitabok sa Kadagatan
Gikan sa 1 Nephi 17–18
Ang pamilya ni Nephi mibiyahe sa kamingawan sulod sa walo ka tuig. Sa katapusan miabut sila sa matahum nga dapit. Duol kadto sa dagat, ug dunay daghang prutas ug dugos nga makaon. Nalipay kaayo ang tanan!
Apan ang ilang panaw wala pa mahuman. Ang Langitnong Amahan misugo kang Nephi sa paghimo og barko. Gipakita niya si Nephi kon unsay porma niini. Misaad Siya nga ang barko modala kanila ngadto sa usa ka maanindot nga bag-ong yuta.
Gihimo ni Nephi og una ang mga himan. Dayon gisugdan niya ang pagpanday. Ang mga igsoon ni Nephi nga si Laman ug Lemuel nangreklamo. Wala sila motuo nga makahimo siya og barko. Nahibalo si Nephi nga ang ilang pamilya makasalig sa Langitnong Amahan.
Sa dihang ang barko nahuman, gisugdan sa pamilya ni Nephi ang ilang paglawig sa kadagatan. Usa ka adlaw si Laman ug Lemuel nasuko kang Nephi ug migapos kaniya. Dakong unos ang miabut ug gihuros ang barko pabalik. Ang mga igsoon nagbasol, ug si Nephi migiya sa barko nga luwas sa ilang padulngan.
Sa katapusan ang pamilya ni Nephi midunggo sa kabaybayonan sa usa ka bag-ong yuta. Si Nephi ug ang iyang pamilya malipayon tungod kay nahibalo sila nga ang Langitnong Amahan midala kanila didto.
Ang Langitnong Amahan kanunayng motuman sa Iyang mga saad!
Tan-awa ang Mga Istorya sa Basahon ni Mormon diha sa lds.org/children/scripture-stories.
Koloranan nga Pahina
Espesyal ang Atong mga Pamilya
I-klik ang litrato aron sa pag-download.
Paghulagway ni Apryl Stott