“Si Samuel Nagtudlo mahitungod ni Jesus,” Mga Istorya sa Basahon ni Mormon alang sa Batan-ong mga Tigbasa, 2018
“Si Samuel Nagtudlo mahitungod ni Jesus”
Mga Istorya sa Basahon ni Mormon alang sa Batan-ong mga Tigbasa
Si Samuel Nagtudlo mahitungod ni Jesus
Gikan sa Helaman 13–15; 3 Nephi 1:13–15, 21
Si Samuel usa ka propeta. Mikatkat siya sa paril sa siyudad aron sa pagsangyaw. Gisultihan niya ang mga tawo nga sila kinahanglang maghinulsol ug magbaton og pagtuo ni Jesukristo.
Gitudlo ni Samuel nga si Jesus sa dili madugay matawo na. Usa ka bag-o nga bitoon modan-ag. Magpabilin ang kahayag sa kalangitan sa tibuok gabii!
Gitudlo niya nga sa higayon nga si Jesus mamatay, mongitngit sulod sa tulo ka adlaw. Daghang siyudad ang mangaguba.
Pipila ka mga tawo mituo ug nabunyagan. Ang uban dili motuo ug nangasuko. Ilang gibato ug gipana si Samuel. Apan ang Dios mipanalipod kaniya, ug siya wala maunsa.
Ang katawhan kinsa wala motuo naningkamot sa pagdakop kang Samuel. Apan si Samuel nakaikyas.
Lima ka tuig ang milabay, natawo si Jesus. Usa ka bag-ong bitoon nagpakita sa kalangitan. Kadto sama sa gitudlo ni Samuel!
Tan-awa ang Mga Istorya sa Basahon ni Mormon diha sa lds.org/children/scripture-stories.
Koloranan nga Pahina
Makabayad Ako og Ikapulo
I-klik ang litrato aron sa pag-download.
Paghulagway ni Apryl Stott