Mga Istorya sa Basahon ni Mormon alang sa Batan-ong mga Tigbasa

Si Jesus Mibisita sa mga Nephite

ni Kim Webb Reid

Mga paghulagway ni Apryl Stott

Gikan sa 3 Nephi 11–18

Sa dihang si Jesus nagpuyo pa dinhi sa yuta, Iyang giayo ang katawhan nga may balatian o nasakitan. Iyang gitudloan ang katawhan kon unsaon sa pag-ampo. Iyang gipanalanginan ang mga bata.

Mitawag Siya og 12 ka mga Apostoles ug mihatag kanila sa sakramento aron sa pagtabang kanila sa paghinumdom Kaniya. Dayon si Jesus namatay ug nabanhaw.

Human sa Iyang pagkabanhaw, si Jesus mibisita sa mga Nephite, nga nagpuyo tabok sa kadagatan.

Mitawag Siya og 12 ka disipulo ug mihatag kanila sa pagkapari. Iyang giayo ang mga tawo nga may balatian o nasakitan. Iyang gitudloan ang katawhan kon unsaon sa pag-ampo. Ang tanan miyukbo ug misimba Kaniya.

Gisultihan ni Jesus ang mga Nephite sa pagdala sa ilang mga bata ngadto Kaniya. Nag-ampo Siya, ug dayon gipanalanginan Niya ang matag bata. Ang mga anghel miabut aron sa pagbisita kanila.

Si Jesus mihatag sa mga Nephite sa sakramento aron kanunay silang mohinumdom Kaniya.

Tan-awa ang Mga Istorya sa Basahon ni Mormon diha sa lds.org/children/scripture-stories.

Koloranan nga Pahina

Makatabang Ako sa Akong Pamilya

I-klik ang litrato aron sa pag-download.

Paghulagway ni Apryl Stott