Mga Istorya sa Basahon ni Mormon alang sa Batan-ong mga Tigbasa

Si Haring Benjamin Nagtudlo sa Iyang Katawhan

ni Kim Webb Reid

Mga paghulagway ni Apryl Stott

Gikan sa Mosiah 2–5

Si Haring Benjamin nga nakigsulti sa katawhan

Sa una adunay usa ka maayong hari nga ginganlan og Haring Benjamin. Gitudloan niya ang iyang katawhan sa pagsunod sa Dios aron makabaton sila og kalinaw.

si Haring Benjamin ug si Mosiah

Si Haring Benjamin nagkatigulang na. Iyang gihatag sa iyang anak nga si Mosiah ang mga kasulatan ug ang kompas nga gitawag og Liahona. Gusto niya nga ampingan kining importante nga mga butang.

mga tawo nga nagpabarug og usa ka tolda

Gusto ni Haring Benjamin nga makapamulong sa iyang katawhan sa dili pa siya mamatay. Iya silang gihangyo sa pag-adto sa templo.

Ang mga tawo nangabut gikan sa tibuok yuta. Gipabarug nila ang ilang mga tolda uban sa ilang mga pamilya. Unsa kaha ang isulti sa hari ngadto kanila?

si Haring Benjamin nga nagbarug sa tore

Ang mga tawo mihangad ug nakakita sa hari nga nagbarug sa tore. Dayon gisugdan sa hari ang pagpamulong.

Si Haring Benjamin nga nakigsulti sa katawhan

Gisultihan ni Haring Benjamin ang mga tawo kon unsay gusto sa Langitnong Amahan nga ilang masayran. Iya silang gisultihan mahitungod ni Jesukristo. Iya silang gisultihan sa pagtuman sa mga sugo ug sa pagtabang sa ubang katawhan. Dayon pagatawgon sila nga mga sumusunod ni Kristo. Ug makapuyo sila pag-usab uban sa Langitnong Amahan!

Karon ang atong propeta nagtudlo kanato diha sa kinatibuk-ang komperensya kon unsay gusto sa Langitnong Amahan nga atong mahibaloan aron makapuyo kita pag-usab uban Kaniya.

Tan-awa ang Mga Istorya sa Basahon ni Mormon diha sa lds.org/children/scripture-stories.

Koloranan nga Pahina

Karon Maminaw Kita sa Atong Propeta

pamilya nga nagtan-aw og kinatibuk-ang komperensya

I-klik ang litrato aron sa pag-download.

Paghulagway ni Apryl Stott