“Si Alma Nagtudlo kon Unsaon sa Pag-ampo,” Mga Istorya sa Basahon ni Mormon alang sa Batan-ong mga Tigbasa, 2018
“Si Alma Nagtudlo kon Unsaon sa Pag-ampo”
Mga Istorya sa Basahon ni Mormon alang sa Batan-ong mga Tigbasa
Si Alma Nagtudlo kon Unsaon sa Pag-ampo
Gikan sa Alma 31-33
Si Alma nga Batan-on ug ang uban miadto aron sa pagtudlo sa mga Zoramite. Ang mga Zoramite wala motuo kang Jesukristo. Wala sila mahinumdom sa hustong paagi sa pag-ampo.
Kausa sa usa ka semana ang mga Zoramite mosaka sa usa ka taas nga entablado. Ipatuy-od nila pataas ang ilang mga kamot ug mag-ampo. Miingon sila nga mas espesyal sila kay sa ubang tawo. Ang tanan molitok sa mao ra gihapon nga pag-ampo.
Ang mga Zoramite mag-ampo lang kon sila motungtong na sa entablado. Dili sila maghunahuna mahitungod sa Langitnong Amahan o mag-ampo ngadto Kaniya diha sa balay o bisan asang dapit.
Gitudloan ni Alma ang katawhan nga pwede ra silang mag-ampo bisan kanus-a ug bisan asa. Mahimo ra silang mag-ampo mahitungod sa bisan unsang butang ug ang Langitnong Amahan motabang kanila.
Makaampo kita sa paagi nga gitudlo ni Alma. Makaampo kita bisan unsang panahona ug bisan asang dapita. Maka-ampo kita sa hilum nga paagi diha sa atong kasingkasing. Ang Langitnong Amahan kanunay nga modungog kanato!
Tan-awa ang Mga Istorya sa Basahon ni Mormon diha sa lds.org/children/scripture-stories.
Koloranan nga Pahina
Ako Makapakita og Balaan nga Pagtahud
I-klik ang litrato aron sa pag-download.
Paghulagway ni Apryl Stott