Mga Istorya sa Basahon ni Mormon alang sa Batan-ong mga Tigbasa

Si Alma Nagbunyag og Daghang mga Tawo

ni Kim Webb Reid

Mga paghulagway ni Apryl Stott

Gikan sa Mosiah 16–18

Si Abinadi usa ka propeta. Gitudloan niya ang katawhan nga motuo kang Jesus ug sa paghunong sa paghimo og dautang mga butang. Usa ka haring dautan nga ginganlan og Noah nasuko kang Abinadi. Si Noah dili gusto nga maghinulsol.

Usa ka tawo nga ginganlan og Alma mituo ni Abinadi. Mipalayo siya ug mitago gikan sa nasuko nga hari. Gibati niya ang kasubo sa pagbuhat og mga butang nga sayop, ug naghinulsol siya, sama sa gitudlo ni Abinadi.

Daghang mga tawo miabut aron maminaw ni Alma nga nagtudlo mahitungod ni Jesukristo. Si Alma mitudlo nga kon maghinulsol sila ug mosunod kang Jesus, mabunyagan sila.

Ang mga tawo namakpak sa kalipay. Misaad sila nga mohupay sa uban. Misaad sila sa paghigugma sa Dios ug sultihan ang ubang mga tawo mahitungod Kaniya. Andam sila nga magpabunyag.

Sa tinagsa-tagsa, si Alma mibunyag sa mga tawo. Malipayon kaayo sila nga nahimong kabahin sa Simbahan ni Jesus.

Sa dihang gibunyagan kita, mihimo kita og susamang mga saad nga gihimo sa mga tawo ni Alma. Ug nahimo usab kitang kabahin sa Simbahan ni Jesus!

Tan-awa ang Mga Istorya sa Basahon ni Mormon diha sa lds.org/children/scripture-stories.

Koloranan nga Pahina

si Alma nga Nagbunyag

Pila ka kasingkasing ang inyong makit-an?

I-klik ang litrato aron sa pag-download.

Paghulagway ni Apryl Stott