« ថ្ងៃទី ១៤ ខែ កុម្ភៈ ។ តើអ្វីទៅជាបព្វជិតភាព ? គោលលទ្ធិ និង សេចក្ដីសញ្ញា ១២–១៣; យ៉ូសែប ស្ម៊ីធ—ប្រវត្តិ ១:៦៦–៧៥ » ចូរមកតាមខ្ញុំ—សម្រាប់កូរ៉ុមបព្វជិតភាពអើរ៉ុន និងថ្នាក់យុវនារី ៖ ប្រធានបទខាងគោលលទ្ធិ ឆ្នាំ ២០២១ ( ឆ្នាំ ២០២០ )

« ថ្ងៃទី ១៤ ខែ កុម្ភៈ ។ តើអ្វីទៅជាបព្វជិតភាព ? »ចូរមកតាមខ្ញុំ—សម្រាប់កូរ៉ុមបព្វជិតភាពអើរ៉ុន និងថ្នាក់យុវនារី ៖ ប្រធានបទខាងគោលលទ្ធិ ឆ្នាំ ២០២១

នៅលើអ្នក ជាពួកអ្នកបម្រើដូចរូបខ្ញុំអើយដោយ លីនដា ឃើរលី គ្រីស្ទានសិន និង ម៉ៃឃើល ធី ម៉លម៍

ថ្ងៃទី ១៤ ខែ កុម្ភៈ

តើអ្វីទៅជាបព្វជិតភាព ?

គោលលទ្ធិ និង សេចក្ដីសញ្ញា ១២–១៣; យ៉ូសែប ស្ម៊ីធ—ប្រវត្តិ ១:៦៦–៧៥

ប្រឹក្សាជាមួយគ្នា

ដឹកនាំដោយសមាជិកម្នាក់នៅក្នុងកូរ៉ុម ឬគណៈប្រធានថ្នាក់ រយៈពេលប្រហែល ១០–២០ នាទី

នៅដើមការប្រជុំ សូមសូត្ររួមគ្នានូវបាវចនាកូរ៉ុមបព្វជិតភាពអើរ៉ុន ឬ បាវចនាក្រុមយុវនារី ។ រួចហើយ សូមដឹកនាំការពិភាក្សាអំពីចំណុចដូចខាងក្រោមនេះ ហើយដាក់ផែនការពីរបៀបដើម្បីអនុវត្តតាមអ្វីដែលបងប្អូនពិភាក្សា ( បងប្អូនអាចសម្រេចចិត្តនៅក្នុងការប្រជុំគណៈប្រធានថា ចំណុចមួយណាដែលត្រូវពិភាក្សា ) ៖

កូរ៉ុម ឬថ្នាក់របស់យើង ។ តើយើងបាន មានសកម្មភាពអ្វីខ្លះកាល ពីពេលថ្មីៗនេះ ? តើសកម្មភាពនោះទទួលបានជោគជ័យដែរឬទេ ? តើអ្វីដែលបានដំណើរការល្អ ហើយតើយើងអាចកែលម្អវាដោយរបៀបណា ?
កាតព្វកិច្ច ឬទំនួលខុសត្រូវរបស់យើង ។ តើមាន នរណាត្រូវការការបម្រើរបស់យើង ដែរឬទេ ? តើយើងអាចជួយពួកគេបានយ៉ាងដូចម្ដេច ?
ជីវិតរបស់យើង ។ តើយើងខិតខំធ្វើការរៀងៗខ្លួនទៅកាន់គោលដៅអ្វី ? តើយើងអាចចែកចាយបទពិសោធន៍អ្វីខ្លះ ? តើយើងបានទទួលពរជ័យអ្វីខ្លះ ?

នៅចុងបញ្ចប់នៃមេរៀននេះ សូមធ្វើនូវអ្វីដែលត្រឹមត្រូវដូចខាងក្រោមនេះ ៖

ថ្លែងទីបន្ទាល់អំពីគោលការណ៍ដែលបានបង្រៀន ។
រំឭកសមាជិកកូរ៉ុម ឬថ្នាក់អំពីផែនការ និងការអញ្ជើញទាំងឡាយដែលបានដាក់អំឡុងពេលនៃការប្រជុំ ។

បង្រៀនគោលលទ្ធិ

ដឹកនាំដោយអ្នកដឹកនាំជាមជ្ឈិមវ័យ ឬយុវវ័យម្នាក់ រយៈពេលប្រហែល ២៥–៣៥ នាទី

រៀបចំខ្លួនខាងវិញ្ញាណ

នៅពេលបងប្អូនអានអំពីការស្ដារបព្វជិតភាពអើរ៉ុនឡើងវិញនៅក្នុង គោលលទ្ធិ និង សេចក្ដីសញ្ញា ១៣ សូមព្យាយាមអានតាមរយៈកែវភ្នែកនៃអស់អ្នកទាំងឡាយដែលបងប្អូនបង្រៀន ។ តើពួកគេយល់អំពីអំណាចបព្វជិតភាពនៅក្នុងជីវិតរបស់ពួកគេដែរឬទេ ? តើពិធីបរិសុទ្ធបព្វជិតភាពដូចជា ពិធីបុណ្យជ្រមុជទឹក និងពិធីសាក្រាម៉ង់បានជួយបងប្អូនឲ្យទទួលបានព្រះចេស្ដារបស់ព្រះអង្គសង្គ្រោះដោយរបៀបណា ? សូមគិតអំពីបទពិសោធន៍ ដែលបងប្អូនអាចចែកចាយបាន ។ ដើម្បីរៀបចំខ្លួនបងប្អូនបង្រៀនអំពីបព្វជិតភាព សូមពិចារណាសិក្សាបទគម្ពីរដែលបានស្នើនៅក្នុង គម្រោងមេរៀនប្រចាំសប្ដាហ៍នេះ នៅក្នុង ចូរមកតាមខ្ញុំ—សម្រាប់បុគ្គល និងក្រុមគ្រួសារ និង « បព្វជិតភាព » នៅក្នុង សេចក្ដីណែនាំដល់បទគម្ពីរទាំងឡាយ ( នៅលើគេហទំព័រ scriptures.ChurchofJesusChrist.org ) ។

យុវជនអានព្រះគម្ពីរនៅក្នុងថ្នាក់ — បទគម្ពីរជួយយើងឲ្យយល់ពីរបៀបដែលបព្វជិតភាពផ្ដល់ពរជ័យដល់ជីវិតរបស់យើង ។

រៀនជាមួយគ្នា

ដើម្បីចាប់ផ្ដើមការពិភាក្សាមួយអំពីបព្វជិតភាព បងប្អូនអាចអញ្ជើញសមាជិកកូរ៉ុម ឬថ្នាក់ឲ្យចែកចាយពីអ្វីដែលពួកគេដឹងអំពីការស្ដារបព្វជិតភាពអើរ៉ុនឡើងវិញ ដោយរួមទាំងអ្វីដែលពួកគេបានអាននៅសប្ដាហ៍នេះនៅក្នុង គោលលទ្ធិ និង សេចក្តីសញ្ញា ១៣ និង យ៉ូសែប ស៊្មីធ—ប្រវត្តិ ១:៦៦–៧៥ ។ បងប្អូនក៏អាចបង្ហាញរូបភាពដែលពណ៌នាអំពីការស្ដារបព្វជិតភាពអើរ៉ុនឡើងវិញបានដែរ ( ដូចជា សៀវភៅរូបភាពដំណឹងល្អ [ ឆ្នាំ ២០០៩ ] ល.រ ៩៣ ) ហើយអញ្ជើញសមាជិកកូរ៉ុម ឬថ្នាក់ឲ្យចែកចាយអ្វីដែលពួកគេដឹងអំពីព្រឹត្តិការណ៍នេះ ។ ហេតុអ្វីយើងមានអំណរ ដែលបព្វជិតភាពត្រូវបានស្ដារឡើងវិញ ? សកម្មភាពខាងក្រោមនេះអាចជួយអស់អ្នកទាំងឡាយដែលបងប្អូនបង្រៀនឲ្យយល់កាន់តែច្បាស់អំពីអត្ថន័យនៃបព្វជិតភាព និងរបៀបដែលយើងទទួលបានពរជ័យដោយសារបព្វជិតភាព ។

តើសមាជិកកូរ៉ុម ឬថ្នាក់នឹងពន្យល់ពីអត្ថន័យបព្វជិតភាពទៅដល់នរណាម្នាក់ ដែលមិនធ្លាប់បានឮវាពីមុនមកដោយរបៀបណា ? ដើម្បីជួយពួកគេ បងប្អូនអាចសរសេរសំណួរខ្លះៗដែលមនុស្សអាចសួរអំពីបព្វជិតភាពដាក់នៅលើក្ដារខៀន ដូចជា តើអ្វីទៅជាបព្វជិតភាព ? តើនរណាម្នាក់ទទួលបព្វជិតភាពដោយរបៀបណា ? តើអ្នកកាន់បព្វជិតភាពម្នាក់គួរតែប្រព្រឹត្តយ៉ាងដូចម្ដេច ? តើអ្នកកាន់បព្វជិតភាពធ្វើអ្វីខ្លះ ? សូមអញ្ជើញអស់អ្នកទាំងឡាយដែលបងប្អូនបង្រៀនឲ្យស្វែងរកចម្លើយដោយប្រើបទគម្ពីរ និងធនធានផ្សេងទៀតដែលមាននៅក្នុង « ធនធានគាំទ្រ » ហើយសរសេរចម្លើយរបស់ពួកគេនៅលើក្តារខៀន ។ បងប្អូនអាចសូមឲ្យពួកគេចែកចាយពរជ័យ ដែលកើតមានឡើងក្នុងជីវិតរបស់ពួកគេដោយសារតែបព្វជិតភាព ។ បងប្អូនក៏អាចបង្ហាញ និងពិភាក្សាពីវីដេអូ « How the Priesthood Works » ផងដែរ ( នៅលើគេហទំព័រ ChurchofJesusChrist.org; សូមមើលផងដែរ « The Priesthood and the Savior’s Atoning Power » Liahona ខែ វិច្ឆិកា ឆ្នាំ ២០១៧ ទំព័រ ៦៤–៦៧ ) ។
ប្រសិនបើបងប្អូនបង្រៀនអ្នកកាន់បព្វជិតភាពអើរ៉ុន នោះពួកគេអាចទទួលបានប្រយោជន៍ពីការរំឭកសារលិខិតរបស់បងប្រុស ដូហ្គឡាស ឌី ហូលម៉េស « What Every Aaronic Priesthood Holder Needs to Understand » Liahona ខែ ឧសភា ឆ្នាំ ២០១៨ ទំព័រ ៥០–៥៣ ) ។ បងប្អូនអាចចាត់ឲ្យសមាជិកកូរ៉ុមម្នាក់ៗពិនិត្យមើលកថាខណ្ឌបីបួនដំបូងក្នុងសារលិខិតនេះ ឬវគ្គមួយនៃវគ្គបួនផ្សេងទៀត ។ សូមអញ្ជើញបុគ្គលម្នាក់ឲ្យរកមើលអ្វីមួយ ដែលគាត់មានអារម្មណ៍ថា អ្នកកាន់បព្វជិតភាពអើរ៉ុនគ្រប់រូបត្រូវយល់ដឹង ។ សូមផ្ដល់ឱកាសឲ្យគាត់ចែកចាយនូវអ្វីដែលគាត់បានរៀន ហើយពន្យល់ពីមូលហេតុដែលគាត់បានជ្រើសរើសការបង្រៀននោះ ។
ប្រសិនបើបងប្អូនបង្រៀនយុវនារី នោះបងប្អូនអាចចែកចាយសារលិខិតរបស់ប្រធាន រ័សុល អិម ណិលសុន « Spiritual Treasures » ដែលថ្លែងទៅកាន់ពួកគេ ( Liahona ខែ វិច្ឆិកា ឆ្នាំ ២០១៩ ទំព័រ ៧៦–៧៩ ) ។ បងប្អូនអាចសូមឲ្យសមាជិកក្នុងថ្នាក់ស្រាវជ្រាវសារលិខិតរបស់លោករកមើលអ្វីមួយ ដែលពួកគេអាចធ្វើបានដើម្បី « ទាញយកព្រះចេស្ដារបស់ព្រះអង្គសង្គ្រោះ » មកក្នុងជីវិតរបស់ពួកគេឲ្យកាន់តែពេញលេញ ( ទំព័រ ៧៧ ) ។ តើប្រធានណិលសុនបានបង្រៀនអ្វីខ្លះ អំពីរបៀបដែលយើងអាចទទួលបានអំណាចបព្វជិតភាព ? តើអំណាចបព្វជិតភាពអាចផ្ដល់ពរជ័យដល់យើងយ៉ាងដូចម្ដេចខ្លះ ? សូមលើកទឹកចិត្តយុវនារីឲ្យពិចារណាអំពីរបៀបដែលពួកគេនឹងធ្វើសកម្មភាពតាមការអញ្ជើញនេះមកពីប្រធានណិលសុន ៖ « ខ្ញុំសូមអង្វរឲ្យក្មួយៗសិក្សាសេចក្ដីពិតទាំងអស់ ដែលក្មួយៗអាចរកឃើញអំពីអំណាចបព្វជិតភាពប្រកបដោយការអធិស្ឋាន » ( ទំព័រ ៧៩ ) ។

ធ្វើសកម្មភាពដោយសេចក្ដីជំនឿ

សូមលើកទឹកចិត្តសមាជិកកូរ៉ុម ឬថ្នាក់ឲ្យសញ្ជឹងគិត ហើយកត់ត្រានូវអ្វីដែលពួកគេនឹងត្រូវធ្វើដើម្បីប្រព្រឹត្តតាមការបំផុសគំនិត ដែលពួកគេបានទទួលនៅថ្ងៃនេះ ។ តើមេរៀនថ្ងៃនេះទាក់ទងនឹងគោលដៅផ្ទាល់ខ្លួន ដែលពួកគេបានដាក់យ៉ាងដូចម្ដេច ? ប្រសិនបើពួកគេចង់ សមាជិកកូរ៉ុម ឬថ្នាក់អាចចែកចាយគំនិតរបស់ពួកគេបាន ។

ធនធានគាំទ្រ

គោលលទ្ធិ និង សេចក្ដីសញ្ញា ៨៤:១៧–២២; ១០៧:១–៥ ( បព្វជិតភាពគឺជាព្រះចេស្ដា និងសិទ្ធិអំណាចរបស់ព្រះ )
ហេព្រើរ ៥:៤; មាត្រានៃសេចក្ដីជំនឿ ១:៥ ( អ្នកកាន់បព្វជិតភាពត្រូវបានហៅដោយព្រះ ហើយបានតែងតាំងដោយអ្នកដែលមានសិទ្ធិអំណាច )
គោលលទ្ធិ និង សេចក្ដីសញ្ញា ១២១:៣៤–៤៦ ( អំណាច និងសិទ្ធិអំណាចបព្វជិតភាពធ្វើឡើងលើគោលការណ៍នៃសុចរិតភាពតែប៉ុណ្ណោះ )
ម៉ាថាយ ៣:១–៦; ២៨:១៦–១៩; យ៉ូហាន ១៥:១៦; គោលលទ្ធិ និង សេចក្ដីសញ្ញា ១២:៣–៤ ( បុរស និងស្ដ្រីស័ក្ដិសមទាំងឡាយផ្សាយដំណឹងល្អ )
កិច្ចការ ៣:១–៨; យ៉ាកុប ៥:១៤–១៥ ( អ្នកកាន់បព្វជិតភាពផ្ដល់ពរជ័យដើម្បីព្យាបាលអ្នកឈឺ និងអ្នករងទុក្ខ )
នីហ្វៃទី៣ ១១:២១–២២; ១៨:១–៥; គោលលទ្ធិ និង សេចក្ដីសញ្ញា ១០៧:២០ ( អ្នកកាន់បព្វជិតភាពធ្វើពិធីបរិសុទ្ធទាំងឡាយ )
គោលលទ្ធិ និង សេចក្ដីសញ្ញា ៦៥:២; ១០៧:១៨–២១ ( អ្នកកាន់បព្វជិតភាពជួយគ្រប់គ្រងសាសនាចក្រ )
« បព្វជិតភាពអើរ៉ុន » « បព្វជិតភាពមិលគីស្សាដែក » « បព្វជិតភាព »នៅក្នុងពិតចំពោះសេចក្ដីជំនឿ ( ២០០៤) ទំព័រ ៣–៤, ១០១–១០២, ១២៤–១២៨

ការបង្រៀនតាមរបៀបរបស់ព្រះអង្គសង្គ្រោះ

ព្រះអង្គសង្គ្រោះបានបង្រៀនពួកសិស្សរបស់ទ្រង់ឲ្យងាកទៅរកបទគម្ពីរដើម្បីរកមើលចម្លើយចំពោះសំណួរ និងដើម្បីទទួលបានកម្លាំងខាងវិញ្ញាណ ។ តើបងប្អូនអាចលើកទឹកចិត្តអ្នកទាំងឡាយដែលបងប្អូនបង្រៀនឲ្យងាកទៅរកបទគម្ពីរដើម្បីស្វែងរកចម្លើយចំពោះសំណួរ និងឧបសគ្គរបស់ពួកគេបានយ៉ាងដូចម្ដេច ? ( សូមមើល ការបង្រៀនតាមរបៀបរបស់ព្រះអង្គសង្គ្រោះ [ ឆ្នាំ ២០១៦ ] ទំព័រ ៣០ ) ៕