« ថ្ងៃទី ១២ ខែ កញ្ញា ។ តើយើងអាចប្រឈមនឹងការលំបាកឧបសគ្គដោយសេចក្ដីជំនឿដោយរបៀបណា ? គោលលទ្ធិ និង សេចក្តីសញ្ញា ៩៨–១០១ » ចូរមកតាមខ្ញុំ—សម្រាប់កូរ៉ុមបព្វជិតភាពអើរ៉ុន និងថ្នាក់យុវនារី ៖ ប្រធានបទខាងគោលលទ្ធិ ឆ្នាំ ២០២១ ( ឆ្នាំ ២០២០ )

« ថ្ងៃទី ១២ ខែ កញ្ញា ។ តើយើងអាចប្រឈមនឹងការលំបាកឧបសគ្គដោយសេចក្ដីជំនឿដោយរបៀបណា ?ចូរមកតាមខ្ញុំ—សម្រាប់កូរ៉ុមបព្វជិតភាពអើរ៉ុន និងថ្នាក់យុវនារី ៖ ប្រធានបទខាងគោលលទ្ធិ ឆ្នាំ ២០២១

ស៊ី ស៊ី អេ គ្រីស្ទានសិន ( ១៨៣១–១៩១២ ) ពួកបរិសុទ្ធត្រូវគេបណ្ដេញចេញពីស្រុកចាកសុន រដ្ឋមិសសួរី ប្រហែលឆ្នាំ ១៨៧៨ គំនូរនៅលើក្រណាត់ទេឯក 77 ¼ × 113 inches ។ សារមន្ទីរសិល្បៈ សាកលវិទ្យាល័យ ព្រិកហាំ យ៉ង់ អំណោយពីចៅរបស់ ស៊ី ស៊ី អេ គ្រីស្ទានសិន ឆ្នាំ ១៩៧០

ថ្ងៃទី ១២ ខែ កញ្ញា

តើយើងអាចប្រឈមនឹងការលំបាកឧបសគ្គដោយសេចក្ដីជំនឿដោយរបៀបណា ?

គោលលទ្ធិ និង សេចក្តីសញ្ញា ៩៨–១០១

ប្រឹក្សាជាមួយគ្នា

ដឹកនាំដោយសមាជិកម្នាក់ក្នុងគណៈប្រធានកូរ៉ុម ឬថ្នាក់ រយៈពេលប្រហែល ១០–២០ នាទី

នៅដើមការប្រជុំ សូមសូត្ររួមគ្នានូវ បាវចនាកូរ៉ុមបព្វជិតភាពអើរ៉ុន ឬ បាវចនាក្រុមយុវនារី ។ រួចហើយ សូមដឹកនាំការពិភាក្សាអំពីចំណុចដូចខាងក្រោមនេះ ហើយដាក់ផែនការពីរបៀបដើម្បីអនុវត្តតាមអ្វីដែលបងប្អូនពិភាក្សា ( បងប្អូនអាចសម្រេចចិត្តនៅក្នុងការប្រជុំគណៈប្រធានថា ចំណុចមួយណាដែលត្រូវពិភាក្សា ) ៖

កូរ៉ុម ឬថ្នាក់របស់យើង ។ តើនរណាត្រូវការជំនួយ និងការអធិស្ឋានរបស់យើង ? តើយើងអាចធ្វើអ្វីខ្លះដើម្បីជួយដល់ពួកគេ ? តើយើងគួរអញ្ជើញនរណាឲ្យមកចូលរួមសកម្មភាពនាពេលខាងមុខនេះ ?
កាតព្វកិច្ច ឬទំនួលខុសត្រូវរបស់យើង ។ តើយើងបានបំពេញកិច្ចការអ្វីខ្លះ ? តើយើងត្រូវធ្វើកិច្ចការអ្វីខ្លះ ? តើយើងបានអញ្ជើញមនុស្សដទៃឲ្យមករកព្រះគ្រីស្ទដោយរបៀបណា ហើយតើយើងអាចអញ្ជើញមនុស្សដទៃនាពេលនេះដោយរបៀបណា ?
ជីវិតរបស់យើង ។ តើបទពិសោធន៍ថ្មីៗអ្វីខ្លះដែលបានពង្រឹងទីបន្ទាល់របស់យើង ? តើមានអ្វីកំពុងកើតឡើងក្នុងជីវិតយើង ហើយតើយើងអាចគាំទ្រគ្នាទៅវិញទៅមកតាមរបៀបណា ?

នៅចុងបញ្ចប់នៃមេរៀននេះ សូមធ្វើដូចខាងក្រោមនេះតាមការគួរ ៖

ថ្លែងទីបន្ទាល់អំពីគោលការណ៍ដែលបានបង្រៀន ។
រំឭកសមាជិកកូរ៉ុម ឬថ្នាក់អំពីផែនការ និងការអញ្ជើញទាំងឡាយដែលបានដាក់អំឡុងការប្រជុំ ។

បង្រៀនគោលលទ្ធិ

ដឹកនាំដោយអ្នកដឹកនាំយុវវ័យ ឬយុវវ័យម្នាក់ រយៈពេលប្រហែល ២៥–៣៥ នាទី

រៀបចំខ្លួនខាងវិញ្ញាណ

ព្រះបន្ទូលរបស់ព្រះនៅក្នុង គោលលទ្ធិ និង សេចក្តីសញ្ញា ៩៨ និង ១០១ បានផ្ដល់ការលួងលោមដល់ពួកបរិសុទ្ធដែលបានជួបប្រទះនឹងការសាកល្បងដ៏ធ្ងន់ធ្ងរនៅរដ្ឋមិសសួរីនៅទសវត្សរ៍ឆ្នាំ ១៨៣០ ។ ខណៈការសាកល្បងរបស់យើងអាចខុសពីការសាកល្បងរបស់សមាជិកសាសនាចក្រជំនាន់ដើម នោះយើងទាំងអស់គ្នាជួបនឹងឧបសគ្គអំឡុងជីវិតរមែងស្លាប់នេះ ហើយការឆ្លើយតបទៅនឹងការលំបាកនោះដោយស្មោះត្រង់ អាចជួយយើងឲ្យរីកចម្រើនខាងវិញ្ញាណ ហើយក្លាយដូចជាព្រះយេស៊ូវគ្រីស្ទ ។

តើការងាកទៅរកព្រះអម្ចាស់អំឡុងពេលមានការលំបាកបានពង្រឹងបងប្អូន និងកែលម្អទំនាក់ទំនងរបស់បងប្អូនជាមួយនឹងព្រះយេស៊ូវគ្រីស្ទដោយរបៀបណា ? តើសមាជិកក្នុងកូរ៉ុម ឬថ្នាក់របស់បងប្អូនជួបនឹងឧបសគ្គ ព្រមទាំងការសាកល្បងអ្វីខ្លះ ហើយតើបងប្អូនអាចជួយពួកគេឲ្យរកឃើញកម្លាំងនៅក្នុងព្រះអង្គសង្គ្រោះដោយរបៀបណា ? ដើម្បីជួយបងប្អូនឲ្យរៀបចំខ្លួនបង្រៀនអំពីការលំបាក បងប្អូនអាចរំឭកសារលិខិតរបស់អែលឌើរ នែល អិល អាន់ឌើរសិន « Wounded » Liahona ខែ វិច្ឆិកា ឆ្នាំ ២០១៨ ទំព័រ ៨៣–៨៦ ) និង « សេចក្តី វេទនា » នៅក្នុងសៀវភៅ ពិតចំពោះសេចក្ដីជំនឿ ( [ ឆ្នាំ ២០០៤ ] ទំព័រ ១៩៥–១៩៨ ) ។

យុវជននៅខាងក្រៅ — យើងអាចរកឃើញសេចក្ដីសុខសាន្ដនៅក្នុងគ្រាមានការលំបាក តាមរយៈការងាកទៅរកព្រះអង្គសង្គ្រោះ ។

រៀនជាមួយគ្នា

សមាជិកម្នាក់ៗក្នុងកូរ៉ុម ឬថ្នាក់របស់បងប្អូនអាចពុះពារនឹងឧបសគ្គផ្ទាល់របស់គេ ។ តើបងប្អូនមានអារម្មណ៍ថា ពួកគេអាចរកឃើញការលួងលោមអ្វីខ្លះនៅក្នុង គោលលទ្ធិ និង សេចក្តីសញ្ញា ៩៨:១–៣ ? បងប្អូនអាចប្រើសកម្មភាពមួយ ឬច្រើនខាងក្រោមនេះដើម្បីជួយពួកគេឲ្យយល់ពីរបៀបស៊ូទ្រាំនឹងការលំបាកដោយមានសេចក្ដីជំនឿលើព្រះអម្ចាស់ ។

បទគម្ពីររួមមាននូវគំរូជាច្រើនអំពីមនុស្ស ដែលបានស៊ូទ្រាំនឹងការសាកល្បងយ៉ាងស្មោះត្រង់ ។ សមាជិកកូរ៉ុម ឬថ្នាក់អាចរៀនពីរបៀបស៊ូទ្រាំនឹងការលំបាកដោយស្មោះត្រង់ តាមរយៈការសិក្សាគំរូទាំងនេះមួយចំនួន ( សូមមើលបន្ថែមនៅក្នុង « ធនធានគាំទ្រ » ) ។ ពួកគេម្នាក់ៗអាចជ្រើសរើសវគ្គបទគម្ពីរមួយ ហើយសង្ខេបបទពិសោធន៍របស់បុគ្គលនោះប្រាប់កូរ៉ុម ឬថ្នាក់ ។ តើយើងទទួលបានការយល់ដឹងអ្វីខ្លះ អំពីមូលហេតុដែលយើងមានការលំបាក ? តើយើងរៀនអ្វីខ្លះ អំពីរបៀបស៊ូទ្រាំនឹងការលំបាកដោយស្មោះត្រង់ ? សូមអញ្ជើញសមាជិកកូរ៉ុម ឬថ្នាក់ម្នាក់ៗឲ្យកត់ត្រាទុកការសាកល្បងមួយដែលពួកគេ ឬមនុស្សជាទីស្រឡាញ់របស់ពួកគេកំពុងប្រឈម ហើយសញ្ជឹងគិតពីរបៀបដែលពួកគេអាចទាញយកព្រះចេស្ដារបស់ព្រះអង្គសង្គ្រោះមកជួយពួកគេអំឡុងពេលនៃការសាកល្បងទាំងនេះ ។
ដើម្បីរៀនអំពីបុព្វហេតុមួយចំនួននៃការលំបាក និងអ្វីដែលយើងអាចរៀនមកពីការសាកល្បងរបស់យើង បងប្អូនអាចអានរួមគ្នាក្នុងកថាខណ្ឌពីរដំបូងនៅក្រោម « សេចក្តីវេទនា » នៅក្នុងសៀវភៅ ពិតចំពោះសេចក្ដីជំនឿ ( ទំព័រ ១៩៥–១៩៨ ) ។ សូមឲ្យសមាជិកកូរ៉ុម ឬថ្នាក់ចែកចាយនូវអ្វីដែលពួកគេបានរៀន ។ រួចហើយបុគ្គលម្នាក់ៗអាចរំឭកផ្នែកមួយនៃផ្នែកទាំងបីទៀតនៅក្រោម « សេចក្តីវេទនា » ហើយរៀបចំបង្រៀនអ្វីដែលពួកគេបានរៀន រួមទាំងរបៀបដែលព្រះអង្គសង្គ្រោះអាចជួយយើងអំឡុងពេលសាកល្បងផងដែរ ។ សូមលើកទឹកចិត្តពួកគេឲ្យចែកចាយបទពិសោធន៍ផ្ទាល់ខ្លួន ដែលទាក់ទងទៅនឹងអ្វីដែលពួកគេបានអាន ប្រសិនបើពួកគេមានអារម្មណ៍ចង់ចែកចាយ ។
របៀបមួយដើម្បីបំផុសឲ្យមានការពិភាក្សាមួយអំពីការលំបាកគឺ ការគូរបន្ទាត់មួយពុះក្ដារខៀនជាពីរ ហើយសរសេរ ហេតុអ្វីយើងមានការលំបាក ? នៅក្ដារខៀនម្ខាង ហើយសរសេរ តើយើងអាចប្រឈមមុខនឹងការលំបាកដោយស្មោះត្រង់យ៉ាងដូចម្ដេច ? នៅលើក្ដារខៀនម្ខាងទៀត ។ សមាជិកម្នាក់ៗកូរ៉ុម ឬថ្នាក់របស់បងប្អូននអាចអានផ្នែកមួយមកពីសារលិខិតរបស់អែលឌើរ នែល អិល អាន់ឌើរសិន « Wounded » ហើយរកមើលចម្លើយចំពោះសំណួរទាំងពីរនៅលើក្ដារខៀន ។ តើយើងរៀនអ្វីខ្លះ អំពីព្រះអង្គសង្គ្រោះមកពីសារលិខិតរបស់អែលឌើរអាន់ឌើរសិន ?
អែលឌើរ ស្ទែនលី ជី អេលីស បានប្រើឧទាហរណ៍កូនមាន់ និងមេអំបៅដើម្បីបង្រៀនអំពីឧបសគ្គនៅក្នុងសារលិខិតរបស់លោក « Do We Trust Him? Hard Is Good » ( Liahona ខែ វិច្ឆិកា ឆ្នាំ ២០១៧ ទំព័រ ១១២–១១៤ ) ។ បងប្អូនអាចបង្ហាញរូបភាពកូនមាន់មួយដែលញាស់ ឬមេអំបៅដែលចេញពីសំបុកសូត្រ ហើយពិភាក្សាពីអ្វីដែលអែលឌើរអេលីសបានបង្រៀន ។ បន្ទាប់មក អស់អ្នកដែលបងប្អូនបង្រៀនអាចធ្វើការរួមគ្នាជាដៃគូដើម្បីរំឭកសុន្ទរកថារបស់អែលឌើរអេលីស ។ ដៃគូនីមួយៗអាចរាយបញ្ជីអ្វីៗគ្រប់យ៉ាង ដែលពួកគេអាចរកឃើញដែលគាត់បង្រៀនអំពីមូលហេតុដែលយើងមានឧបសគ្គ និងរបៀបដែលយើងគួរឆ្លើយតបទៅនឹងឧបសគ្គ ។ តើការស៊ូទ្រាំដោយស្មោះត្រង់អំឡុងពេលមានឧបសគ្គបានជួយយើងឲ្យខិតកាន់តែជិតនឹងព្រះអង្គសង្គ្រោះដោយរបៀបណា ?

ធ្វើសកម្មភាពដោយសេចក្ដីជំនឿ

សូមលើកទឹកចិត្តសមាជិកកូរ៉ុម ឬថ្នាក់ឲ្យសញ្ជឹងគិត ហើយកត់ត្រាអ្វីដែលពួកគេនឹងធ្វើដើម្បីប្រព្រឹត្តតាមការបំផុសគំនិត ដែលពួកគេបានទទួលនៅថ្ងៃនេះ ។ តើមេរៀនថ្ងៃនេះទាក់ទងនឹងគោលដៅផ្ទាល់ខ្លួន ដែលពួកគេបានដាក់យ៉ាងដូចម្ដេច ? ប្រសិនបើពួកគេចង់ សមាជិកកូរ៉ុម ឬថ្នាក់អាចចែកចាយគំនិតរបស់ពួកគេបាន ។

ធនធានគាំទ្រ

សាំយ៉ូអែលទី១ ១; ពង្សាវតារក្សត្រទី១ ១៧; លូកា ២៣:៣៣–៣៤; នីហ្វៃទី១ ៥:១–៩; ម៉ូសាយ ២៤:៨–១៧; នីហ្វៃទី៣ ១:៤–២១; មរ៉ូណៃ ១; សេចក្ដីណែនាំដល់បទគម្ពីរទាំងឡាយ « នាងរស់ » និង « នាងអេសធើរ » នៅលើគេហទំព័រ scriptures.ChurchofJesusChrist.org ( គំរូរបស់មនុស្សដែលបានជួបប្រទះនឹងការលំបាក )
យ៉ូហាន ១៤:១៨; រ៉ូម ៨:២៨, ៣៥–៣៩; អាលម៉ា ៣៦:៣ ( ព្រះអង្គសង្គ្រោះអាចជួយយើងអំឡុងការលំបាកបាន )
វីដេអូ « God Will Lift Us Up » « The Will of God » នៅលើគេហទំព័រ ChurchofJesusChrist.org

ការបង្រៀនតាមរបៀបរបស់ព្រះអង្គសង្គ្រោះ

ព្រះអង្គសង្គ្រោះបានស្គាល់អស់អ្នកដែលទ្រង់បានបង្រៀនដោយផ្ទាល់—ហើយទ្រង់ជ្រាបថា ពួកគេអាចក្លាយទៅជាអ្វី ។ នៅពេលដែលពួកគេលំបាក ទ្រង់ពុំដែលបោះបង់ពួកគេឡើយ ប៉ុន្តែបានបន្តស្រឡាញ់ពួកគេ និងបម្រើដល់ពួកគេ ។ តើយុវវ័យកំពុងមានការពិបាកអ្វីខ្លះ ? តើបងប្អូនអាចបង្ហាញសេចក្តីស្រឡាញ់ និងការគាំទ្រយ៉ាងដូចម្ដេច ?