« ថ្ងៃទី ៨–១៤ ខែ មេសា ៖ ‹ ព្រះអម្ចាស់ធ្វើការជាមួយនឹងពួកយើង › ។ យ៉ាកុប ៥–៧ » ចូរមកតាមខ្ញុំ—សម្រាប់គេហដ្ឋាន និងសាសនាចក្រ ឆ្នាំ ២០២៤ ( ឆ្នាំ ២០២៤ )
« ថ្ងៃទី ៨–១៤ ខែ មេសា ៖ យ៉ាកុប ៥–៧ » ចូរមកតាមខ្ញុំ—សម្រាប់គេហដ្ឋាន និងសាសនាចក្រ ៖ ឆ្នាំ ២០២៤ ( ឆ្នាំ ២០២៤ )
Allegory of the Olive Tree [ រឿងប្រៀបធៀបអំពីដើមអូលីវ ] ដោយ ប្រាត ធៀរ
ថ្ងៃទី ៨–១៤ ខែ មេសា ៖ « ព្រះអម្ចាស់ធ្វើការជាមួយនឹងពួកយើង »
យ៉ាកុប ៥–៧
មានមនុស្សជាច្រើនដែលពុំទាន់បានឮពីដំណឹងល្អរបស់ព្រះយេស៊ូវគ្រីស្ទ ។ បើសិនជាបងប្អូនមានអារម្មណ៍លើសលប់ពីភាពធំធេងនៃកិច្ចការនៃការប្រមូលផ្ដុំពួកគេមកក្នុងសាសនាចក្រនៃព្រះអម្ចាស់ នោះអ្វីដែលយ៉ាកុបនិយាយអំពីដើមអូលីវនៅក្នុង យ៉ាកុប ៥ មានការរំឭកបញ្ជាក់មួយថា ៖ ចម្ការទំពាំងបាយជូរជាកម្មសិទ្ធិរបស់ព្រះអម្ចាស់ ។ ទ្រង់បានប្រទានដល់ពួកយើងម្នាក់ៗនូវតំបន់តូចមួយដើម្បីជួយនៅក្នុងកិច្ចការរបស់ទ្រង់—ជាគ្រួសារយើង រង្វង់មិត្តភក្ដិរបស់យើង ដែនមានឥទ្ធិពលរបស់យើង ។ ហើយពេលខ្លះបុគ្គលដំបូងគេដែលយើងជួយប្រមូលផ្ដុំ គឺជាខ្លួនយើងផ្ទាល់ ។ ប៉ុន្តែយើងពុំធ្វើតែឯងនៅក្នុងកិច្ចការនេះទេ ដ្បិតម្ចាស់ចម្ការទំពាំងបាយជូរក៏ធ្វើការជាមួយនឹងពួកអ្នកបម្រើរបស់ទ្រង់ដែរ ( សូមមើល យ៉ាកុប ៥:៧២ ) ។ ព្រះស្គាល់ ហើយស្រឡាញ់បុត្រាបុត្រីរបស់ទ្រង់ ហើយទ្រង់នឹងរៀបចំផ្លូវមួយសម្រាប់ពួកគេម្នាក់ៗឲ្យស្ដាប់ឮដំណឹងល្អរបស់ទ្រង់ សូម្បីតែមនុស្សដែលធ្លាប់បដិសេធទ្រង់កាលពីអតីតកាលក្ដី ( សូមមើល យ៉ាកុប ៤:១៥–១៨ ) ។ បន្ទាប់មក នៅពេលកិច្ចការធ្វើបានចប់សព្វគ្រប់ហើយ នោះមនុស្សទាំងអស់ដែលបាន « ធ្វើការយ៉ាងព្យាយាមជាមួយនឹង [ ទ្រង់ ] …នឹងមានអំណរជាមួយនឹង [ ទ្រង់ ] ដោយសារតែផ្លែឈើនៃចម្ការរបស់ [ ទ្រង់ ] » ( យ៉ាកុប ៥:៧៥ ) ។
សូមមើលផងដែរ « Jacob Teaches about the Gathering of Israel » ( វីដេអូ ) បណ្ណាល័យដំណឹងល្អ ។
គំនិតសម្រាប់ការរៀនសូត្រនៅឯគេហដ្ឋាន និងសាសនាចក្រ
ព្រះយេស៊ូវគ្រីស្ទគឺជាម្ចាស់ចម្ការ ។
យ៉ាកុប ៥ គឺជាដំណើររឿងដែលមានអត្ថន័យជានិមិត្តរូប ។ ដំណើររឿងនេះពិពណ៌នាអំពីដើម និងផ្លែ និងអ្នកធ្វើចម្ការ ប៉ុន្តែអត្ថន័យពិតគឺអំពីអន្តរកម្មរបស់ព្រះជាមួយប្រជារាស្រ្តរបស់ទ្រង់នៅក្នុងប្រវត្តិសាស្រ្តទេ ។ ដូច្នេះ ពេលបងប្អូនអានដំណើររឿងគោលៗនេះ សូមគិតអំពីកិច្ចការមួយចំនួននៅក្នុងដំណើររឿងដែលអាចធ្វើជានិមិត្តរូបឲ្យ ។
ឧទាហរណ៍ ប្រសិនបើចម្ការតំណាងឲ្យពិភពលោកនេះ ហើយដើមអូលីវស្រុកតំណាងឲ្យអ៊ីស្រាអែល ( ឬអស់អ្នកដែលបានធ្វើសេចក្ដីសញ្ញាជាមួយព្រះ; សូមមើល យ៉ាកុប ៥:៣ ) តើដើមអូលីវព្រៃតំណាងឲ្យអ្វី ? តើដើមល្អ និងផ្លែមិនល្អតំណាងឲ្យអ្វី ? តើបងប្អូនមើលឃើញមាននិមិត្តរូបអ្វីខ្លះទៀត ?
ទោះបីជា យ៉ាកុប ៥ បង្រៀនអំពីប្រជាជាតិ និងសតវត្សរ៍នៅក្នុងប្រវត្តិសាស្រ្តពិភពលោកក្ដី វាក៏បង្រៀនអំពីបងប្អូន និងជីវិតរបស់បងប្អូនផងដែរ ។ តើមានសារលិខិតអ្វីខ្លះដែលបងប្អូនរកឃើញសម្រាប់ខ្លួនឯងនៅក្នុង យ៉ាកុប ៥ ?
ប្រហែលអ្វីដែលសំខាន់បំផុត យ៉ាកុប ៥ បានបង្រៀនអំពីព្រះយេស៊ូវគ្រីស្ទ ។ សូមរកមើលទ្រង់នៅពេលដែលបងប្អូនអាន ។ តើបងប្អូនរៀនអ្វីខ្លះអំពីទ្រង់ ឧទាហរណ៍នៅក្នុង ខទី ៤០–៤១, ៤៦–៤៧ ?
ដើម្បីទទួលបានការយល់ដឹងបន្ថែមអំពី យ៉ាកុប ៥ សូមមើលដ្យាក្រាមនៅចុងបញ្ចប់នៃគម្រោងមេរៀននេះ ។
ព្រះអម្ចាស់អញ្ជើញខ្ញុំឲ្យធ្វើការជាមួយទ្រង់នៅក្នុងចម្ការរបស់ទ្រង់ ។
« ពួកអ្នកបម្រើផ្សេងៗទៀត » ( យ៉ាកុប ៥:៧០ ) ដែលត្រូវបានហៅឲ្យបម្រើនៅក្នុងចម្ការរបស់ព្រះអម្ចាស់ រួមមានមនុស្សដូចជាបងប្អូនផងដែរ ។ តើសេចក្តីពិតអ្វីខ្លះដែលបងប្អូនរកឃើញនៅក្នុង យ៉ាកុប ៥ ជាពិសេស ខទី ៦១–៦២ និង ៧០–៧៥ អំពីការធ្វើការនៅក្នុងចម្ការរបស់ព្រះអម្ចាស់ ? តើបងប្អូនបានរៀនអ្វីខ្លះអំពីទ្រង់តាមរយៈការជួយនៅក្នុងកិច្ចការរបស់ទ្រង់ ?
នៅពេលបងប្អូនអានអំពី « លើកចុងក្រោយបង្អស់ » ដែលព្រះអម្ចាស់ធ្វើការនៅក្នុងចម្ការរបស់ទ្រង់ តើអ្វីទៅដែលបំផុសគំនិតរបស់បងប្អូនឲ្យបម្រើព្រះអម្ចាស់ « ធ្វើការដោយសមត្ថភាពរបស់បងប្អូន » ? ( យ៉ាកុប ៥:៧១ ) ។ ប្រហែលជាបងប្អូនអាចគិតពីបទពិសោធន៍ផ្ទាល់ខ្លួន ដែលបងប្អូនមានអារម្មណ៍ថាមានអំណរខណៈពេលបម្រើដល់ព្រះអម្ចាស់នៃចម្ការ—ឧទាហរណ៍ តាមរយៈការចែកចាយដំណឹងល្អ ការបម្រើនៅក្នុងព្រះវិហារបរិសុទ្ធ ឬការពង្រឹងអ្នកដទៃ ។ បងប្អូនក៏អាចស្វែងយល់ពីឧទាហរណ៍ដែលអែលឌើរ ហ្គែរី អ៊ី ស្ទីវ៉ែនសុន បានចែកចាយនៅក្នុងសារលិខិតរបស់លោកផងដែរ « Simply Beautiful—Beautifully Simple »( Liahona ខែ វិច្ឆិកា ឆ្នាំ ២០២១ ទំព័រ ៤៧–៥០ ) ។
ប្រធាន រ័សុល អិម ណិលសុន បានមានប្រសាសន៍ថា « រាល់ពេល ដែលបងប្អូនធ្វើ អ្វីមួយ ដើម្បីជួយ នរណាម្នាក់—នៅទាំងសងខាងនៃវាំងនន—បោះជំហានទៅធ្វើសេចក្ដីសញ្ញាជាមួយនឹងព្រះ ហើយទទួលពិធីបរិសុទ្ធនៃពិធីបុណ្យជ្រមុជទឹក និងព្រះវិហារបរិសុទ្ធដ៏សំខាន់របស់ពួកគេ នោះបងប្អូនកំពុងជួយប្រមូលអ៊ីស្រាអែលហើយ ។ វាសាមញ្ញដូច្នោះឯង » ( « សង្ឃឹមអ៊ីស្រាអែល » [ ការប្រជុំធម្មនិដ្ឋានទូទាំងពិភពលោក ថ្ងៃទី ៣ ខែ មិថុនា ឆ្នាំ ២០១៨ ] នៅលើគេហទំព័រ ChurchofJesusChrist.org ) ។ សូមពិចារណាចាប់ផ្តើមបញ្ជីគំនិតពីអ្វីដែលបងប្អូនអាចធ្វើបាន ដើម្បីជួយប្រមូលសាសន៍អ៊ីស្រាអែល ។ ចេញពីបញ្ជីរបស់បងប្អូន តើបងប្អូនមានអារម្មណ៍ថាព្រះអម្ចាស់នឹងឲ្យបងប្អូនធ្វើអ្វីនៅក្នុងចម្ការរបស់ទ្រង់នៅថ្ងៃនេះ ? យោងតាម ខទី ៧៥ តើព្រះអម្ចាស់នឹងប្រទានរង្វាន់ដល់យើងសម្រាប់ការបម្រើនៅក្នុងចម្ការរបស់ទ្រង់ដោយរបៀបណា ?
សូមមើលផងដែរ « អ៊ីស្រាអែលអើយព្រះកំពុងហៅ » ទំនុកតម្កើង ល.រ. ៧; « Old Testament Olive Vineyard » ( វីដេអូ ) នៅលើបណ្ណាល័យដំណឹងល្អ; Gospel Topics « Gathering Israel » « Inviting All to Receive the Gospel of Jesus Christ » « Participating in Temple and Family History Work » នៅលើបណ្ណាល័យដំណឹងល្អ ។
Old Testament Olive Vineyard
(Jacob 5–6) Seminary students visit an Old Testament olive vineyard and are taught how to care for olive trees. They discover conditions in the vineyard that parallel the conditions in Zenos’s allegory. Segment 1, Old Testament Olive Vineyard
បង្រៀនគោលលទ្ធិ សូមធ្វើឲ្យប្រាកដថា ការពិភាក្សារបស់បងប្អូនផ្ដោតលើគោលលទ្ធិគ្រឹះនៅក្នុងព្រះគម្ពីរ ។ បងប្អូនអាចធ្វើវាបានដោយការអានព្រះគម្ពីរជាមួយគ្នា ហើយបន្ទាប់មកចែកចាយដល់គ្នាទៅវិញទៅមកនូវសេចក្ដីពិតដែលបងប្អូនរកឃើញ ព្រមទាំងបទពិសោធន៍ជាមួយនឹងការរស់នៅតាមសេចក្ដីពិតទាំងនោះ ។
ព្រះអម្ចាស់ចងចាំប្រជារាស្រ្តរបស់ទ្រង់ដោយក្តីស្រឡាញ់ និងមេត្តាករុណា ។
អត្ថន័យមួយនៃពាក្យ តោងជាប់ គឺការប្រកាន់ខ្ជាប់ ឬជាប់ទៅនឹងអ្វីមួយយ៉ាងម៉ឺងម៉ាត់ ជិតស្និទ្ធ និងមិនងាករេ ។ តើអត្ថន័យនោះជះឥទ្ធិពលលើរបៀបដែលបងប្អូនយល់ពី យ៉ាកុប ៦:៤–៥ ដោយរបៀបណា ? នៅក្នុងដំណើររឿងនៃដើមអូលីវ តើព្រះអម្ចាស់នៃចម្ការបានប្រទាន « ព្រះពាហុនៃសេចក្ដីមេត្តាករុណា » របស់ទ្រង់ដោយរបៀបណា ? ( សូមមើល ឧទាហរណ៍ យ៉ាកុប ៥:៤៧, ៥១, ៦០–៦១, ៧១–៧២ ) ។ តើទ្រង់បានធ្វើដូចនេះចំពោះបងប្អូនដោយរបៀបណា ?
ខ្ញុំអាចមានជំហររឹងមាំ នៅពេលអ្នកដទៃជំទាស់នឹងសេចក្ដីជំនឿរបស់ខ្ញុំនៅលើព្រះយេស៊ូវគ្រីស្ទ ។
បទពិសោធន៍របស់ពួកសាសន៍នីហ្វៃជាមួយ សេរេម គឺមានជាញឹកញាប់នៅពេលសព្វថ្ងៃនេះ ៖ មនុស្សកំពុងព្យាយាមបំផ្លាញសេចក្តីជំនឿនៅលើព្រះគ្រីស្ទ ។ តើយ៉ាកុបឆ្លើយតបយ៉ាងដូចម្ដេច នៅពេលសេចក្ដីជំនឿរបស់លោកត្រូវបានគេវាយប្រហារ ? តើបងប្អូនរៀនអ្វីខ្លះមកពីការឆ្លើយតបរបស់លោក ? តើបងប្អូនអាចធ្វើអ្វីខ្លះនាពេលឥឡូវនេះ ដើម្បីរៀបចំខ្លួនសម្រាប់ពេលដែលសេចក្ដីជំនឿរបស់បងប្អូនត្រូវគេជំទាស់ ?
សូមមើលផងដែរ ជែហ្វ្រី អ័រ ហូឡិន « The Cost—and Blessings—of Discipleship » Ensign ឬ Liahona ខែ ឧសភា ឆ្នាំ ២០១៤ ទំព័រ ៦–៩; « Sherem Denies Christ » ( វីដេអូ ) នៅលើបណ្ណាល័យដំណឹងល្អ ។
សេរេមបដិសេធព្រះគ្រីស្ទ យ៉ាកុប ៧
យ៉ាកុប ៧ | សេរេម ផ្សាយប្រឆាំងនឹងគោលលទ្ធិនៃព្រះគ្រីស្ទ ហើយទាមទាររកទីសម្គាល់មួយ ។ លោកត្រូវបានវាយដោយព្រះចេស្តានៃព្រះ ហើយបានស្លាប់ បន្ទាប់ពីបានសារភាពអំពីបាបទៅកាន់ប្រជាជន ។
ដើម្បីទទួលបានគំនិតបន្ថែម សូមមើលទស្សនាវដ្តី លីអាហូណា និង ដើម្បីកម្លាំងនៃយុវជន ប្រចាំខែនេះ ។
គំនិតសម្រាប់បង្រៀនកុមារ
ព្រះអម្ចាស់យកព្រះទ័យទុកដាក់លើប្រជារាស្រ្តរបស់ទ្រង់ ។
-
តើបងប្អូនអាចចែកចាយពីដំណើររឿងដើមអូលីវ តាមរបៀបដែលកូនៗរបស់បងប្អូនអាចយល់បានដោយរបៀបណា ? របៀបមួយគឺទៅដើរមើលដើមឈើនៅខាងក្រៅ ហើយរំឭកដំណើររឿងសំខាន់ៗដោយសង្ខេបៗឡើងវិញ ។ តើព្រះអម្ចាស់នៃចម្ការបានធ្វើអ្វីសម្រាប់ដើមឈើរបស់ទ្រង់ ? តើយើងអាចធ្វើដូចជាអ្នកធ្វើការក្នុងដំណើររឿងនេះ ហើយជួយអ្នកដទៃឲ្យទទួលបានសេចក្តីស្រឡាញ់របស់ព្រះអង្គសង្គ្រោះដោយរបៀបណា ?
-
យ៉ាកុបបានចែកចាយដំណើររឿងនៃដើមអូលីវ ដើម្បីអញ្ជើញប្រជាជនរបស់លោកឲ្យមករកព្រះគ្រីស្ទ ។ វាក៏អាចធ្វើដូចគ្នាសម្រាប់កូនៗរបស់បងប្អូនផងដែរ ។ ប្រហែលជាបងប្អូនអាចសង្ខេបដំណើររឿងនេះដោយប្រើខគម្ពីរ ដូចជា យ៉ាកុប ៥:៣–៤, ២៨–២៩, ៤៧ និង ៧០–៧២ ( សូមមើលផងដែរ « Old Testament Olive Vineyard » [ វីដេអូ ] នៅលើបណ្ណាល័យដំណឹងល្អ ) ។ បន្ទាប់មក បងប្អូន ឬកូនៗរបស់បងប្អូនអាចអានក្នុង យ៉ាកុប ៥:១១, ៤១, ៤៧ និង ៧២ ដោយស្វែងរកអ្វីដែលបង្ហាញថា តើម្ចាស់ចម្ការ ( ព្រះយេស៊ូវគ្រីស្ទ ) ខ្វល់ព្រះទ័យអំពីដើមទាំងអស់យ៉ាងណាទៅ ។ តើព្រះអង្គសង្គ្រោះធ្វើអ្វីខ្លះដើម្បីបង្ហាញថា ទ្រង់យកព្រះទ័យទុកដាក់ចំពោះយើង ?
6:57Old Testament Olive Vineyard
(Jacob 5–6) Seminary students visit an Old Testament olive vineyard and are taught how to care for olive trees. They discover conditions in the vineyard that parallel the conditions in Zenos’s allegory. Segment 1, Old Testament Olive Vineyard
ព្រះវរបិតាសួគ៌ស្រឡាញ់ខ្ញុំ ហើយនឹងអត់ទោសឲ្យខ្ញុំ នៅពេលខ្ញុំប្រែចិត្ត ។
-
យ៉ាកុប ៦:៤–៥ មានសារលិខិតសំខាន់មួយសម្រាប់យើង នៅពេលយើងធ្វើការជ្រើសរើសខុស ។ ប្រហែលជាបងប្អូនអាចជួយកូនៗរបស់បងប្អូនស្វែងរកវា ។ តើពាក្យណាខ្លះនៅក្នុងខគម្ពីរទាំងនេះផ្តល់ឲ្យយើងនូវសេចក្តីសង្ឃឹមចំពោះសេចក្តីស្រឡាញ់ដ៏ប្រោសលោះរបស់ព្រះ ? ដំណើររឿងរបស់អែលឌើរ អាឡែន ឌី ហែនី អំពីការប្រឡាក់ក្នុងរណ្តៅភក់ នៅក្នុងសារលិខិតរបស់លោក « Remembering in Whom We Have Trusted » ( Liahona ខែ វិច្ឆិកា ឆ្នាំ ២០១៥ ទំព័រ ១២១–២២ ) អាចជួយបាន ។ តើដំណើររឿងនេះ និង យ៉ាកុប ៦:៤–៥ បង្រៀនយើងអ្វីខ្លះ អំពីអ្វីដែលយើងត្រូវធ្វើដើម្បីទទួលបានការសង្គ្រោះនៅក្នុងនគររបស់ព្រះ ?
ខ្ញុំអាចឈរការពារអ្វីដែលខ្ញុំដឹងថាពិត ។
-
តើបងប្អូនអាចបំផុសគំនិតកូនៗរបស់បងប្អូនឲ្យឈរការពារសេចក្ដីពិតដូចយ៉ាកុបបានធ្វើដោយរបៀបណា ? កូនៗរបស់បងប្អូនអាចមើលវីដេអូ « Chapter 10: Jacob and Sherem » ( បណ្ណាល័យដំណឹងល្អ ) និងសម្តែងតាមនូវអន្តរកម្មរវាងយ៉ាកុប និងសេរេម ដោយប្រើ យ៉ាកុប ៧:១–២៣ ទុកជាការណែនាំ ។ តើយ៉ាកុបឈរការពារចំពោះអ្វីដែលលោកដឹងថាត្រឹមត្រូវដោយរបៀបណា ? សូមអញ្ជើញកូនៗរបស់បងប្អូនឲ្យចែកចាយបទពិសោធន៍នានា នៅពេលពួកគេឈរការពារអ្វីដែលត្រូវ ឬចែកចាយបទពិសោធន៍របស់បងប្អូនផ្ទាល់ ។ ប្រហែលជាពួកគេក៏អាចច្រៀងចម្រៀងដែលបង្ហាញពីភាពក្លាហាន ដូចជាសេចក្តីក្លាហានរបស់យ៉ាកុបដែរ « ឈរដោយសុចរិត » សៀវភៅចម្រៀងកុមារ ទំព័រ ៨១ ។
ដើម្បីទទួលបានគំនិតបន្ថែម សូមមើលទស្សនាវដ្តី ប្រិយមិត្ត ប្រចាំខែនេះ ។