24–30 ni Maji: “Ena Vakayacori na Veika Kecega Me Vaka na Kena iVakarau”

Vunau kei na Veiyalayalati 27–28

Na ivakatakila a se vakasama vou sara vei ira na Yalododonu ni toso tiko na kena vakayacori na Veivakalesui Mai. Era a kila tu na lewe ni Lotu taumada nio Josefa Simici e rawa ni ciqoma na ivakatakila me baleta na Lotu. Ia e rawa beka vei ira tale eso? A bibi sara na veitaro vakaoqo ni a vakabauta o Airame Peji, e dua vei iratou na Lewe Walu na iVakadinadina ni peleti koula, ni a ciqoma o koya na ivakatakila eso me baleta na Lotu. E vuqa na Yalododonu yalodina era a vakabauta ni sa mai vua na Kalou na vei ivakatakila oya. A sauma na Turaga ena nona vakavulica ni ena Nona Lotu “ena vakayacori na veika kecega me vaka na kena ivakarau” (Vunau kei na Veiyalayalati 28:13). Oqo e kena ibalebale ni dua ga na tamata “e lesi me ciqoma na ivakaro kei na ivakatakila” me baleta na Lotu raraba (Vunau kei na Veiyalayalati 28:2). O ira na kena vo, era rawa ni ciqoma na ivakatakila yadua me baleta na nodra itavi ena cakacaka ni Turaga. Ia sa dina sara, ni vosa ni Turaga vei Oliva Kaudari e veivakananumi vei keda kece sara: “Ka na qai soli vei iko … na veika mo laki kitaka” (Vunau kei na Veiyalayalati 28:15).

Raica talega “All Things Must Be Done in Order,” ena Revelations in Context, 50–53.

Vakasama eso ni Vuli e Vale kei na Lotu

Vunau kei na Veiyalayalati 27:1–4

Au vakayagataka na sakaramede meu vakananumi Jisu Karisito kina.

Erau a papitaisotaki o Seli Naiti kei Ema Simici ena June ni 1830, ia a vakasevai na nodrau vakadeitaki mai vei ira na ilawalawa ca. Rua na vula i muri, erau a mai veisiko vei Ema kei Josefa o Seli kei na watina, o Niuwele, ka sa mani kena lewa me sa vakayacori sara na veivakadeitaki, ka me ra na vakaivotavota vata ena sakaramede na ilawalawa. Ena nona lako me lai kauta mai na waini ni sakaramede, a tarovi Josefa e dua na agilosi.

Wilika na Vunau kei na Veiyalayalati 27:1–4 me kilai kina na veika a vakavulica vua na agilosi me baleta na sakaramede. Na cava e vakavulica vei iko na veitikina oqo me baleta na sala e vinakata na iVakabula mo goleva kina na sakaramede? Na cava o nanuma e kena ibalebale me da vakaivotavota kina ena “mata sa vakatabakidua ki na [Nona] lagilagi”? Vakasamataka vakatitobu oqo—ka vakasaqara na veivakararamataki tale eso me baleta na sakaramede—ni o wilika na Luke 22:19–20 kei na 3 Nifai 18:1–11. (Raica talega na vidio “The Last Supper,” “Jesus Christ Blesses Bread in Remembrance of Him,” kei na “Jesus Christ Blesses Wine in Remembrance of Him,” Gospel Library).

The Last Supper

Meeting in an upper room with His disciples, Jesus washes their feet, institutes the sacrament, and commands them to love one another. John 13:1–35

Jesus Christ Blesses Bread in Remembrance of Him | 3 Nephi 18:1-7

Jesus breaks bread and blesses it and commands His disciples and the multitude to eat it in remembrance of His body. He instructs them to always do this.

Jesus Christ Blesses Wine in Remembrance of Him | 3 Nephi 18:8-11

Jesus blesses the wine and commands His disciples and the multitude to drink it in remembrance of His blood. He commands them to always remember Him so they may have His Spirit.

Mo vulica na kena vakayacori na sakaramede me cakacaka ni sokalou, navuca mo vulica na itukutuku nei Elder D. Todd Christofferson “Na Madrai Bula Ka Lako Sobu Mai Lomalagi” (Liaona, Nove. 2017, 36–39). Na cava a vakavulica o Elder Christofferson ka na rawa ni vukei iko mo vakila e dua na isema kaukauwa cake vua na iVakabula ena sakaramede? Vakasamataka vakatitobu se cava o rawa ni cakava mo vakavakarau kina mo vakaivotavota ena ivakatakarakara ni Veisorovaki ni iVakabula ka raici ira ena vakarokoroko se ena inaki cecere.

Sa rawa mo lagata, vakarogoca, se wilika e dua na sere ni sakaramede, me vaka na “As Now We Take the Sacrament” (Serenilotu, no. 169), ka vola na veika o vakila me baleta nomu vakaivotavota ena sakaramede tabu.

Vakayagataka na sere/ivakatagi. Na sereivakatagi tabu e sureta na Yalo me vakadinadinataka na dina ni kosipeli. Ena rawa ni vukei iko mo kila vakavinaka ka vakila na dina oqo ena dua na sala ena guilecavi dredre. Ena veivuke talega na sere kei na ivakatagi me taleitaki vakalevu cake kina na vuli.

Raica talega na Vunau kei na Veiyalayalati 20:77, 79; 59:9–13; Topics and Questions [Ulutaga kei na Taro], “Sacrament [Sakaramede],” Gospel Library; “Rawati kei na Maroroi ni Bokoci ni iValavala Ca ena Cakacaka Vakalotu,”ena David A. Bednar, “Ka na Bokoci na Nomu iValavala Ca,” Liaona, Me 2016, 60–62.

Ka na Bokoci na Nomuni iValavala Ca

Elder Bednar teaches about how priesthood ordinances help us retain a remission of our sins.

Vunau kei na Veiyalayalati 27:5–14

E solia na Turaga na idola ni matabete me dusimaki kina na Nona cakacaka.

Na cava o kila me baleti ira na parofita era cavuti tiko ena veitikina oqo? Ena rawa nio vakasaqara na ivakamacala me baleta ena iDusidusi ki na iVolanikalou. Na veivakalougatataki cava soti sa dolavi tu oqo vei iko ena vuku ni idola era taura tu o ira na parofita oqo?

Vunau kei na Veiyalayalati 27:15–18

Na iyaragi ni Kalou e vukei au meu vorata na ca.

A kaya o Peresitedi M. Russell Ballard: “E sega ni dua na ka cecere ka dokai eda rawa ni cakava meda vakaiyaragitaki keda kina vakayalo. Na kaukauwa dina vakayalo ena kunei ena vuqa na veicakacaka lalai ka cokoti vata me tauyavutaki kina edua na ivakaruru vakayalo ka na maroroi keda ka taqomaki keda mai na veika ca kecega” (“Be Strong in the Lord,” Ensign, Jiulai 2004, 8).

Ni o vulica na iyaragi ni Kalou ena Vunau kei na Veiyalayalati 27:15–18, e rawa ni o bulia e dua na ituvatuva vakaoqo. Na cava o sa cakava tiko mo tokara kina na vei tiki yadua ni iyaragi ni Kalou?

Tiki ni iyaragi	Tiki ni yago e taqomaki	Na cava e matataka na tiki ni yago oya
Tiki ni iyaragi iSasabai ni ivalavala dodonu	Tiki ni yago e taqomaki Lomamu	Na cava e matataka na tiki ni yago oya Veika au gadreva ka taleitaka
Tiki ni iyaragi iVakaruru ni ulu	Tiki ni yago e taqomaki Na uluda se noda vakasama	Na cava e matataka na tiki ni yago oya
Tiki ni iyaragi	Tiki ni yago e taqomaki	Na cava e matataka na tiki ni yago oya
Tiki ni iyaragi	Tiki ni yago e taqomaki	Na cava e matataka na tiki ni yago oya

Raica tale ga na Efeso 6:11–18; Jorge F. Zeballos, “Tara Cake na Bula ni Tataqomaki mai na Vunica,” Liaona, Nov. 2022, 50–52.

Vunau kei na Veiyalayalati 28

O Jisu Karisito e dusimaka na Nona Lotu maivei ira na Nona parofita bula.

Raitayaloyalotaka mada se na vakacava tu beka kevaka e rawa ni ciqoma na ivakaro kei na ivakatakila me baleta na Lotu raraba e dua ga na tamata e rawa. Ena gauna a kaya kina o Airame Peji ni a ciqoma na vei ivakatakila vakaoqori, e vuqa sara ga vei ira na lewenilotu era a veilecayaki. Ena Vunau kei na Veiyalayalati 28, e vakatakila kina na Turaga e dua na ivakaro me baleta na ivakatakila ki na Nona Lotu. Na cava o vulica mai na wase oqo me baleta na nona itavi bibi na Peresitedi ni Lotu? Na cava o vulica mai na wase oqo me baleta na sala e rawa ni dusimaki iko kina na Kalou?

Raica tale ga na Elder Dale G. Renlund, “E Dua na iTuvatuva ni iVakatakila ni Tamata Yadua,” Liaona, Nove. 2022, 16–19.

Vunau kei na Veiyalayalati 28:8–9

Na cava e a bibi kina na kaulotu vei ira na Leimanaiti?

E dua na inaki ni iVola i Momani sai koya me “ra na kila kina na Leimanaiti na kedra itukutuku na nodra qase, ka ra na kila talega kina na yalayala ni Turaga” (Vunau kei na Veiyalayalati 3:20). Oqo e salavata kei na yalayala ni Turaga vei ira e vuqa na parofita ni iVola i Momani (raica, me ivakaraitaki, na 1 Nifai 13:34–41; Inosi 1:11–18; Ilamani 15:12–13). Era a vakabauta tu na lewe ni Lotu taumada ni o ira na kai Idia Damudamu ni Amerika era sa kawa ni tamata mai na iVola i Momani. (Na itutu vakadonui ni Lotu edaidai sai koya ni o ira na Leimanaiti “o ira oqo eso vei ira na nodra qase taumada na kai Idia Damudamu ni Amerika.” [ivakamacala taumada ki na iVola i Momani].)

Mo wilika eso tale na ka me baleta na kaulotu nei Oliva vei ira na yavusa Idia damudamu ni Amerika tu voleka, raica na “A Mission to the Lamanites [E Dua na Kaulotu vei ira na Leimanaiti],” Revelations in Context, 45–49. Na cava e vakavullica vei iko na ilakolako ni kaulotu oqo me baleta na Turaga kei na Nona cakacaka?

Me baleta na vakasama tale eso, raica na ilavelave ni mekasini na Liaona kei na Me iSakisaki ni iTabagone ni vula oqo.

Vakasama eso ni Nodra Vakatavulici na Gonelalai

Vunau kei na Veiyalayalati 27:1–2

E vukei au na sakaramede meu dau vakananumi Jisu Karisito.

• Era na vakataroga beka na gone na vuna eda vakayagataka kina na wai ena sakaramede ni a vakayagataka o Jisu na waini (raica na Luke 22:19–20; 3 Nifai 18:1–11). Sa rawa mo ni wilika vata na Vunau kei na Veiyalayalati 27:1–2 ka veivosakitaka na ibalebale ni kena vakayagataki na sakaramede “ena mata sa vakatabakidua ki na lagilagi ni [Kalou]” (tikina e 2). Na cava eda rawa ni cakava meda vagolea kina na noda vakasama kivua na iVakabula ni da vakayagataka na sakaramede?

• Ena rairai veivuke beka ke tiko eso na iyaloyalo, tiki ni ivolanikalou, se qaqa ni sere me baleta na iVakabula me vukei ira na luvemu me ra nanumi Koya ni ra vakayagataka na sakaramede. Era na rairai marautaka na kena buli e dua na ivolalailai mai na so na vei iyaloyalo oqo, veitikina eso, kei na veiqaqa ni sere. E rawa ni ra droinitaka na nodra iyaloyalo vakai ira se kunea eso ena mekasini na iTokani .

Tiki ni droini mai na The Last Supper [iVakayakavi ni Turaga], mai vei Simon Dewey

Vunau kei na Veiyalayalati 27:15–18

Na iyaragi ni Kalou edau taqomaki au.

• E rawa ni o vakaraitaka vei ira na luvemu e dua na iyaloyalo ni iyaragi me vaka na kena ena ituvatuva oqo se ena ituvatuva ni tabana ni itaviqaravi ena Efeso ena Lako Mai, Mo Muri Au—Me Baleti Ira na Lalai: Veiyalayalati Vou 2023. Ni ko wilika na Vunau kei na Veiyalayalati 27:15–18, vukei ira na gone me ra kunea na veitiki ni yaragi ena iyaloyalo. Ena rawa vakacava ni vukei keda na iyaragi ni Kalou me da “vorata rawa kina na siga ca”? (tikina e 15).

Vunau kei na Veiyalayalati 28:2, 6–7

E ciqoma na parofita na ivakatakila me baleta na Lotu; Au rawa ni ciqoma na ivakatakila me baleta na noqu bula.

• Kevaka e vica vata na nomu gone, sa rawa mo sureti ira me ra qitora na “muria na iliuliu,” ia kerea e rua se sivia na gone me ra iliuliu ena dua vata ga na gauna. Na cava e yaco ni sivia na dua na iliuliu? Mo qai vulica na veika e baleti Airame Peji (raica na “Wase e 14: Na Parofita kei na iVakatakila me baleta na Lotu,” ena iTukuni mai na Vunau kei na Veiyalayalati, 56–57, se na ulutaga ni wase ni Vunau kei na Veiyalayalati 28). A vakadodonutaka vakacava na Tamada Vakalomalagi na nodra veilecayaki na lewe ni Lotu taumada? E liutaka vakacava o Koya na Lotu nikua? (raica na Vunau kei na Veiyalayalati 28:2). Wasea na nomu ivakadinadina ni parofita edaidai e kacivi mai vua na Turaga me liutaka na Nona Lotu ena gauna oqo.

  Chapter 14: The Prophet and Revelations for the Church: September 1830

• E dina ga ni ivakatakila me baleta na Lotu ena dau soli tu ga vua na parofita, o keda kece eda na rawa ni tuberi mai vua na Yalo Tabu. Ena rawa nio vukei ira na luvemu mera vakasaqaqara ena veitiki ni vola e ra ka vola na veisala eso edau tuberi keda kina na Yalo Tabu: Vunau kei na Veiyalayalati 28:1, 4, 15; Joni 14:26; Moronai 8:26; 10:4–5. Veiwaseitaka vakai kemuni na sala o sa tuberi kina mai vua na Yalo Tabu.

Me baleta na vakasama tale eso, raica na ilavelave ni mekasini na iTokani ni vula oqo.