Marso 24–30: “Ang Tanan nga Butang Dapat Himuon sa Husto nga Paagi”

Doktrina kag mga Kasugtanan 27–28

Ang rebelasyon isa ka bag-o nga konsepto sa mga Santos samtang nagapadayon ang Pagpanumbalik. Nakahibalo ang mga miyembro sang Simbahan sadto nga makabaton si Propetang Joseph Smith sang rebelasyon para sa Simbahan. Pero pwede bala ang iban? Ang amo sini nga mga pamangkot nangin kritikal sang si Hiram Page, isa sa Walo ka mga Saksi sang bulawan nga mga lamina, nagpati nga nakabaton sia sang mga rebelasyon para sa Simbahan. Madamo sa matinuohon nga mga Santos ang nagpati nga ining mga rebelasyon naghalin sa Dios. Nagsabat ang Ginuo paagi sa pagtudlo nga sa Iya Simbahan “ang tanan nga butang dapat himuon sa husto nga paagi” (Doktrina kag mga Kasugtanan 28:13). Buot silingon may isa lang nga “pagapilion sa pagbaton sang mga kasugoan kag mga rebelasyon” para sa bilog nga Simbahan (Doktrina kag mga Kasugtanan 28:2). Pero ang iban, pwede man makabaton sang personal nga rebelasyon para sa ila bahin sa buluhaton sang Ginuo. Ang matuod, ang mga pulong sang Ginuo kay Oliver Cowdery isa ka pahanumdom sa aton: “Ihatag sa imo … kon ano ang imo himuon” (Doktrina kag mga Kasugtanan 28:15).

Mga Ideya sa Pagtuon sa Puluy-an kag sa Simbahan

Doktrina kag mga Kasugtanan 27:1–4

Nagaambit ako sang sakramento para dumdumon si Jesucristo.

Si Sally Knight kag Emma Smith ginbunyagan sang Hunyo 1830, pero ang ila mga kumpirmasyon gingamo sang masingki nga mga tawo. Duha ka bulan ang nagligad, si Sally kag ang iya bana nga si Newel nagbisita sa ila ni Emma kag Joseph, kag nadesisyunan nga kompirmahon na sila kag ang grupo magaambit sang sakramento sing ululupod. Sang nagalakat para magkuha sang alak para sa sakramento, ginpunggan si Joseph sang isa ka anghel.

Basaha ang Doktrina kag mga Kasugtanan 27:1–4 para mahibal-an kon ano ang gintudlo sa iya sang anghel parte sa sakramento. Ano ang ginapanugyan sining mga bersikulo parte sa paagi nga gusto sang Manluluwas nga imo trataron ang sakramento? Ano sa banta mo ang buot silingon sang mag-ambit sini nga “nga may mata nga tampad sa [Iya] himaya”? Binagbinaga ini—kag magpangita sang iban pa nga mga ideya parte sa sakramento—samtang ginabasa mo ang Lucas 22:19–20 kag 3 Nefi 18:1–11.

The Last Supper

Meeting in an upper room with His disciples, Jesus washes their feet, institutes the sacrament, and commands them to love one another. John 13:1–35

Jesus Christ Blesses Bread in Remembrance of Him | 3 Nephi 18:1-7

Jesus breaks bread and blesses it and commands His disciples and the multitude to eat it in remembrance of His body. He instructs them to always do this.

Jesus Christ Blesses Wine in Remembrance of Him | 3 Nephi 18:8-11

Jesus blesses the wine and commands His disciples and the multitude to drink it in remembrance of His blood. He commands them to always remember Him so they may have His Spirit.

Binagbinaga kon ano ang pwede mo pa himuon para mas makapreparar sa pag-ambit sang mga simbolo sang Pagbayad-Sala sang Manluluwas kag tratuhon ini sang mas matinahuron ukon may katuyuan.

Pamensara ang pagkanta, pagpamati, ukon pagbasa sang himno sa sakramento kag pagsulat sang imo mga nabatyagan sa pagpartisipar sa sining sagrado nga ordinansa.

Maggamit sang musika. Ang sagrado nga musika nagaimbitar sang Espiritu para magpamatuod sa mga kamatuoran sang ebanghelyo. Mabuligan ka sini nga maintiendihan kag mabatyagan ining mga kamatuoran sa indi malimtan nga paagi. Ang musika nagabulig man nga mas magnami ang imo pagtuon.

Tan-awa man sa Doktrina kag mga Kasugtanan 20:77, 79; 59:9–13; “Pag-angkon kag Paghupot sang Kapatawaran sang mga Sala paagi sa mga Ordinansa,” sa David A. Bednar, “Dalayon nga Mahuptan ang Kapatawaran sang Inyo mga Sala,” Liahona, Mayo 2016, 60–62.

Always Retain a Remission of Your Sins

Elder Bednar teaches about how priesthood ordinances help us retain a remission of our sins.

Doktrina kag mga Kasugtanan 27:5–14

Ginahatagan sang Ginuo ang Iya mga alagad sang mga yabi sang priesthood para pangunahan ang Iya buluhaton.

Ano ang inyo nahibal-an parte sa mga propeta nga ginmitlang sa sining mga bersikulo? Pwede kamo magpangita sang impormasyon parte sa ila sa Giya sa Balaan nga mga Kasulatan. Ano nga mga bugay ang nabuksan para sa imo paagi sa mga yabi nga ginakaptan sining mga propeta?

Doktrina kag mga Kasugtanan 27:15–18

Ang taming sang Dios nagabulig sa akon nga pakigbatuan ang malain.

Si Pangulong M. Russell Ballard nagsiling: “Wala sang isa lang ka dako kag dalayawon nga butang nga sarang naton himuon para armasan ang aton kaugalingon sa espirituhanon. Ang matuod-tuod nga espirituhanon nga gahum ara sa madamo nga ginagmay nga mga binuhatan nga ginhabi sa tela sang espirituhanon nga pamakod nga nagaamlig kag nagasagang batok sa tanan nga malain” (“Be Strong in the Lord,” Ensign, Hulyo 2004, 8).

Samtang ginatun-an mo ang parte sa taming sang Dios sa Doktrina kag mga Kasugtanan 27:15–18, pwede ka maghimo sang tsart pareho sini. Ano ang imo ginahimo para isul-ob ang tagsa ka bahin sang hinganib sang Dios?

Bahin sang hinganib	Parte sang lawas nga ginaprotektahan	Ano ang mahimo ginarepresentar sinang parte sang lawas
Bahin sang hinganib Taming sang pagkamatarong	Parte sang lawas nga ginaprotektahan Tagipusuon	Ano ang mahimo ginarepresentar sinang parte sang lawas Ang akon mga handum kag mga balatyagon
Bahin sang hinganib Pandong sang kaluwasan	Parte sang lawas nga ginaprotektahan Ulo ukon kaisipan	Ano ang mahimo ginarepresentar sinang parte sang lawas
Bahin sang hinganib	Parte sang lawas nga ginaprotektahan	Ano ang mahimo ginarepresentar sinang parte sang lawas
Bahin sang hinganib	Parte sang lawas nga ginaprotektahan	Ano ang mahimo ginarepresentar sinang parte sang lawas

Tan-awa man sa Mga Taga-Efeso 6:11–18; Jorge F. Zeballos, “Pagtukod sang Kabuhi nga Makabato sa Kaaway,” Liahona, Nob. 2022, 50–52.

Doktrina kag mga Kasugtanan 28

Si Jesucristo nagapamuno sang Iya Simbahan paagi sa Iya buhi nga propeta.

Hunahunaa kon daw ano ayhan kon ang bisan sin-o pwede magbaton sang mga kasuguan kag rebelasyon para sa bilog nga Simbahan. Sang nagsiling si Hiram Page nga nakabaton sia sang amo sini nga rebelasyon, madamo nga miyembro sang Simbahan ang naglibog ang ulo. Sa Doktrina kag mga Kasugtanan 28, ginpahayag sang Ginuo ang paagi para sa rebelasyon sa Iya Simbahan. Ano ang imo matun-an sa sining seksyon parte sa partikular nga papel sang Pangulo sang Simbahan? Ano ang imo natun-an parte sa kon paano ka giyahan sang Dios?

Tan-awa man sa Dale G. Renlund, “Sadsaran sang Personal nga Rebelasyon,” Liahona, Nob. 2022, 16–19.

Doktrina kag mga Kasugtanan 28:8–9

Ngaa importante ang misyon sa mga Lamanhon?

Isa sa mga katuyuan sang Libro ni Mormon amo nga “agud mahibaloan sang mga Lamanhon ang parte sa ila mga amay, kag agud mahibaloan nila ang mga promisa sang Ginuo” (Doktrina kag mga Kasugtanan 3:20). Nagasanto ini sa mga promisa nga ginhimo sang Ginuo sa madamo nga mga propeta sa Libro ni Mormon (tan-awa, halimbawa sa, 1 Nefi 13:34–41; Enos 1:11–18; Helaman 15:12–13). Ginkabig sang mga miyembro sang Simbahan sang una ang mga Amerikano nga Indiyan nga mga kaliwat sang katawhan sa Libro ni Mormon. (Ang opisyal nga panindugan sang Simbahan karon amo nga ang mga Lamanhon “amo ang panguna nga mga katigulangan sang Amerikano nga mga Indiyan” [pauna sa Libro ni of Mormon].)

Ano ang ginatudlo sining misyon sa imo parte sa Ginuo kag sa Iya buluhaton?

Para sa dugang nga mga ideya, tan-awa sa mga isyu sang Liahona kag Para sa Kusog sang mga Lamharon nga mga magasin sini nga bulan

Mga Ideya para sa Pagtudlo sang mga Kabataan

Doktrina kag mga Kasugtanan 27:1–2

Ang sakramento nagabulig sa akon nga dumdumon si Jesucristo.

• Siguro nagapamangkot ang mga kabataan kon ngaa nagagamit kita sang tubig sa sakramento samtang si Jesus naggamit sang alak (tan-awa sa Lucas 22:19–20; 3 Nefi 18:1–11). Pwede ninyo basahon ang Doktrina kag mga Kasugtanan 27:1–2 sing ululupod kag hambalan kon ano ang buot silingon sang mag-ambit sang sakramento nga “may mata nga tampad sa himaya [sang Dios]” (bersikulo 2). Ano ang pwede naton himuon para magtutok kay Jesucristo samtang nagaambit kita sang sakramento?

• Siguro ang mga litrato, mga dinalan sa balaan nga kasulatan, ukon tinaga sang kanta parte sa Manluluwas makabulig sa imo kabataan nga dumdumon Sia samtang nagaambit sang sakramento. Basi masadyahan sila sa paghimo sang buklet nga may pila sining mga litrato, bersikulo, kag mga tinaga sang kanta. Pwede nila ini drowingon ukon magpangita sang mga litrato sa Abyan nga magasin.

Detalye halin sa The Last Supper [Ang Katapusan nga Panyapon], ni Simon Dewey

Doktrina kag mga Kasugtanan 27:15–18

Ang hinganib sang Dios nagaprotekta sa akon.

• Pwede ka magpakita sa imo kabataan sang litrato sang taming pareho sang ari sa sini nga outline ukon sa pahina sang kahiwatan sa outline nga para sa Mga Taga-Efeso sa Come, Follow Me—For Primary: New Testament 2023. Samtang ginabasa mo ang Doktrina kag mga Kasugtanan 27:15–18, buligi sila nga pangitaon ang mga bahin sang taming sa litrato. Paano nagabulig sa aton ang hinganib sang Dios nga “mabatas ninyo ang adlaw nga malain”? (bersikulo 15).

Doktrina kag mga Kasugtanan 28:2, 6–7

Ang propeta nagabaton sang rebelasyon para sa Simbahan; makabaton ako sang rebelasyon para sa akon kabuhi.

• Kon may pila ka ka kabataan, pwede mo sila hagaron nga maghampang sang “sunda ang lider,” pero pa-lidera ang duha ukon mas madamo pa nga kabataan sing dululungan. Ano ang matabo kon sobra sa isa ang lider? Paano gintadlong sang Amay nga Langitnon ang paglibog sang ulo sang nauna nga mga miyembro sang Simbahan? Paano Niya ginapangunahan ang Simbahan karon? (tan-awa sa Doktrina kag mga Kasugtanan 28:2). Ipakigbahin ang imo testimonya nga ang propeta sa karon gintawag sang Ginuo para pangunahan ang Iya Simbahan sa karon nga panahon.

  Chapter 14: The Prophet and Revelations for the Church: September 1830

• Bisan nga ang rebelasyon para sa Simbahan ihatag lang paagi sa propeta, tanan kita magiyahan sang Balaan nga Espiritu. Pwede mo buligan ang imo kabataan nga pangitaon ang masunod nga balaan nga mga kasulatan kag ilista ang mga paagi nga pwede kita giyahan sang Balaan nga Espiritu: Doktrina kag mga Kasugtanan 28:1, 4, 15; Juan 14:26; Moroni 8:26; 10:4–5. Iistorya sa isa kag isa kon paano kamo ginagiyahan sang Balaan nga Espiritu.

Para sa dugang nga mga ideya, tan-awa sa isyu sang Abyan nga magasin sini nga bulan.