24–30 nō Māti : « E mea ti’a roa ho’i i te mau mea ato’a ’ia rave-’āfaro-hia »

Te Ha’api’ira’a Tumu ʼe te mau Fafaura’a 27–28

E mea ’āpī ā te parau o te heheura’a nō te feiā mo’a, ’a tāmau noa ai te fa’aho’i-fa’ahou-ra’a mai i te tupu. ’Ua ’ite te mau melo mātāmua o te ’Ēkālesia ē, e nehenehe te peropheta Iosepha Semita e fāri’i i te heheura’a nō te ’Ēkālesia. E vetahi ïa e nehenehe ānei ? ’Ua riro mai te mau uira’a mai teie te huru ’ei mea faufa’a rahi i te taime ’a ti’aturi ai Hiram Page, te hō’ē o nā ’ite to’ova’u nō te pāpa’a parau ’auro, ’ua fāri’i ’oia i te mau heheura’a nō te ’Ēkālesia. ’Ua ti’aturi e rave rahi feiā mo’a ha’apa’o maita’i ē, nō ō mai teie mau heheura’a i te Atua. ’Ua pāhono mai te Fatu ma te ha’api’ira’a ē, i roto i tāna ’Ēkālesia « e mea ti’a roa ho’i i te mau mea ato’a ’ia rave-’āfaro-hia » (Te Ha’api’ira’a Tumu ’e te mau Fafaura’a 28:13). Tōna aura’a ra ’o te hō’ē ana’e ta’ata tei « mā’itihia ’ia fāri’i i te mau fa’auera’a ’e te mau heheura’a » nō te tā’āto’ara’a o te ’Ēkālesia (Te Ha’api’ira’a Tumu ’e te mau Fafaura’a 28:2). Teie rā, vetahi, e nehenehe rātou e fāri’i i te hō’ē heheura’a o te ta’ata iho nō tā rātou tuha’a i roto i te ’ohipa a te Fatu. ’Oia mau, tē fa’aha’amana’o mai nei te mau parau a te Fatu ia Oliver Cowdery ia tātou pā’āto’a : « E hōro’ahia atu ia ’oe […] te ’ohipa tā ’oe e rave » (Te Ha’api’ira’a Tumu ’e te mau Fafaura’a 28:15).

Mana’o nō te ’apo i te ha’api’ira’a i te ’utuāfare ’e i te fare purera’a

Te Ha’api’ira’a Tumu ’e te mau Fafaura’a 27:1–4

Tē rave nei au i te ’ōro’a mo’a ’ei ha’amana’ora’a ia Iesu Mesia.

’Ua bāpetizohia Sally Knight ’e Emma Smith i te ’āva’e Tiunu 1830, ’ua ha’ape’ape’ahia rā tō rāua ha’amaura’a e te hō’ē pupu ta’ata ’ī’ino. Piti ’āva’e i muri mai, ’ua haere atu Sally ’e tōna hoa fa’aipoipo, ’o Newel, e fārerei ia Emma ’e ia Iosepha, ’e ’ua fa’aotihia ē e ha’amauhia rāua i teienei ’e e rave te pupu i te ’ōro’a mo’a. ’A haere ai Iosepha e ti’i i te uaina nō te ’ōro’a mo’a, ’ua tāpe’ahia ’oia e te hō’ē melahi.

’A tai’o Te Ha’api’ira’a Tumu ’e te mau Fafaura’a 27:1–4 nō te ’ite mai e aha tā te melahi i ha’api’i iāna nō ni’a i te ’ōro’a mo’a. E aha tā teie mau ’īrava e parau nei nō ni’a e mea nāhea te Fa’aora e hina’aro ai ’ia ha’amana’o ’oe i te ’ōro’a mo’a ? I tō ’oe mana’o, e aha te aura’a ’ia rave i te reira « ma te mata rōtahi i [tōna] hanahana » ? ’A feruri i te reira—’e ’a mā’imi i te tahi atu mau mana’o nō ni’a i te ’ōro’a mo’a—’a tai’o ai ’oe te Luka 22:19–20 ’e te 3 Nephi 18:1–11.

The Last Supper

Meeting in an upper room with His disciples, Jesus washes their feet, institutes the sacrament, and commands them to love one another. John 13:1–35

Jesus Christ Blesses Bread in Remembrance of Him | 3 Nephi 18:1-7

Jesus breaks bread and blesses it and commands His disciples and the multitude to eat it in remembrance of His body. He instructs them to always do this.

Jesus Christ Blesses Wine in Remembrance of Him | 3 Nephi 18:8-11

Jesus blesses the wine and commands His disciples and the multitude to drink it in remembrance of His blood. He commands them to always remember Him so they may have His Spirit.

Nō te ha’api’i mai nō ni’a te fa’arirora’a i te ’ōro’a mo’a ’ei ’itera’a nō te ha’amorira’a, ’a feruri i te ’imi-maita’i-ra’a i te parau poro’i a Elder D. Todd Christofferson « Te pane ora tei pou mai nā te ra’i mai » (Liahona, Novema 2017, 36–39). E aha tā Elder Christofferson i ha’api’i ’o tē nehenehe e tauturu ia ’oe ’ia putapū i te hō’ē tū’atira’a rahi a’e ’e te Fa’aora nā roto i te ’ōro’a mo’a ? ’A feruri e aha tā ’oe e nehenehe e rave nō te fa’aineine maita’i a’e nō te rave i te mau tāpa’o o te tāra’ehara a te Fa’aora ’e ’ia rave i te reira ma te fa’atura ’aore rā ma te aura’a mau.

’A feruri e hīmene, e fa’aro’o, ’aore rā, e tai’o i te hō’ē hīmene nō te ’ōro’a mo’a, mai te « I tō tātou ravera’a i nā tāpa’o » (Te mau hīmene, N°92) ’e ’a pāpa’i i tō ’oe mau nino’a mana’o nō ni’a i te ’āmuira’a atu i roto i teie ’ōro’a mo’a.

Fa’a’ohipa i te pehe E tītau manihini te pehe mo’a i te Vārua nō te fa’a’ite pāpū i te mau parau mau o te ’evanelia. E nehenehe te reira e tauturu ia ’oe ’ia māramarama ’e ’ia putapū i teie mau parau mau ma te hanahana. E tauturu ato’a te pehe ’ia fa’ariro i te ha’api’ira’a ’ei mea tītau a’e.

Hi’o ato’a Te Ha’api’ira’a Tumu ’e te mau Fafaura’a 20:77, 79 ; 59:9–13 ; « Te noa’ara’a ’e te vai-matara-ra’a te mau hara nā roto i te mau ’ōro’a », David A. Bednar, « ’Ia vai matara noa tā ’outou mau hara », Liahona, Mē 2016, 60–62.

’Ia vai matara noa tā ’outou mau hara

Elder Bednar teaches about how priesthood ordinances help us retain a remission of our sins.

Te Ha’api’ira’a Tumu ’e te mau Fafaura’a 27:5–14

E hōro’a te Fatu i tāna mau tāvini i te mau tāviri o te autahu’ara’a nō te arata’i i tāna ’ohipa.

E aha tā ’oe i ’ite nō ni’a i te mau peropheta tei fa’ahitihia i roto i teie mau ’īrava ? E nehenehe ’oe e mā’imi i te mau ha’amāramaramara’a nō ni’a ia rātou i roto te Arata’i nō te mau pāpa’ira’a mo’a. E aha te mau ha’amaita’ira’a tei matara mai nō ’outou, nā roto mai teie mau tāviri tei mauhia e teie mau peropheta ?

Te Ha’api’ira’a Tumu ’e te mau Fafaura’a 27:15–18

E tauturu te ha’ana tama’i a te Atua iā’u ’ia pāto’i i te ’ino.

’Ua parau te peresideni M. Russell Ballard : « ’Aita hō’ē ana’e ’ohipa rahi ’o tā ’outou e nehenehe e rave nō te ha’ana ia tātou i te pae vārua. Tei roto te mana pae vārua mau i te mau ha’ara’a na’ina’i tei rara’a-’āmui-hia i roto i te hō’ē ’ahu o te pūai pae vārua e pāruru nei i mua i te mau ’ino ato’a » (« Be Strong in the Lord », Ensign,, Tiurai 2004, 8).

’A ha’api’i mai ai ’oe nō ni’a i te ha’ana tama’i a te Atua i roto Te Ha’api’ira’a Tumu ’e te mau Fafaura’a 27:15–18, e nehenehe ’oe e hāmani i te hō’ē tāpura mai teie. E aha tā ’oe e rave nei nō te ’ō’omo mai i te mau tuha’a tāta’itahi o te ha’ana tama’i a te Atua ?

Tuha’a ha’ana tama’i	Tuha’a o te tino e pāruruhia	Te mea tā teie tuha’a o te tino e nehenehe e fa’ahōho’a
Tuha’a ha’ana tama’i Te pāruru ’ōuma nō te parauti’a	Tuha’a o te tino e pāruruhia Te māfatu	Te mea tā teie tuha’a o te tino e nehenehe e fa’ahōho’a Tō’u mau hina’aro ’e te aumanava
Tuha’a ha’ana tama’i Te tāupo’o pāruru o te ora	Tuha’a o te tino e pāruruhia Te upo’o ’aore rā te ferurira’a	Te mea tā teie tuha’a o te tino e nehenehe e fa’ahōho’a
Tuha’a ha’ana tama’i	Tuha’a o te tino e pāruruhia	Te mea tā teie tuha’a o te tino e nehenehe e fa’ahōho’a
Tuha’a ha’ana tama’i	Tuha’a o te tino e pāruruhia	Te mea tā teie tuha’a o te tino e nehenehe e fa’ahōho’a

Hi’o ato’a Ephesia 6:11–18 ; Jorge F. Zeballos, « Patura’a i te hō’ē orara’a e ’aroti’a i te ’ati », Liahona, Novema 2022, 50–52.

Te Ha’api’ira’a Tumu ’e te mau Fafaura’a 28

Tē arata’i nei Iesu Mesia i tāna ’Ēkālesia nā roto i tāna peropheta ora.

E feruri na e aha te huru ’ahiri e ti’a i te ta’ata ato’a e fāri’i i te mau fa’auera’a ’e te heheura’a nō te ’Ēkālesia tā’āto’a. I te paraura’a Hiram Page ē ’ua fāri’i ’oia i teie huru heheura’a, e rave rahi melo o te ’Ēkālesia tei ta’a ’ore. I roto Te Ha’api’ira’a Tumu ’e te mau Fafaura’a 28, ’ua heheu mai te Fatu i te hō’ē fa’anahora’a nō te heheura’a i roto i tāna ’Ēkālesia. E aha tā ’oe i ’apo mai nā roto mai i teie tuha’a nō ni’a i te ti’ara’a ta’a ’ē o te peresideni o te ’Ēkālesia ? E aha tā ’oe i ’apo mai nō ni’a i te huru te Atua e arata’i ai ia ’oe ?

Hi’o ato’a Dale G. Renlund « E pu’e ture nō te heheura’a ta’ata hō’ē », Liahona, Novema 2022, 16–19).

Te Ha’api’ira’a Tumu ’e te mau Fafaura’a 28:8–9

Nō te aha e mea faufa’a te misiōni i rotopū i te mau ’āti Lamana ?

Hō’ē fā o te Buka a Moromona, ’oia ho’i, « ’ia noa’a i te mau ’āti Lamana te ’ite nō ni’a i tō rātou ra mau metua, ’e ’ia ’ite ho’i rātou i te mau fafaura’a a te Fatu » (Te Ha’api’ira’a Tumu ’e te mau Fafaura’a 3:20). ’Ua tū’ati te reira i te mau fafaura’a ’o tā te Fatu i rave i te rahira’a mau peropheta nō te Buka a Moromona (hi’o, ’ei hi’ora’a, 1 Nephi 13:34–41 ; Enosa 1:11–18 ; Helamana 15:12–13). ’Ua mana’o te mau melo mātāmua o te ’Ēkālesia i te mau Initia nō Amerika ’ei hua’ai nō te nūna’a o te Buka a Moromona. (Te ti’ara’a mana o te ’Ēkālesia i teie mahana, ’oia ho’i te mau ’āti Lamana ’o « te tahi o te mau tupuna nō te mau Initia nō Amerika » [’Ōmuara’a o te Buka a Moromona].)

Nō te tai’o hau atu nō ni’a te misiōni a Oliver Cowdery i pīha’i iho i te mau Initia nō Amerika tāpiri mai, ’a hi’o, « A Mission to the Lamanites », Revelations in Context [Mau heheura’a i roto i te heitupura’a], 45–49. E aha tā teie misiōni e ha’api’i nei ia ’oe nō ni’a i te Fatu ’e tāna ’ohipa ?

Nō te tahi atu mau mana’o, ’a hi’o te mau ve’a Liahona ’e Nō te pūai o te feiā ’āpī nō teie ’āva’e.

Mana’o nō te ha’api’i i te tamari’i

Te Ha’api’ira’a Tumu ’e te mau Fafaura’a 27:1–2

E tauturu te ’ōro’a mo’a iā’u ’ia ha’amana’o ia Iesu Mesia.

• E uiui paha te mau tamari’i ē, nō te aha tātou e fa’a’ohipa ai i te pape nō te ’ōro’a mo’a, ’ua fa’a’ohipa ho’i Iesu i te uaina (hi’o Luka 22:19–20 ; 3 Nephi 18:1–11). E nehenehe ’outou e tai’o ’āmui Te Ha’api’ira’a Tumu ’e te mau Fafaura’a 27:1–2 ’e ’ia ’āparau e aha te aura’a ’ia rave i te ’ōro’a mo’a « ma te mata rōtahi i te hanahana [o te Atua] » (’īrava 2). E aha tā tātou e nehenehe e rave nō te rōtahi tō tātou mana’o i ni’a i te Fa’aora ’a rave ai tātou i te ’ōro’a mo’a ?

• Penei a’e e nehenehe te mau hōho’a, te mau ’īrava pāpa’ira’a mo’a, ’aore rā, te mau parau o te hīmene nō ni’a i te Fa’aora e tauturu i tā ’outou mau tamari’i ’ia ha’amana’o iāna ’ia rave ana’e rātou i te ’ōro’a mo’a. E au paha rātou e hāmani i te hō’ē buka iti ’e te tahi o teie mau hōho’a, mau ’īrava ’e mau parau o te hīmene. E nehenehe rātou e pāpa’i i tā rātou iho mau hōho’a ’aore rā e ’ite mai i te tahi i roto i te ve’a Hoa.

Fa’ata’ara’a maita’i nō roto mai The Last Supper [Te tāmā’ara’a hope’a], nā Simon Dewey

Te Ha’api’ira’a Tumu ’e te mau Fafaura’a 27:15–18

E pāruru te ha’ana tama’i a te Atua iā’u.

• E nehenehe ’outou e fa’a’ite i tā ’outou mau tamari’i i te hō’ē hōho’a nō te ha’ana tama’i mai tera i roto i teie arata’i ha’api’ira’a ’aore rā, i ni’a i te ’api fa’a’ana’anataera’a i roto te arata’i nō Ephesia i roto te Mai, pe’e mai—nō te Paraimere : Faufa’a ’Āpī 2023. ’A tai’o ai ’outou Te Ha’api’ira’a Tumu ʼe te mau Fafaura’a 27:15–18, ’a tauturu ia rātou ’ia ’ite mai i te mau tuha’a o te ha’ana tāma’i i roto te hōho’a. Nāhea te ha’ana tama’i a te Atua i te tauturu ia tātou ’ia « pāto’i atu i te mahana ’ino » ? (’īrava 15).

Te Ha’api’ira’a Tumu ’e te mau Fafaura’a 28:2, 6–7

E fāri’i te peropheta i te heheura’a nō te ’Ēkālesia ; e nehenehe au e fāri’i i te heheura’a nō tō’u iho orara’a.

• Mai te mea e mea rahi tā ’outou tamari’i, e nehenehe ’outou e ani ia rātou ’ia ha’uti « ’ia pe’e i te ta’ata arata’i », e ani rā e piti ’aore rā hau atu mau tamari’i ’ia riro ’ei ta’ata arata’i i te hō’ē ā taime. E aha tē tupu mai ’ia hau atu i te hō’ē noa ta’ata arata’i ? I muri iho e nehenehe ’outou e ha’api’i mai nō ni’a ia Hiram Page (hi’o « Pene 14 : Te peropheta ’e te mau heheura’a nō te ’Ēkālesia », i roto Te mau ’ā’amu nō roto mai i Te Ha’api’ira’a Tumu ’e te mau Fafaura’a, 56–57. Nāhea tō te Metua i te ao ra fa’atītī’aifarora’a i te ta’a-’ore-ra’a o te mau melo mātāmua o te ’Ēkālesia ? Nāhea ’oia i te arata’i i te ’Ēkālesia i teie mahana ? (hi’o Te Ha’api’ira’a Tumu ’e te mau Fafaura’a 28:2). ’A fa’a’ite i tō ’outou ’itera’a pāpū ē, ’ua pi’ihia te peropheta i teie mahana e te Fatu ’ia arata’i i tāna ’Ēkālesia i tō tātou nei ’anotau.

  Chapter 14: The Prophet and Revelations for the Church: September 1830

• Noa atu ē, e hōro’a-noa-hia mai te heheura’a nō te ’Ēkālesia nā roto mai i te peropheta, e nehenehe tātou pā’āto’a e arata’ihia e te Vārua Maita’i. E nehenehe ’outou e tauturu i tā ’outou mau tamari’i ’ia ’imi mai te tahi o teie mau pāpa’ira’a mo’a i muri nei, ’e ’ia hāmani i te hō’ē tāpura nō te mau rāve’a e nehenehe ai te Vārua Maita’i e arata’i ia tātou : Te Ha’api’ira’a Tumu ʼe te mau Fafaura’a 28:1, 4, 15 ; Ioane 14:26 ; Moroni 8:26 ; 10:4–5. ’Ia fa’a’ite mai te tahi ’e te tahi nāhea ’outou i te arata’ira’ahia e te Vārua Maita’i.

Nō te tahi atu mau mana’o, ’a hi’o i te ve’a Hoa nō teie ’āva’e.