Nauvoo the Beautiful [Nāvu te nehenehe], nā Larry C Winborg. Fatura’a paruruhia 2023

27 nō ’Ātopa–2 nō Novema : « Hō’ē fare i tō’u nei i’oa »

Te Ha’api’ira’a Tumu ’e te mau Fafaura’a 124

Noa atu e mea fifi nā matahiti e ono i ma’iri nō te feiā mo’a, ’ua ha’amata te mau mea i te huru maita’i mai i te tau fa’atupura’a rā’au nō te matahiti 1839 : ’Ua ’ite te feiā mo’a tītīhoria i te aroha i rotopū i te mau ta’ata nō te ’oire nō Quincy, Illinois. ’Ua vaiiho te mau tīa’i i te peropheta Iosepha Semita ’e te tahi atu feiā fa’atere o te ’Ēkālesia ’ia ’ape i te fa’atītīra’a i Missouri. ’E nō ho’o noa mai ra te ’Ēkālesia i te hō’ē fenua i Illinois i reira te feiā mo’a e nehenehe ai e putuputu fa’ahou. ’Oia mau, e fenua vari paruparu, tei ’ī i te naonao, ’ia fa’aāuhia rā i te mau fifi ’o tā te feiā mo’a i fa’aruru a’e na, e nehenehe e fa’a’oroma’i i te reira. Nō reira, ’ua fa’a’ī rātou i te vāhi vari ’e ’ua pāpa’i rātou i te hō’ē ture tumu nō te hō’ē ’oire āpī, tā rātou i pi’i o Nāvu. Te aura’a ra, « nehenehe » i roto i te reo Hebera, noa atu ē i te ha’amatara’a, e fa’a’itera’a te reira nō te fa’aro’o hau atu i te hō’ē tātarara’a pāpū. I taua taime ra, ’ua fa’auru te Fatu i tāna peropheta, i te hō’ē ferurira’a rū. ’Ua rahi atu ā tāna mau parau mau ’e mau ’ōro’a nō te fa’aho’i fa’ahou mai, ’e ’ua hina’aro ’oia i te hō’ē hiero mo’a i reira ’oia e « fa’akorona [ai i tōna feiā mo’a] i te tura, te tāhuti ’ore, ’e te ora mure ’ore » (Te Ha’api’ira’a Tumu ’e te mau Fafaura’a 124:55). I roto i te mau rāve’a e rave rahi, tē ’ite-pāpū-hia ra teie mau mana’o nō te fa’aro’o ’e te mana’o rū i roto i te ’ohipa a te Fatu i teie mahana.

’A hi’o i te Feiā Mo’a, 1:399–427 ; « Te Fa’ati’ara’a i te ’Ēkālesia i Nāvu », Revelations in Context, 264 – 71.

Ha’api’i rahi atu nō ni’a i te mau vāhi nō te ’ā’amu o te ’Ēkālesia i Illinois.

Mana’o nō te ’apo i te ha’api’ira’a i te ’utuāfare ’e i te fare purera’a

Te Ha’api’ira’a Tumu ’e te mau Fafaura’a 124:2–11

E nehenehe au e tītau manihini ia vetahi ’ē ’ia haere mai i te Mesia.

’Ua parau te Fatu i te peropheta Iosepha Semita ’ia « poro pāpū atu i [tāna] ’evanelia » i « te mau ari’i nō te fenua nei » (hi’o Te Ha’api’ira’a Tumu ’e te mau Fafaura’a 124:2–11). ’Āhani ’ua fāri’i ’outou i teie ’ohipa, e aha tā tā ’outou poro’i e parau nō ni’a ia Iesu Mesia ’e tāna ’evanelia tei fa’aho’i-fa’ahou-hia mai ? ’A feruri ato’a nāhea ’outou i te fa’a’ite i tō ’outou ’itera’a pāpū ’ia au i te terera’a mau ’e ma te ’ōhie i te mau ta’ata tā ’outou e fārerei nei i te mau mahana ato’a.

Hi’o ato’a « Te Fa’aho’i-fa’ahou-ra’a mai o te ’īra’a o te ’evanelia a Iesu Mesia : E poro’i i tō te ao nei nō te piti-hānere-ra’a o te matahiti », Vaira’a buka ’evanelia.

Te Ha’api’ira’a Tumu ’e te mau Fafaura’a 124:12–21

E nehenehe au e riro ’ei hō’ē pipi ’o tā te Fatu e ti’aturi.

’A feruri i te fa’a’ite ia vetahi ’ē, mai tā te Fa’aora i rave i roto i Te Ha’api’ira’a Tumu ’e te mau Fafaura’a 124:12–21, i te mau huru o te Mesia tā ’outou e ’ite ra i roto ia rātou. Nāhea ’oia i te fa’a’itera’a ia ’outou i tōna here e tōna ti’aturi ?

Hi’o ato’a Richard J. Maynes, « Te noa’ara’a te ti’aturi o te Fatu ’e o tō ’outou ’utuāfare », Liahona, Novema 2017, 75–77.

Te Ha’api’ira’a Tumu ’e te mau Fafaura’a 124:22–24, 60-61

Tē hina’aro nei te Fatu iā’u ’ia fāri’i pōpou ’e ’ia fāri’i ia vētahi ’ē.

’A feruri ai ’outou i te arata’ira’a a te Fatu i roto i Te Ha’api’ira’a Tumu ’e te mau Fafaura’a 124:22–24, 60–61, a feruri nāhea ’outou i te fa’ariro i tō ’outou fare e tā ’outou pāroita ’ei vāhi mai tā te Fatu i hi’o nō Nāvu.

A hi’o ato’a te « Hō’ē hoa nō te tā’āto’a », (video), ChurchofJesusChrist.org.

A Friend to All

Elder Ulisses Soares talks of the need for kindness and acceptance.

Tuha’a nō te Joseph Smith at the Nauvoo Temple [Iosepha Semita i te hiero nō Nāvu], nā Gary E. Smith

Te Ha’api’ira’a Tumu ’e te mau Fafaura’a 124:25-45, 55

E patu tātou i te mau hiero i te Fatu nō te fāri’i i te mau ’ōro’a mo’a.

I tō ’outou mana’o, nō te aha te Fatu i « [fa’aue] i te mau tau ato’a » i tōna mau ta’ata ’ia « patu [i te mau hiero] i [tōna ra] i’oa mo’a » ? ’A feruri i te hāmani i te hō’ē tāpura nō te mau tumu tā ’oe e ’ite mai i roto i Te Ha’api’ira’a Tumu ’e te mau Fafaura’a 124:25–45, 55. E nehenehe tā ’outou e ’imi i te tahi atu mau tumu i roto i te hō’ē hīmene mai teie « We Love Thy House, O God » (Hymns, N°247) ’aore rā, te video « E aha te hō’ē hiero ? » (Vaira’a buka ’evanelia). Nāhea te ’ohipa patura’a i te mau hiero e riro ai ’ei tāpa’o nō te here o te Fatu nō ’outou ?

What Is a Temple?

The difference between chapels, where Latter-day Saints meet for regular Sunday worship, and temples is also explained.

Mai te taime ’a patuhia ai te hiero nō Nāvu i te area matahiti 1840, ’ua hau i te 300 hiero tei patuhia ’aore rā tei fa’aarahia. ’Ua ha’api’i te peresideni Russell M. Nelson : « ’Ua ’ite tātou ē, e mea faufa’a rahi roa tō tātou taime i roto i te hiero nō tō tātou fa’aorara’a ’e tō tātou fa’ateiteira’a, nā reira ato’a nō tō tātou ’utuāfare […] Tē ’ū’ana noa mai ra te ’arora’a a te ’enemi, tō te reira pūai ’e te huru rau. ’Aita tō tātou hina’aro ’ia haere tāmau i te hiero i rahi a’e nei mai teie nei tau » (« Riro ’ei feiā mo’a hi’ora’a maita’i », Liahona, Novema 2018, 114). Nāhea te hiero i te tauturura’a ia ’outou ’ia pāto’i i « te ’arora’a a te ’enemi » ? E aha te mea e tūra’ihia ra ’outou ’ia rave nō te pe’e i te parau a’o a te peresideni Nelson ?

Hi’o ato’a « Nō te aha te feiā mo’a i te mau mahana hope’a nei e patu ai i te hiero », temples.ChurchofJesusChrist.org.

Te Ha’api’ira’a Tumu ’e te mau Fafaura’a 124:45–55

E ha’amaita’i te Fatu i te feiā e tūtava ’ia ha’apa’o i tāna mau fa’auera’a.

’Ua fa’auehia i te feiā mo’a ’ia patu i te hō’ē hiero i te mata’eina’a nō Jackson, i Missouri, terā rā, « ’ua tāfifihia ho’i e tō rātou mau ’enemi » (Te Ha’api’ira’a Tumu ’e te mau Fafaura’a 124:51). I roto i te mau’īrava 49–55 tē vai ra te hō’ē parau poro’i tāmāhanahana nō te mau ta’ata e hina’aro e ha’apa’o i te mau fa’auera’a a te Atua terā rā, ’ua fa’ataupupuhia rātou ’ia nā reira, nō te ’utuāfare ānei ’aore rā, nō te tahi atu mau huru fifi. E aha te parau a’o e ’itehia ia ’outou i roto i teie mau ’īrava, ’o tē nehenehe e tauturu i te hō’ē ta’ata i roto i taua huru fifi ra ?

Te Ha’api’ira’a Tumu ’e te mau Fafaura’a 124:91–92

E nehenehe te Fatu e arata’i iā’u nā roto i tō’u ha’amaita’ira’a pātereāreha.

I muri noa a’e i te pohera’a te metua tane o te peropheta, o Iosepha Semita, metua, ’ua pi’i te Fatu ia Hairamu Semita i ni’a i te pi’ira’a tā tōna metua tane i mau—te patereareha o te ’Ēkālesia. E nehenehe ’outou e tai’o i te reira i roto i Te Ha’api’ira’a Tumu ’e te mau Fafaura’a 124:91–92.

Nō te ha’api’i rahi atu ā nō ni’a i te ā’amu o te mau pātereāreha ’e te mau ha’amaita’ira’a pātereāreha, ’a pata i’ō nei.

Nāhea ’outou i te fa’ata’a i te hō’ē ha’amaita’ira’a pātereāreha i te hō’ē ta’ata tei ’ore ā i fa’aro’o a’enei i te reira ? E aha tā ’outou e parau nō te fa’aitoito i te hō’ē ta’ata ’ia fāri’i i te hō’ē ? ’A imi i te mau pāhonora’a i teie mau uira’a i roto i te a’ora’a a Elder Randall K. Bennett « Tō ’outou ha’amaita’ira’a patereāreha—E arata’ira’a fa’auruhia nō ’ō mai i te Metua i te ao ra » (Liahona, Mē 2023, 42–43) ’aore rā Topics and Questions, « Mau ha’amaita’ira’a pātereāreha » (vaira’a buka ’evanelia).

’Ia au i te mea tā ’outou i tuatāpapa ’e i ’ite, ’a feruri nāhea ’outou i te fa’ahope i teie pereota : « E au te ha’amaita’ira’a pātereāreha mai te  ». Nō te aha te Metua i te ao ra e hina’aro ai ’ia fāri’i tāna mau tamari’i i te hō’ē ha’amaita’ira’a pātereāreha ?

Mai te mea ē, ’aita ’outou i fāri’i i te hō’ē ha’amaita’ira’a pātereāreha, e aha tā ’outou e nehenehe e rave nō te fa’aineine nō te fāri’i i te hō’ē ? Mai te mea ’ua fāri’i ’outou i te hō’ē ha’amaita’ira’a pātereāreha, nāhea ’outou e fa’a’ite ai i te Atua ē tē poihere nei ’outou i teie hōro’a ?

Hi’o ato’a Kazuhiko Yamashita, « Te taime e fāri’i ai i tō ’outou ha’amaita’ira’a patereareha », Liahona, Mē 2023, 88–90 ; Buka arata’i rahi, 18.17, Vaira’a buka ’evanelia.

Ha’api’i mai roto mai i te ’ā’au. E aura’a rahi a’e tō te ha’api’ira’a mai te mea ē, tei roto te mau ohipa i tupu nō te ta’ata iho e te itera’a pāpū. ’Ei hi’ora’a, mai te mea ’ua fāri’i ’outou i te hō’ē ha’amaita’ira’a pātereāreha, ’a hi’o fa’ahou i te reira ’a fa’aineine ai ’outou nō te ha’api’i nō ni’a i teie mau ha’amaita’ira’a ta’a ’ē. Nō te aha ’outou i māuruuru ai nō tō ’outou ha’amaita’ira’a pātereāreha ? Nāhea ’outou ’ia fa’auru ia vetahi ’ē ’ia fa’aineine nō te fāri’i i tō rātou, ’aore rā ’ia tuatāpapa pinepine atu ā i te mau ha’amaita’ira’a pātereāreha ?

Mana’o nō te ha’api’i i te tamari’i

Te Ha’api’ira’a Tumu ’e te mau Fafaura’a 124:15, 20

’Ua here Iesu Mesia i te parau ti’a.

• Nō te tauturu i tā ’outou mau tamari’i ’ia ha’amana’o i te mea tā rātou i ha’api’i mai i roto i Te Ha’api’ira’a Tumu ’e te mau Fafaura’a 124:15, 20, e nehenehe ’outou e tauturu ia rātou ’ia pāpa’i hōho’a ’e ’ia tāpūpū i te mau māfatu pāpie. I ni’a i te māfatu, e nehenehe ’outou e tauturu ia rātou ’ia pāpa’i i te mau pereota faufa’a nō roto mai i teie mau ’īrava. E nehenehe te hō’ē hīmene mai te « Défendre le bien » (Chants pour les enfants, 81) e tauturu ’ia ha’apāpū i te mau parau a te Fatu.

• I muri iho i te tai’o-’āmui-ra’a i Te Ha’api’ira’a Tumu ’e te mau Fafaura’a 124:15, 20, pēnei a’e e nehenehe ’outou e tauturu i tā ’outou mau tamari’i ’ia ’imi e aha te aura’a ’ia ora ma te parau-ti’a i ni’a i te ’api 31 o te Nō te pūai o te feiā ’āpī : E arata’i nō te rave i te mau mā’itira’a. E aha tā te Fatu i parau ta’a ē nō ni’a ia George Miller i roto i te ’īrava 20 « nō te parauti’a o [te ’ā’au o George] » ? E nehenehe ato’a ’outou e fa’a’ite i te mau hi’ora’a nō te mau tamari’i e fa’a’ite ra i te parau ti’a nā roto mai i tō ’outou iho ’itera’a ’aore rā nā roto mai i te ve’a Hoa . E ani i tā ’outou mau tamari’i ’ia ha’amau i te hō’ē fā nō te fa’a’ite i te parau-ti’a i teie hepetoma ’e ’ia parau mai ia ’outou e aha tō rātou mana’o ’ia rave ana’e rātou.

Te Ha’api’ira’a Tumu ’e te mau Fafaura’a 124:28–29, 39

’Ua fa’aue Iesu i tōna mau ta’ata ’ia patu i te mau hiero.

• E au paha tā ’outou mau tamari’i ’ia hi’o i te mau hōho’a o te mau hiero, ’e tae noa atu i te hō’ē hiero tahito ’e te hō’ē hiero fātata i te vāhi tā rātou e noho ra (hi’o ChurchofJesusChrist.org/temples/list). E nehenehe ’outou e fa’a’ohipa i teie mau hōho’a ’e Te Ha’api’ira’a Tumu ’e te mau Fafaura’a 124:39 nō te fa’ata’a ē, ’ua fa’aue tāmau noa Iesu Mesia i tōna mau ta’ata ’ia patu i te mau hiero—i tahito ra ’e i tō tātou nei ’anotau (hi’o ato’a i te ’api fa’a’ana’anataera’a nō teie hepetoma).

• Mai te mea e mea fātata tō ’outou fa’aeara’a i te hō’ē hiero, e nehenehe ’outou e ’āfa’i i tā ’outou mau tamari’i i reira ’e ’ia orihaere nā roto i te ’āua hiero ma te tura. E ani ia rātou ’ia ’imi i te mau ta’o « Ha’amo’ahia i te Fatu—Te Fare o te Fatu » i rāpae i te hiero. ’A parau i tā ’outou mau tamari’i i te aura’a o teie mau ta’o.

• ’A feruri i te fa’a’ohipa i te mau mana’o i roto i « Te bāpetizora’a ’e te ha’amaura’a nō te mau tupuna » i roto i te parau hi’u A nō te tauturu i tā ’outou mau tamari’i ’ia hi’o i te mahana e nehenehe ai rātou e tomo i roto i te hiero (hi’o ato’a « Te hiero ’e te fa’anahora’a nō te ’oa’oa » i roto i te parau hi’u B).

Solomon’s Temple [Te Hiero ’o Solomona], nā Sam Lawlor

Te Ha’api’ira’a Tumu ’e te mau Fafaura’a 124:91–92

E ha’amaita’i te Fatu iā’u nā roto i te hō’ē ha’amaita’ira’a pātereāreha.

• ’A tai’o āmui ai ’outou i Te Ha’api’ira’a Tumu ’e te mau Fafaura’a 124:91–92, ’a tauturu i tā ’outou mau tamari’i ’ia ’imi e aha tā te Fatu i pi’i ia Hairamu Semita ’ia rave. ’A paraparau nō ni’a e aha te hō’ē ha’amaita’ira’a pātereāreha : hō’ē ha’amaita’ira’a ta’a ē i reira te Fatu e ha’api’i ai ia tātou nō ni’a ia tātou iho ’e i te mea tāna e hina’aro ia tātou ’ia rave e ’ia riro mai. ’A feruri i te fa’a’ohipa i te tuha’a « Fāri’ira’a i te hō’ē ha’amaita’ira’a pātereāreha » i roto i te parau hi’u A nō te tauturu i tā ’outou mau tamari’i ’ia fa’aineine nō te fāri’i i te hō’ē ha’amaita’ira’a pātereāreha.

Nō te tahi atu ā mau mana’o, ’a hi’o i te ve’a Hoa nō teie ’āva’e.

The Nauvoo Temple [Te hiero nō Nāvu], nā George D. Durrant