Bilanggoan sa Carthage

Nobiyembre 24–30: Siya “Nakaselyo sa Iyang Misyon ug sa Iyang mga Buhat sa Iyang Kaugalingon nga Dugo”

Doktrina ug mga Pakigsaad 135–136

Sa hapon sa Hunyo 27, 1844, nakita si Joseph ug Hyrum Smith nga nabilanggo na usab, giubanan ni John Taylor ug Willard Richards. Sila nagtuo nga sila walay sala sa bisan unsa nga krimen, apan sila miuyon nga dakpon, naglaom nga mahimong luwas ang mga Santos sa Nauvoo. Kini dili ang unang higayon nga ang mga kaaway sa Simbahan nagpabilanggo ni Propeta Joseph, apan niini nga panahon siya ingon og nakahibalo nga siya dili makapauli nga buhi. Siya ug ang iyang mga higala naninguha sa paghupay sa usag usa pinaagi sa pagbasa gikan sa Basahon ni Mormon ug nag-awit og mga himno. Mga buto sa pusil nadungog, ug sulod sa pipila ka mga minuto ang mortal nga mga kinabuhi ni Joseph Smith ug iyang igsoon nga si Hyrum natapos.

Ug gani kini dili ang kataposan sa balaang kawsa nga ilang gidawat. Ug kini dili ang kataposan sa Pagpahiuli sa ebanghelyo ni Jesukristo. Aduna pay daghang buhat nga pagahimoon ug dugang pa nga pagpadayag nga mogiya sa Simbahan nga magpadayon. Ang kataposan sa kinabuhi sa Propeta dili ang kataposan sa buhat sa Dios.

Tan-awa sa Mga Santos, 1:592–93.

Mga Ideya alang sa Pagkat-on diha sa Panimalay ug sa Simbahan

Doktrina ug mga Pakigsaad 135; 136:37–39

Giselyohan ni Joseph ug Hyrum Smith ang ilang mga pagpamatuod sa ilang dugo.

Hunahunaa unsa kaha ang imong bation kon ikaw nagpuyo pa sa Nauvoo sa dihang si Joseph ug Hyrum Smith gipatay (tan-awa sa Mga Santos, 1:629–30). Unsaon kaha nimo pagsulay sa pagpangita og kahulogan kabahin niining makalilisang nga hitabo? Doktrina ug mga Pakigsaad 135, gimantala paglabay sa tulo ka bulan, tingali nakatabang. Samtang ikaw magsiksik niini nga seksiyon, ikonsiderar unsa ang nakahatag nimo og pagsabot ug kaseguroan. Unsa ang imong isulti ngadto sa usa ka tawo kinsa mangutana, “Ngano nga mitugot ang Dios nga patyon ang Iyang Propeta?” (tan-awa sa Doktrina ug mga Pakigsaad 136:37–39).

Mahimo usab nga imong siksikon ang seksiyon 135 alang sa mga pulong o hugpong sa mga pulong nga nakapadasig nimo nga magmatinud-anon ngadto ni Kristo hangtod sa kataposan, sama ni Joseph ug Hyrum kaniadto.

Tan-awa usab sa Doktrina ug mga Pakigsaad 5:21–22; “Remembering the Martyrdom,” sa Revelations in Context, 299–306; Mga Pagtulun-an sa mga Presidente sa Simbahan: Joseph Smith (2011), 630–31, 630–41; “Pagpamatuod sa Basahon ni Mormon” (bidyo), Librarya sa Ebanghelyo.

Testimony of the Book of Mormon

A modern-day Apostle describes the unwavering faith the Church's founders showed, even in the face of death, to remain true to their testimonies of the Book of Mormon.

Doktrina ug mga Pakigsaad 135:3

Si Joseph Smith usa ka propeta ug saksi ni Jesukristo.

Doktrina ug mga Pakigsaad 135:3 naghingalan sa pipila ka dagkong mga butang nga natuman ni Joseph Smith “sa mubo nga panahon nga baynte ka tuig.” Sa unsa nga paagi kini nga mga butang nakaapekto kanimo ug sa imong relasyon ngadto sa Langitnong Amahan ug ni Jesukristo? Ikonsiderar unsaon nimo sa pagkompleto ang kapahayag sama niini: Tungod sa unsay gihimo sa Ginoo pinaagi ni Joseph Smith, ako … Ikaw mahimo usab nga irekord ug ipakigbahin ang imong pagpamatuod ni Propeta Joseph Smith ngadto sa uban.

Laing paagi nga makat-on mahitungod sa misyon ni Joseph Smith mao ang pagsulay sa pagsulat og mubo nga nekrolohiya o pasidungog alang kaniya. Unsa ang imong isulti sa pagpalig-on sa hugot nga pagtuo diha ni Kristo ug sa Iyang gipahiuli nga ebanghelyo? Mahimo nimong ilakip ang importante nga mga panghitabo o mga kalaposan nga makita sa Doktrina ug mga Pakigsaad 135 o kadtong gihisgotan sa mga kapanguhaan sa ubos.

Si Jesukristo mipadayag og daghang kamatuoran mahitungod sa Iyang Kaugalingon ug sa Iyang Pag-ula pinaagi ni Joseph Smith. Ikonsiderar ang pagpamalandong sa kasinatian nga imong nasinati sa pagtuon sa Doktrina ug mga Pakigsaad niining tuiga. Unsa nga mga kamatuoran ang importante kanimo? Mahimo nimong ipakigbahin kini sa imong pamilya, klase o sa mga sakop sa korum, o sa uban samtang ikaw magtuon niining semanaha. Sa unsang paagi kini nga mga kamatuoran nakatabang nimo nga makasabot ug mas mahiduol ngadto sa Manluluwas?

Tan-awa usab sa “Joseph Smith: The Prophet of the Restoration” (video), Gospel Library; Tad R. Callister, “Joseph Smith—Propeta sa Pagpahiuli,” Liahona, Nob. 2009, 35–37; “Pagdayeg sa Tawo,” Mga Himno, nu. 19; Mga Hilisgotan ug mga Pangutana, “Joseph Smith,” Librarya sa Ebanghelyo.

Joseph Smith: The Prophet of the Restoration

A motion picture about the life and legacy of Joseph Smith, the founding prophet of The Church of Jesus Christ of Latter-day Saints.

May Kalabotan nga Musika

Ang pagkanta sa mosunod nga mga himno o pagtan-aw sa mga bidyo makadapit sa Espiritu Santo o makadasig og diskusyon mahitungod sa buhat ni Propeta Joseph Smith ug sa mga sakripisyo sa mga Santos nga mipadayon human kaniya.

“Ang Subo nga Magpapanaw” (Mga Himno, nu. 20). Samtang anaa sa Bilanggoan sa Carthage, si John Taylor mikanta niini nga himno.

“Pagdayeg sa Tawo” (Mga Himno, nu. 19; tan-awa usab ang bidyo). Ang teksto niini nga himno gisulat isip usa ka pasidungog ni Joseph Smith.

Praise to the Man – The Tabernacle Choir at Temple Square

The Tabernacle Choir and Orchestra at Temple Square perform "Praise to the Man". Follow along a recording session and see beautiful historical scenery and art.

“Mga Santos, Dali Na” (Mga Himno, nu. 23; tan-awa usab sa bidyo).

Come, Come, Ye Saints - Mormon Tabernacle Choir

The Mormon Tabernacle Choir and Orchestra at Temple Square perform one of their signature anthems, "Come, Come Ye Saints" arranged by Mack Wilberg. From the Music and the Spoken Word broadcast episode 4323, July 22, 2012.

“Hugot nga Pagtuo sa Matag Lakang” (tan-awa sa bidyo).

Faith in Every Footstep - Mormon Tabernacle Choir

The Mormon Tabernacle Choir performs "Faith in Every Footstep" from the 2014 Pioneer Day concert. Music and lyrics by K. Newell Dayley.

Doktrina ug mga Pakigsaad 136

Ako makatabang sa pagtuman sa kabubut-on sa Ginoo kon mosunod ako sa Iyang tambag.

Human mamatay si Joseph Smith, ang mga Santos gipapahawa sa Nauvoo. Nag-atubang sila karon og 1,300-ka milya (2,100 ka kilometro) nga biyahe subay sa mapait nga kamingawan. Si Brigham Young, Presidente sa Korum sa Napulog Duha ka Apostoles, nabalaka kon unsaon sa mga Santos nga makasugakod sa pagbaktas. Sa temporaryong pamuy-anan nga gitawag og Winter Quarters, siya nangamuyo alang sa giya. Ang tubag sa Ginoo girekord diha sa Doktrina ug mga Pakigsaad 136. “Pinaagi sa pagtabang sa mga Santos nga mahinumdom nga ang ilang kinaiya diha sa biyahe importante sama sa ilang padulngan, ang pagpadayag nagtabang sa pag-usab sa kasadpang paglangyaw gikan sa makaluluoy nga panginahanglan ngadto sa importanteng pakigbahin sa espirituwal nga kasinatian” (“This Shall Be Our Covenant,” sa Revelations in Context, 308).

Ibutang kini sa hunahuna samtang ikaw magtuon sa seksiyon 136. Unsa nga tambag ang imong makaplagan nga makatabang sa pag-usab sa usa ka malisod nga pagsulay sa imong kinabuhi “ngadto sa usa ka importanteng … espirituwal nga kasinatian”? Mahimo usab ikaw nga mamalandong kon sa unsa nga paagi nga kini nga tambag makatabang kanimo sa pagtuman sa kabubut-on sa Ginoo diha sa imong kaugalingong kinabuhi, ingon nga kini mitabang sa unang mga Santos sa ilang mga panaw.

Tan-awa usab sa “This Shall Be Our Covenant,” sa Revelations in Context, 307–14; “Mga Santos, Dali Na,” Mga Himno, nu. 23; Church History Topics, “Succession of Church Leadership,” Gospel Library.

Detalye gikan sa Winter Quarters, ni Greg Olsen

Mga Tawo, Mga Dapit, Mga Panghitabo

• Joseph Smith Jr.

• Brigham Young

• Kamatayon ni Joseph ug ni Hyrum Smith

Iklik dinhi aron makakita pa og dugang

Mga Ideya sa Pagtudlo sa mga Bata

Doktrina ug mga Pakigsaad 135:1–2, 4–5

Sila si Joseph ug Hyrum Smith mihatag sa ilang kinabuhi alang ni Jesukristo ug sa Iyang ebanghelyo.

• I-summarize alang sa imong mga anak ang Doktrina ug mga Pakigsaad 135:1 o ipakigbahin ang “Kapitulo 56: Ang Propeta Gipatay” (sa Mga Istorya sa Doktrina ug mga Pakigsaad, 201–5, o sa tukma nga bidyo sa Librarya sa Ebanghelyo). Mahimo kini nga maayong oportunidad alang kanimo ug sa imong mga anak sa pagpakigbahin sa inyong mga pagbati mahitungod sa sakripisyo nga gihimo nila ni Joseph ug Hyrum alang sa Manluluwas ug sa Iyang ebanghelyo.

  Chapter 57: The Prophet Is Killed: June 1844

• Doktrina ug mga Pakigsaad 135:4–5 namahayag nga si Hyrum Smith mibasa og tudling gikan sa Basahon ni Mormon sa wala pa siya moadto sa Bilanggoan sa Carthage. Ikaw ug ang imong mga anak mahimong mobasa pagdungan niini nga tudling (tan-awa sa Ether 12:36–38). Sa unsa kaha nga paagi nga kini nga mga bersikulo nakapahupay ni Hyrum? Mahimo usab nga ikaw mopakigbahin og mga kasulatan nga makahatag og kahupayan kon ikaw nabalaka o naguol.

• Ikaw ug ang imong mga anak mahimong motan-aw sa mga litrato sa mga propeta (tan-awa sa Libro sa mga Hulagway sa Ebanghelyo, mga nu. 7, 14, 67) ug hisgoti ang pipila ka butang nga gisugo sa Dios nga buhaton sa mga propeta. Unsa ang gisakripisyo niini nga mga propeta alang sa Manluluwas?

  

Sa panimalay, ang pagtuon ug pagpuyo dili mabulag. “Ang ebanghelyo magbutang diha dayon og kalambigitan diha sa panimalay. Diha ang mga tawo kinsa kauban ninyo sa pagkat-on mao ang mga tawo kinsa kamo mopuyo uban niini—kada adlaw. Sa tinuod, kadaghanan sa panahon, ang pagpuyo sa ebanghelyo mao ang giunsa nato sa pagkat-on sa ebanghelyo” (Pagtudlo sumala sa Pamaagi sa Manluluwas, 36).

Doktrina ug mga Pakigsaad 135:3

Si Joseph Smith usa ka propeta ug saksi ni Jesukristo.

• Aron sa pagtabang sa imong mga anak nga mahinumdom ug magpasalamat kon sa unsa nga paagi ang Ginoo mipanalangin kanato pinaagi sa misyon ni Joseph Smith, mahimong magpakita ka og mga butang nga nagrepresentar sa mga butang nga gibuhat ni Joseph, sama sa Basahon ni Mormon, sa Doktrina ug mga Pakigsaad, o usa ka litrato sa templo (tan-awa usab sa pahina sa kalihokan niining semanaha). Dayon ang imong mga anak mahimong motan-aw sa Doktrina ug mga Pakigsaad 135:3 alang sa pipila ka butang nga gihimo ni Joseph Smith aron sa pagtabang nato nga mas maduol ngadto sa Langitnong Amahan ug ni Jesukristo. Dapita ang imong mga anak sa pagpakigbahin ngano nga sila mapasalamaton alang niini nga mga butang.

American Prophet [Ang Amerikanhong Propeta], ni Del Parson

Doktrina ug mga Pakigsaad 136

Ang Ginoo makapanalangin kanako kon nanglimbasog ko.

• Ikonsiderar ang pagbutang og usa ka litrato sa Templo sa Nauvoo sa usa ka kilid sa kwarto ug paghimo og yano nga kapasilongan diha sa pikas kilid. Dapita ang imong mga anak nga magpundok duol sa litrato, ug sultihi sila mahitungod sa mga Santos kinsa kinahanglan nga mobiya sa Nauvoo human mamatay si Joseph Smith (tan-awa sa mga kapitulo 58, 60, ug 62 sa Mga Istorya sa Doktrina ug mga Pakigsaad, 209–11, 215–17, 224–29, o ang tukma nga mga bidyo diha sa Gospel Library). Hatagi og gibug-aton ang hugot nga pagtuo niini nga mga Santos kang Jesukristo, ug dapita ang imong mga anak sa paglakaw ngadto sa kapasilongan aron magrepresentar sa panaw ngadto sa Winter Quarters. Sila mahimong mokanta og kanta sama sa “Aron Mahimong Pioneer” (Songbook sa mga Bata, 138) samtang sila maglakaw.

  Chapter 58: A New Leader for the Church: July–August 1844

  Chapter 60: The Saints Leave Nauvoo: September 1845–September 1846

  Chapter 62: The Saints Establish Winter Quarters: 1846–1847

• Ipasabot nga sa Doktrina ug mga Pakigsaad 136, ang Ginoo mihatag og tambag aron tabangan ang mga Santos sa ilang biyahe ngadto sa Walog sa Salt Lake. Tabangi ang imong mga anak nga makakita og butang niini nga pagpadayag nga makahatag nila og kaisog alang niini nga panaw (tan-awa sa mga bersikulo 4, 10–11, 18–30). Sa unsa nga paagi nga kini nga tambag makatabang nato sa atong giatubang nga mga pagsulay karon?

Alang sa dugang nga mga ideya, tan-awa ang isyu karong bulana sa Higala nga magasin.

Greater Love Hath No Man [Walay Tawo nga May Mas Dako nga Gugma], ni Casey Childs