« ថ្ងៃទី ៣–៩ ខែ មករា ។ លោកុប្បត្តិ ១–២; ម៉ូសេ ២–៣; អ័ប្រាហាំ ៤–៥ ៖ ‹ កាលដើមដំបូងឡើយព្រះបានបង្កើតផ្ទៃមេឃ និងផែនដី › » ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ៖ ព្រះគម្ពីរសញ្ញាចាស់ ឆ្នាំ ២០២២ ( ឆ្នាំ ២០២១ )
« ថ្ងៃទី ៣–៩ ខែ មករា ។ លោកុប្បត្តិ ១–២; ម៉ូសេ ២–៣; អ័ប្រាហាំ ៤–៥ » ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ៖ ឆ្នាំ ២០២២
ថ្ងៃទី ៣–៩ ខែ មករា
លោកុប្បត្តិ ១–២; ម៉ូសេ ២–៣; អ័ប្រាហាំ ៤–៥
« កាលដើមដំបូងឡើយព្រះបានបង្កើតផ្ទៃមេឃ និងផែនដី »
ថ្វីបើអ្នកបានអានអំពីការបង្កបង្កើតពីមុនក្ដី ក៏មានរឿងជាច្រើនទៀតដើម្បីរៀនចេញពីបទគម្ពីរដែរ ។ សូមអធិស្ឋានសូមការណែនាំពីព្រះវិញ្ញាណបរិសុទ្ធដើម្បីជួយអ្នកស្វែងរកការយល់ដឹងថ្មី ។
កត់ត្រាចំណាប់អារម្មណ៍របស់អ្នក
ដោយសារពិភពលោកនៅជុំវិញយើងមានភាពស្រស់ស្អាត ហើយអស្ចារ្យខ្លាំងណាស់ នោះវាពិបាកដើម្បីនឹកស្រមៃពីផែនដីនេះពេលវាបាន « ខូច ហើយនៅទទេ » « គ្មានរូបរាងទេ ហើយនៅទទេ » ( លោកុប្បត្តិ ១:២; អ័ប្រាហាំ ៤:២ ) ។ រឿងមួយដែលការបង្កបង្កើតបង្រៀនយើងគឺថា ព្រះអាចធ្វើអ្វីដែលអស្ចារ្យកើតចេញពីអ្វីមួយដែលរប៉ាត់រប៉ាយ ។ ការណ៍នោះមានប្រយោជន៍ដើម្បីចងចាំ នៅពេលជីវិតទំនងជាមានភាពចលាចល ។ ព្រះវរបិតាសួគ៌ និងព្រះយេស៊ូវគ្រីស្ទគឺជាព្រះដ៏បង្កបង្កើត ហើយកិច្ចការដ៏ច្នៃប្រឌិតរបស់ពួកទ្រង់ជាមួយនឹងពួកយើងនៅមិនទាន់ចាប់សព្វគ្រប់ទេ ។ ពួកទ្រង់អាចធ្វើឲ្យពន្លឺភ្លឺចេញពីគ្រាងងឹតនៅក្នុងជីវិតរបស់យើងបាន ។ ពួកទ្រង់អាចបង្កើតគ្រឹះដ៏រឹងមាំនៅកណ្ដាលសមុទ្រដែលមានព្យុះភ្លៀងបក់បោកនៅក្នុងជីវិតរបស់យើង ។ ពួកទ្រង់អាចបង្គាប់ធាតុនានា ហើយប្រសិនបើយើងគោរពតាមព្រះបន្ទូលរបស់ពួកទ្រង់ដូចជាធាតុទាំងឡាយ នោះពួកទ្រង់អាចផ្លាស់ប្រែយើងទៅជាការបង្កបង្កើតដ៏ស្រស់ស្អាតដែលយើងត្រូវបានកំណត់មក ។ ការណ៍នោះគឺជាផ្នែកមួយនៃអត្ថន័យអំពីការត្រូវបានបង្កើតតាមរូបរបស់ព្រះ ឲ្យមានភាពដូចទ្រង់( លោកុប្បត្តិ ១:២៦ ) ។ យើងមានសក្ដានុពលដើម្បីប្រែក្លាយដូចជាទ្រង់ ៖ បានតម្កើងឡើង មានសិរីល្អ ជាអង្គសេឡេស្ទាល ។
សម្រាប់ទិដ្ឋភាពទូទៅស្ដីពីគម្ពីរលោកុប្បត្តិ សូមមើល« លោកុប្បត្តិ » នៅក្នុងសេចក្ដីណែនាំដល់បទគម្ពីរទាំងឡាយ ។
គំនិតយោបល់ផ្សេងៗសម្រាប់ការសិក្សាព្រះគម្ពីរផ្ទាល់ខ្លួន
លោកុប្បត្តិ ១:១–២៥; ម៉ូសេ ២:១–២៥; អ័ប្រាហាំ ៤:១–២៥
នៅក្រោមការដឹកនាំរបស់ព្រះវរបិតាសួគ៌ ព្រះយេស៊ូវគ្រីស្ទបានបង្កើតផែនដីនេះ ។
អែលឌើរ ឌី ថត គ្រីស្តូហ្វឺសិនបានមានប្រសាសន៍ថា « មិនថាព័ត៌មានលម្អិតអំពីដំណើរការនៃការបង្កបង្កើតបែបណានោះទេ យើងដឹងថា វាពុំមែនជាភាពចៃដន្យឡើយ ប៉ុន្តែថាវាត្រូវបានដឹកនាំដោយព្រះជាព្រះវរបិតា ហើយបានអនុវត្តដោយព្រះយេស៊ូវគ្រីស្ទ »( « Why Marriage, Why Family » Liahona ខែឧសភា ឆ្នាំ២០១៥ ទំព័រ ៥១ ) ។ ខណៈដែលមានរឿងជាច្រើនដែលយើងមិនបានដឹងឲ្យពិតប្រាកដពីរបៀបដែលពិភពលោកនេះត្រូវបានបង្កើតឡើង សូមពិចារណាពីអ្វីដែលអ្នករៀនពីការបង្កបង្កើតមកពីអ្វីដែលព្រះបានបើកសម្ដែងនៅក្នុង លោកុប្បត្តិ ១:១–២៥; ម៉ូសេ ២:១–២៥ និង អ័ប្រាហាំ ៤:១–២៥ ។ តើអ្នកសង្កេតឃើញអ្វីខ្លះដែលស្រដៀងគ្នានៅក្នុងដំណើររឿងទាំងនេះ ? តើអ្នកសង្កេតឃើញអ្វីខ្លះដែលខុសគ្នា ? តើអ្នកមានគំនិតអ្វីខ្លះអំពីព្រះវរបិតាសួគ៌ និងព្រះយេស៊ូវគ្រីស្ទ នៅពេលដែលអ្នកអានអំពីការបង្កបង្កើត ?
សូមមើលផងដែរ គោលលទ្ធិ និង សេចក្តីសញ្ញា ១០១:៣២–៣៤ ។
ការបង្កបង្កើត ដោយ ចូន ហ៊ីបប៊ឺត ឌឺតឈី
លោកុប្បត្តិ ១:២៧–២៨; ២:១៨–២៥; ម៉ូសេ ៣:១៨, ២១–២៥; អ័ប្រាហាំ ៥:១៤–១៩
អាពាហ៍ពិពាហ៍រវាងបុរស និងស្ត្រីត្រូវបានតែងតាំងឡើងដោយព្រះ ។
« អ័ដាម និងអេវ៉ាត្រូវបានរួបរួមគ្នានៅក្នុងអាពាហ៍ពិពាហ៍ចំពោះវេលាកាល និងចំពោះអស់ទាំងភាពអស់កល្បជានិច្ច » ( រ័សុល អិម ណិលសុន« Lessons from Eve » Ensign ខែវិច្ឆិកា ឆ្នាំ១៩៨៧ ទំព័រ ៨៧ ) ។ ហេតុអ្វីសេចក្ដីពិតនេះមានសារៈសំខាន់ដើម្បីដឹង ? សូមពិចារណាការណ៍នេះ នៅពេលអ្នកអាន លោកុប្បត្តិ ១:២៧–២៨; ២:១៨–២៥; ម៉ូសេ ៣:១៨, ២១–២៥; អ័ប្រាហាំ ៥:១៤–១៩ ។ ប្រសិនបើអ្នកចង់រៀនបន្ថែមទៀតអំពីអាពាហ៍ពិពាហ៍នៅក្នុងផែនការរបស់ព្រះ សូមអាន ហើយពិចារណាពីធនធានដែលបានដាក់ដូចមានខាងក្រោមនេះ ។ តើធនធានទាំងនេះបំផុសគំនិតឲ្យអ្នកធ្វើអ្វីខ្លះដើម្បីកែលម្អអាពាហ៍ពិពាហ៍របស់អ្នក ឬរៀបចំខ្លួនសម្រាប់អាពាហ៍ពិពាហ៍នៅពេលអនាគត ?
សូមមើលផងដែរ ម៉ាថាយ ១៩:៤–៦; កូរិនថូសទី ១ ១១:១១ លីនដា ខេ ប៊ើតុន « We’ll Ascend Together » Liahona ខែឧសភា ឆ្នាំ២០១៥ ទំព័រ ២៩–៣២ « ក្រុមគ្រួសារ ៖ការប្រកាសដំណឹងល្អដល់ពិភពលោក » ChurchofJesusChrist.org ។
លោកុប្បត្តិ ២:២–៣; ម៉ូសេ ៣:២–៣; អ័ប្រាហាំ ៥:២–៣
ព្រះបានប្រទានពរ ហើយញែកថ្ងៃឈប់សម្រាកជាបរិសុទ្ធ ។
ព្រះបានធ្វើឲ្យថ្ងៃឈប់សម្រាកទៅជាបរិសុទ្ធ ហើយទ្រង់សុំឲ្យយើងរក្សាថ្ងៃនោះឲ្យបរិសុទ្ធ ។ អែលឌើរ ដេវីឌ អេ បែដណា បានបង្រៀនថា « ថ្ងៃឈប់សម្រាកគឺជាពេលវេលារបស់ព្រះ ជាពេលដ៏ពិសិដ្ឋមួយ ដែលបានញែកចេញជាពិសេសសម្រាប់ការថ្វាយបង្គំទ្រង់ ព្រមទាំងសម្រាប់ការទទួល និងការចងចាំចំពោះការសន្យាដ៏មហិមា និងមានតម្លៃរបស់ទ្រង់ » ( « Exceeding Great and Precious Promises » Liahona ខែវិច្ឆិកា ឆ្នាំ២០១៧ ទំព័រ ៩២ ) ។ តើអ្នកអាចប្រើសេចក្ដីថ្លែងការណ៍នេះ និង លោកុប្បត្តិ ២:២–៣; ម៉ូសេ ៣:២–៣;ឬ អ័ប្រាហាំ ៥:២–៣ ដើម្បីពន្យល់ដល់មនុស្សម្នាក់ពី ហេតុផលដែលអ្នកជ្រើសរើសគោរពចំពោះថ្ងៃឈប់សម្រាកយ៉ាងដូចម្ដេច ? តើព្រះអម្ចាស់បានប្រទានពរដល់អ្នកចំពោះការរក្សាថ្ងៃឈប់សម្រាករបស់ទ្រង់ឲ្យបរិសុទ្ធយ៉ាងដូចម្ដេច ?
សូមមើលផងដែរ អេសាយ ៥៨:១៣–១៤; គោលលទ្ធិ និង សេចក្តីសញ្ញា ៥៩:៩–១៣ « The Sabbath Is a Delight » ( វីដេអូ ) ChurchofJesusChrist.org ។
គំនិតយោបល់សម្រាប់ការសិក្សាព្រះគម្ពីរជាគ្រួសារ និងរាត្រីជួបជុំក្រុមគ្រួសារ
-
លោកុប្បត្តិ ១:១–២៥; ម៉ូសេ ២:១–២៥; អ័ប្រាហាំ ៤:១–២៥ ។តើអ្នកអាចធ្វើឲ្យការរៀនអំពីការបង្កបង្កើតមានភាពរីករាយសម្រាប់គ្រួសាររបស់អ្នកតាមរបៀបណា ? អ្នកអាចនាំគ្រួសាររបស់អ្នកទៅធ្វើការស្រាវជ្រាវនៅខាងក្រៅរកវត្ថុដែលបានបង្កើតឡើងនៅអំឡុងគ្រានៃដំណើររឿងអំពីការបង្កបង្កើត ដូចជា ផ្កាយ ដើមឈើ និងសត្វពាហនៈ ។ អ្នកក៏អាចបង្ហាញរូបភាពពីវត្ថុដែលបានបង្កើតនៅក្នុងគ្រានីមួយៗ ហើយអញ្ជើញសមាជិកគ្រួសារឲ្យដាក់រូបភាពទាំងនោះតាមលំដាប់លំដោយ បន្ទាប់ពីអានដំណើររឿងមួយអំពីការបង្កបង្កើតរួមគ្នា ។ តើការបង្កបង្កើតទាំងនេះបង្រៀនយើងអ្វីខ្លះអំពីព្រះវរបិតាសួគ៌ និងព្រះយេស៊ូវគ្រីស្ទ ?
-
លោកុប្បត្តិ ១; ម៉ូសេ ២; អ័ប្រាហាំ ៤ ។វិធីមួយដើម្បីចាប់ផ្ដើមដំណើររឿងអំពីការបង្កបង្កើតគឺអញ្ជើញគ្រួសាររបស់អ្នកឲ្យស្វែងរកនៅក្នុង លោកុប្បត្តិ ១ ឬ ម៉ូសេ ២ ថាតើព្រះហៅវត្ថុដែលទ្រង់បានបង្កើតថា « ល្អ » ប៉ុន្មានដង ។ តើការណ៍នេះណែនាំអ្វីខ្លះអំពីរបៀបដែលយើងគួរប្រព្រឹត្តចំពោះការបង្កបង្កើតរបស់ព្រះ—រួមទាំងខ្លួនយើងផងដែរ ? តើយើងរៀនអ្វីខ្លះមកពីរបៀបដែលព្រឹត្តិការណ៍ទាំងនេះត្រូវបានរៀបរាប់នៅក្នុង អ័ប្រាហាំ ៤ ?
-
លោកុប្បត្តិ ១:២៦–២៧; ម៉ូសេ ២:២៦–២៧; អ័ប្រាហាំ ៤:២៦–២៧ ។ហេតុអ្វីបានជាវាមានសារៈសំខាន់ដើម្បីដឹងថាយើងត្រូវបានបង្កើតឡើងតាមរូបរបស់ព្រះ ? តើវាជះឥទ្ធិពលដល់អារម្មណ៍ដែលយើងមានចំពោះខ្លួនឯង មនុស្សដទៃ និងព្រះយ៉ាងដូចម្ដេចខ្លះ ?
ប្រសិនបើអ្នកមានកូនតូចៗ អ្នកអាចចង់អានជាមួយគ្នា ម៉ូសេ ២:២៧ ហើយលេងល្បែងងាយៗ ៖ បង្ហាញរូបភាពដែលពិពណ៌នាពីព្រះវរបិតាសួគ៌ និងព្រះយេស៊ូវ គ្រីស្ទ ដូចជា រូបភាព ៩០ នៅក្នុងសៀវភៅរូបភាពដំណឹងល្អ ( ឆ្នាំ ២០០៩ ) ហើយសូមឲ្យសមាជិកគ្រួសារប្តូរវេនគ្នាចង្អុលទៅផ្នែកនៃព្រះកាយរបស់ព្រះវរបិតាសួគ៌ ឬរាងកាយរបស់ព្រះយេស៊ូវ ។ បន្ទាប់មក សមាជិកគ្រួសារដទៃទៀតអាចចង្អុលផ្នែកដូចគ្នានោះនៅលើរូបកាយរបស់ពួកគេ ។
-
លោកុប្បត្តិ ១:២៨; ម៉ូសេ ២:២៨; អ័ប្រាហាំ ៤:២៨ ។« ព្រះបញ្ញាត្តិរបស់ព្រះសម្រាប់កូនចៅរបស់ទ្រង់ដើម្បីបង្កើតកូនចៅឲ្យចម្រើនជាច្រើនឡើងឲ្យមានពាសពេញលើផែនដី នោះនៅតែឲ្យប្រតិបត្តិនៅឡើយ » ( « ក្រុមគ្រួសារ ៖ ការប្រកាសដល់ពិភពលោក » ChurchofJesusChrist.org ) ។ សមាជិកគ្រួសារអាចសម្តែងពីរបៀបពន្យល់សេចក្តីជំនឿរបស់យើងអំពីបទបញ្ញត្តិនេះទៅដល់អ្នកដែលពុំបានស្គាល់សេចក្តីពិតនេះ ឬអ្នកដែលមានជំនឿផ្សេង ។
-
លោកុប្បត្តិ ១:២៨; ម៉ូសេ ២:២៨; អ័ប្រាហាំ ៤:២៨ ។តើវាមានន័យយ៉ាងណាដើម្បី « មានអំណាចលើ…ជីវិតផងទាំងឡាយដែលកំរើកនៅផែនដីផង » ? ( សូមមើលផងដែរ គោលលទ្ធិ និង សេចក្ដីសញ្ញា ៥៩:១៦–២១ ) ។ តើក្រុមគ្រួសាររបស់យើងបំពេញទំនួលខុសត្រូវរបស់យើងដើម្បីថែរក្សាផែនដីនេះយ៉ាងដូចម្តេច ?
សម្រាប់គំនិតបន្ថែមដើម្បីបង្រៀនដល់កុមារ សូមមើល គម្រោងមេរៀនប្រចាំសប្ដាហ៍នេះនៅក្នុងសៀវភៅ ចូរមកតាមខ្ញុំ—សម្រាប់ថ្នាក់បឋមសិក្សា ។
ចម្រៀងដែលបានស្នើ ៖ « ព្រះវរបិតាស្រឡាញ់ខ្ញុំ » សៀវភៅចម្រៀងកុមារ ទំព័រ ១៦–១៧ ។
ការកែលម្អការបង្រៀនរបស់យើង
អនុវត្ដបទគម្ពីរមកក្នុងជីវិតរបស់យើង ។ បន្ទាប់ពីអានវគ្គបទគម្ពីរមួយ សូមអញ្ជើញសមាជិកគ្រួសារឲ្យអនុវត្តតាមវគ្គបទគម្ពីរនេះទៅនឹងជីវិតរបស់ពួកគេ ។ ឧទាហរណ៍ តើ ម៉ូសេ ៣:១–៣ អនុវត្តទៅនឹងការប្រតិបត្តិថ្ងៃឈប់សម្រាកនៅរាល់សប្តាហ៍របស់យើងយ៉ាងដូចម្តេច ? ( សូមមើល ការបង្រៀនតាមរបៀបរបស់ព្រះអង្គសង្គ្រោះ ទំព័រ ២១ ) ។
ការបង្កបង្កើត ដោយ អានី ហែនរី ណេឌើរ