« ថ្ងៃទី ៣–៩ ខែ សីហា អាលម៉ា ៤៣–៥២ ៖ ‹ ឈរឲ្យខ្ជាប់ខ្ជួននៅក្នុងសេចក្ដីជំនឿជឿដល់ព្រះគ្រីស្ទ › » ចូរមកតាមខ្ញុំ—សម្រាប់ថ្នាក់អង្គការបឋមសិក្សា ៖ ព្រះគម្ពីរមរមន ឆ្នាំ ២០២០ ( ឆ្នាំ ២០២០ )
« ថ្ងៃទី ៣–៩ ខែ សីហា អាលម៉ា ៤៣–៥២ » ចូរមកតាមខ្ញុំ—សម្រាប់ថ្នាក់អង្គការបឋមសិក្សា ៖ ឆ្នាំ ២០២០
សម្រាប់ពរជ័យនៃឥស្សរភាព ដោយ ស្កត អិម ស្នូ
ថ្ងៃទី ៣–៩ ខែ សីហា
អាលម៉ា ៤៣–៥២
« ឈរឲ្យខ្ជាប់ខ្ជួននៅក្នុងសេចក្ដីជំនឿជឿដល់ព្រះគ្រីស្ទ »
ពេលអ្នកដាក់ផែនការសម្មភាព អ្នកអាចរកឃើញគំនិតនានានៅក្នុងយោបល់សម្រាប់ការបង្រៀននេះទាំងសម្រាប់កុមារតូចៗ និងកុមារធំ ។
កត់ត្រាចំណាប់អារម្មណ៍របស់អ្នក
អញ្ជើញឲ្យចែកចាយ
សូមឲ្យកុមារចែកចាយអ្វីដែលពួកគេចាំពីមនុស្ស និងរឿងមួយចំនួននៅក្នុង អាលម៉ា ៤៣–៥២ ដូចជា មេទ័ពមរ៉ូណៃ ឬទង់ឥស្សរភាពជាដើម ។ ដើម្បីជួយពួកគេឲ្យចាំ សូមបង្ហាញរូបភាពមកពី ដំណើររឿងព្រះគម្ពីរមរមន , សៀវភៅរូបភាពដំណឹងល្អ ឬ ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ។
បង្រៀនគោលលទ្ធិ ៖ កុមារតូចៗ
អាលម៉ា ៤៣:១៧–២១; ៤៨:៧–៨; ៤៩:១–៥; ៥០:១–៦
ខ្ញុំអាចរកឃើញការការពារខាងវិញ្ញាណនៅក្នុងដំណឹងល្អ ។
ដើម្បីការពារពួកសាសន៍នីហ្វៃទាស់នឹងពួកសាសន៍លេមិន នោះមរ៉ូណៃបានរៀបចំប្រជាជនរបស់លោកឲ្យពាក់អាវក្រោះ និងរៀបចំបន្ទាយការពារទាំងឡាយ ។ កិច្ចខិតខំរបស់លោកបង្រៀនយើងអំពីរបៀបដែលយើងអាចរកឃើញសុវត្ថិភាពខាងវិញ្ញាណ ។
សកម្មភាពដែលអាចជ្រើសរើស
-
សូមប្រាប់កុមារបន្តិចអំពីសង្គ្រាមរវាងពួកសាសន៍នីហ្វៃ និងពួកសាសន៍លេមិន ( សូមមើល អាលម៉ា ៤៣ ) ដោយគូសបញ្ជាក់ថា ពួកសាសន៍នីហ្វៃពាក់អាវក្រោះការពារខ្លួន ។ អ្នកអាចប្រើ « ជំពូកទី ៣១ ៖ មេទ័ពមរ៉ូណៃប្រយុទ្ធឈ្នះសេរ៉ាហិមណា » ( ដំណើររឿងព្រះគម្ពីរមរមនទំព័រ ៨៥–៨៨ ឬមើលវីដេអូដូចគ្នានេះនៅគេហទំព័រ ChurchofJesusChrist.org ) ។ សូមអាន អាលម៉ា ៤៣:១៩ ហើយសូមឲ្យកុមារចង្អុលទៅផ្នែកផ្សេងៗនៃរាងកាយរបស់ពួកគេ កាលពួកគេឮឈ្មោះផ្នែកណាមួយនៅក្នុងព្រះគម្ពីរ ។
-
សូមពន្យល់ថា ដូចពួកសាសន៍នីហ្វៃនៅក្នុងសង្គ្រាមដែរ នោះយើងនៅក្នុងសង្គ្រាមខាងវិញ្ញាណទាស់នឹងសាតាំង ជាអ្នកដែលពុំចង់ឲ្យយើងរក្សាបទបញ្ញត្តិព្រះទេ ។ សូមគូររូបកុមារម្នាក់នៅលើក្តារខៀន ហើយជួយកុមារឲ្យគិតពីអ្វីដែលការពារពួកគេខាងវិញ្ញាណ ដូចជាអាវក្រោះការពាររាងកាយយើង ( ឧទាហរណ៍ ការអធិស្ឋាន ការអានព្រះគម្ពីរ ឬការគោរពបទបញ្ញត្តិ ) ។ គ្រប់ពេលអ្វីមួយត្រូវបានថ្លែងឡើង សូមគូរផ្នែកមួយនៃអាវក្រោះនៅលើរូបកុមារនៅលើក្ដារខៀន ។
របងនៃទីក្រុងនីហ្វៃ ដោយ មីនើរវ៉ា ខេ ធៀឆើត
អាលម៉ា ៤៦:១១–១៦; ៤៨:១១–១៣, ១៦–១៧
ខ្ញុំអាចមានភាពស្មោះត្រង់ដូចជាមេទ័ពមរ៉ូណៃ ។
មរ៉ូណៃគឺជាគំរូដ៏អស្ចារ្យមួយអំពីសេចក្តីជំនឿ ភាពក្លាហាន និងការបម្រើ ។ សូមពិចារណាអំពីរបៀបដែលអ្នកអាចបំផុសគំនិតកុមារឲ្យធ្វើតាមគំរូរបស់លោក ។
សកម្មភាពដែលអាចជ្រើសរើស
-
សូមបង្ហាញរូបភាពមរ៉ូណៃនៅក្នុង គម្រោងមេរៀនសប្ដាហ៍នេះ នៅក្នុង ចូរមកតាមខ្ញុំ—សម្រាប់បុគ្គលម្នាក់ៗ និងក្រុមគ្រួសារ ។ សូមប្រាប់កុមារអំពីទង់ឥស្សរភាព និងអ្វីដែលបានសរសេរនៅលើទង់នោះ ដោយប្រើឃ្លាមកពី អាលម៉ា ៤៦:១១–១៦ ។ អ្នកអាចមើល « ជំពូកទី ៣២ ៖ មេទ័ពមរ៉ូណៃ និងទង់ឥស្សរភាព » ( ដំណើររឿងព្រះគម្ពីរមរមន ទំព័រ ៨៩–៩០ ឬមើលវីដេអូដូចគ្នានេះនៅគេហទំព័រ ChurchofJesusChrist.org ) ។ សូមឲ្យកុមារជួយប្រាប់រឿងនោះឲ្យបានច្រើនតាមដែលអាចធ្វើបាន ។ សូមចង្អុលបង្ហាញថា មរ៉ូណៃបានប្រើទង់ឥស្សរភាព ដើម្បីជួយពួកសាសន៍នីហ្វៃឲ្យចាំពីអ្វីដែលសំខាន់ចំពោះពួកគេ ។
-
សូមជួយកុមារឲ្យបង្កើតទង់ឥស្សរភាពសម្រាប់ពួកគេ ឬសម្រាប់ថ្នាក់របស់ពួកគេ ។ សូមចាប់ផ្តើមដោយការជួយពួកគេឲ្យគិតអំពីអ្វីៗដែលពួកគេជឿ ឬអ្វីដែលព្រះវរបិតាសួគ៌សព្វព្រះទ័យឲ្យពួកគេចងចាំ ។ សូមឲ្យពួកគេគូររូបភាពនៃអ្វីៗទាំងនោះ នៅលើក្រដាសធំមួយសន្លឹក ឬអ្នកអាចយករូបភាពឲ្យពួកគេដើម្បីភ្ជាប់ទៅនឹងក្រដាសនោះ ។
-
សូមឲ្យកុមារប្រាប់អ្នកអំពីមនុស្សមួយចំនួន ដែលពួកគេចង់ក្លាយដូច និងមូលហេតុដែលពួកគេចង់ក្លាយដូចពួកគេ ។ បន្ទាប់មក សូមចែកចាយពាក្យមួយចំនួនមកពី អាលម៉ា ៤៨:១១–១៣ ដែលពិពណ៌នាអំពីមរ៉ូណៃ ហើយអញ្ជើញពួកគេឲ្យទាយថា តើពាក្យទាំងនេះពិពណ៌នាពីនរណា ។ សូមបង្ហាញរូបភាពរបស់មរ៉ូណៃ ហើយនិយាយពីរបៀបដែលយើងអាចក្លាយដូចជាលោក ។
បង្រៀនគោលលទ្ធិ ៖ កុមារធំៗ
អាលម៉ា ៤៣:១៧–២១; ៤៨:៧–៨; ៤៩:១–៥; ៥០:១–៦
ខ្ញុំអាចរកឃើញការការពារខាងវិញ្ញាណនៅក្នុងដំណឹងល្អ ។
ពិភពលោកមានគ្រោះថ្នាក់ខាងវិញ្ញាណច្រើន ប៉ុន្តែមានអ្វីជាច្រើនដែលកុមារអាចរៀនពីពួកសាសន៍នីហ្វៃ អំពីរបៀបការពារខ្លួនពួកគេ ។
សកម្មភាពដែលអាចជ្រើសរើស
-
សូមអញ្ជើញកុមារម្នាក់ឲ្យអានខគម្ពីរមួយខាងក្រោមនេះស្ងាត់ៗ ដែលវាពិពណ៌នាអំពីរបៀបដែលពួកសាសន៍នីហ្វៃត្រៀមខ្លួនច្បាំងនឹងពួកសាសន៍លេមិន ៖ អាលម៉ា ៤៣:១៩; ៤៨:៨; ៤៩:១–៥ និង ៥០:២–៤ ។ សូមឲ្យកុមារចែកចាយអ្វីដែលពួកគេបានរៀន ( សូមផ្តល់ជំនួយប្រសិនបើចាំបាច់ ) ។ សូមពន្យល់ថា យើងនៅក្នុងសង្គ្រាមខាងវិញ្ញាណទាស់នឹងសាតាំង ហើយយើងត្រូវការពារខ្លួនយើងខាងវិញ្ញាណ ដូចជាពួកសាសន៍នីហ្វៃបានការពារខ្លួនពួកគេពីពួកសាសន៍លេមិនដែរ ។ តើអាវក្រោះ និងបន្ទាយការពារខាងវិញ្ញាណប្រភេទណា ដែលយើងអាចសាងសង់ឡើង ដើម្បីការពារខ្លួននៅក្នុងចម្បាំងខាងវិញ្ញាណរបស់យើង ?
-
សូមជួយកុមារឲ្យធ្វើខែលមួយពីក្រដាសធំមួយសន្លឹក ឬក្រដាសរឹង ហើយសូមឲ្យពួកគេសរសេរលើវានូវអ្វីដែលការពារពួកយើងខាងវិញ្ញាណ ។ សូមឲ្យក្រដាសមួយសន្លឹកដល់កុមារគ្រប់គ្នា ហើយអញ្ជើញកុមារឲ្យសរសេរអ្វីដែលអាក្រក់ ដែលសាតាំងអាចល្បួងយើងឲ្យធ្វើបាន ( ដូចជា និយាយកុហក លួច ឬមានចិត្តកំណាញ់ ) ។ សូមឲ្យពួកគេឆ្មូលក្រដាសរបស់ពួកគេឲ្យទៅជារាងបាល់ ហើយគប់វាទៅនឹងខែល ដើម្បីបង្ហាញពីរបៀបដែលដំណឹងល្អអាចការពារយើងឲ្យមានសុវត្ថិភាពពីសាតាំង ( សូមមើលផងដែរ អេភេសូរ ៦:១៦ ) ។
អាលម៉ា ៤៦:១១–១៦; ៤៨:១១–១៣, ១៦–១៧
ខ្ញុំអាចមានភាពស្មោះត្រង់ដូចជាមេទ័ពមរ៉ូណៃ ។
មរ៉ូណៃគឺជាសិស្សស្មោះត្រង់ និងរឹងប៉ឹងម្នាក់របស់ព្រះយេស៊ូវគ្រីស្ទ ដែលបានបំផុសគំនិតដល់ពួកសាសន៍នីហ្វៃឲ្យរស់នៅតាមដំណឹងល្អ ( សូមមើល អាលម៉ា ៤៨:១៧ ) ។ តើកុមារនៅក្នុងថ្នាក់របស់អ្នកអាចរៀនអ្វីពីគំរូរបស់លោក ?
សកម្មភាពដែលអាចជ្រើសរើស
-
សូមអាន អាលម៉ា ៤៦:១១–១៦ ជាមួយគ្នា ។ តើមរ៉ូណៃចង់ឲ្យពួកសាសន៍នីហ្វៃចងចាំពីអ្វី ? ( សូមមើល ខទី ១២ ) ។ តើលោកបានជួយពួកគេចងចាំរឿងទាំងនោះយ៉ាងដូចម្ដេច ? សូមឲ្យកុមារធ្វើបញ្ជីមួយអំពីអ្វីដែលព្រះវរបិតាសួគ៌សព្វព្រះទ័យឲ្យពួកគេចងចាំ ។ សូមឲ្យកុមារច្នៃប្រឌិត « ទង់ឥស្សរភាព » ផ្ទាល់របស់ពួកគេជាមួយឃ្លា ឬរូបភាពដែលនឹងជួយពួកគេឲ្យចាំពីរឿងទាំងនេះ ។
-
សូមឲ្យកុមារម្នាក់អាន អាលម៉ា ៤៨:១៧ ។ សូមជួយកុមារឲ្យយល់ពីមូលហេតុដែលយើងត្រូវបានអញ្ជើញឲ្យក្លាយដូចជាមរ៉ូណៃ សូមអញ្ជើញពួកគេឲ្យសិក្សា អាលម៉ា ៤៨:១១–១៣, ១៦ ។ សូមឲ្យពួកគេស្វែងរកពាក្យ ឬឃ្លាដែលជួយពួកយើងឲ្យយល់ពីមូលហេតុ ដែលមរ៉ូណៃគឺជាសិស្សដ៏អស្ចារ្យបែបនេះរបស់ព្រះយេស៊ូវគ្រីស្ទ ។ នៅពេលពួកគេចែកចាយអ្វីដែលពួកគេរកឃើញ សូមលើកទឹកចិត្តពួកគេឲ្យគិតអំពីកិច្ចការជាក់លាក់នានា ដែលពួកគេអាចធ្វើដើម្បីក្លាយដូចជាមរ៉ូណៃ ។
សាតាំងល្បួង និងបោកបញ្ឆោតយើងបន្តិចម្តងៗ ។
កុមារត្រូវតែដឹងថា សាតាំងនឹងព្យាយាមល្បួងពួកយើងឲ្យប្រព្រឹត្តអំពើបាបតូចតាច ដើម្បីវាអាចនាំយើងឲ្យមានអំពើបាបធំៗបាន ។
សកម្មភាពដែលអាចជ្រើសរើស
-
សូមអានខគម្ពីរដែលបានជ្រើសរើសមកពី អាលម៉ា ៤៧:៤–១៩ ជាមួយគ្នា ហើយពន្យល់កុមារអំពីរបៀបដែលអាម៉ាលិកាយទទួលបានការគ្រប់គ្រងលើកងទ័ពរបស់លីហុនតៃ ទោះបីជាសមាជិករបស់កងទ័ពនោះ « តាំងក្នុងចិត្តរបស់ពួកគេ » ថា ពួកគេនឹងពុំត្រូវបង្ខំឲ្យប្រយុទ្ធនឹងពួកសាសន៍នីហ្វៃក្ដី ។ តើនឹងមានអ្វីកើតឡើង ប្រសិនបើអាម៉ាលិកាយបានប្រាប់លីហុនតៃ នូវអ្វីដែលគាត់បានគ្រោងធ្វើចាប់តាំងពីដំបូងមកនោះ ? តើខគម្ពីរទាំងនេះបង្រៀនយើងអ្វីខ្លះ អំពីរបៀបដែលសាតាំងបោកបញ្ឆោតយើង ?
-
សូមបង្ហាញរូបភាពផ្ទះមួយដែលមានការថែទាំបានល្អ និងផ្ទះមួយដែលត្រូវបានគេទុកចោល ឬបង្ហាញរូបភាពមួយនៃសួនច្បារដ៏ស្រស់ស្អាត និងសួនច្បារមួយដែលមានសុទ្ធតែស្មៅ ។ សូមឲ្យកុមារនិយាយអំពីអ្វីដែលពួកគេឃើញនៅក្នុងរូបភាព និងរបៀបដែលការផ្លាស់ប្តូរទាំងនេះអាចកើតឡើងនៅពេលយូរៗទៅ ។ តើម្ចាស់ផ្ទះ ឬម្ចាស់សួនច្បារអាចធ្វើអ្វីខ្លះដើម្បីការពារកុំឲ្យរឿងនេះកើតឡើង ? សូមពន្យល់ថា មនុស្សអាចប្រែជាមានអំពើបាបបន្តិចម្តងៗ ប្រសិនបើពួកគេពុំបដិសេធនឹងការល្បួងរបស់សាតាំងឲ្យប្រព្រឹត្តអំពើបាបតូចតាច ( ដូចជាការពុំទៀងត្រង់ ឬមើលការណ៍អាសគ្រាម ) ហើយក្រោយមកនាំឲ្យប្រព្រឹត្តអំពើបាបធំជាងមុន ។ តើរឿងមិនល្អអ្វីខ្លះដែលយើងត្រូវបដិសេធមិនធ្វើនៅក្នុងជីវិតយើង ?
លើកទឹកចិត្តឲ្យមានការរៀនសូត្រនៅឯគេហដ្ឋាន
សូមឲ្យកុមារម្នាក់ដាក់ឈ្មោះអ្វីមួយដែលគាត់បានឮ ឬបានទទួលអារម្មណ៍នៅថ្ងៃនេះ ហើយចង់ចែកចាយជាមួយសមាជិកគ្រួសារ ។ សូមលើកទឹកចិត្តពួកគេឲ្យធ្វើតាមគម្រោងរបស់ពួកគេ ។
ការកែលម្អការបង្រៀនរបស់យើង
ជួយកុមារឲ្យសាងទំនុកចិត្ត ។ កុមារមួយចំនួនពុំមានអារម្មណ៍ថា មានសមត្ថភាពរៀនដំណឹងល្អដោយខ្លួនឯងនោះទេ ។ របៀបមួយដើម្បីសាងទំនុកចិត្តរបស់ពួកគេគឺ សរសើរពួកគេពេលពួកគេចូលរួមក្នុងថ្នាក់ ។