ជំពូកទី ៣២
មេទ័ពមរ៉ូណៃ និងទង់ឥស្សរភាព
មនុស្សទុច្ចរិតម្នាក់ឈ្មោះអាម៉ាលិកាយចង់ធ្វើជាស្តេចលើពួកសាសន៍នីហ្វៃ ។ ពួកសាសន៍នីហ្វៃជាច្រើននាក់បានចេញពីសាសនាចក្រដើម្បីដើរតាមគាត់ ។
ប្រសិនបើអាម៉ាលិកាយក្លាយជាស្តេច នោះគាត់នឹងព្យាយាមបំផ្លាញសាសនាចក្ររបស់ព្រះ ហើយយកឥស្សរភាពរបស់ប្រជាជន ។
នៅពេលមេទ័ពមរ៉ូណៃជាអ្នកដឹកនាំកងទ័ពសាសន៍នីហ្វៃបានឮពីផែនការរបស់អាម៉ាលិកាយដើម្បីធ្វើជាស្តេច នោះលោកបានខឹង ។
មរ៉ូណៃបានហែកអាវរបស់លោកដើម្បីធ្វើជាទង់មួយ ។ លោកបានសរសេរសារមួយនៅលើវាដើម្បីរំឭកប្រជាជនឲ្យការពារសាសនា សេរីភាព និងសន្តិភាពរបស់ពួកគេ ។
មរ៉ូណៃបានដាក់ទង់នោះនៅលើបង្គោលមួយ ហើយហៅវាថា ទង់ឥស្សរភាព ។ បន្ទាប់មកដោយបានពាក់គ្រឿងការពារខ្លួនរបស់លោក នោះលោកបានលុតជង្គង់ចុះអធិស្ឋាន ។
លោកបានទូលសូមឲ្យព្រះការពារអស់អ្នកដែលជឿលើព្រះយេស៊ូវគ្រីស្ទ ហើយបានអធិស្ឋានសូមសេរីភាពនៅក្នុងដែនដីដោយហៅវាថា ដែនដីឥស្សរភាព ។
មរ៉ូណៃបានទៅក្នុងចំណោមប្រជាជន ។ ដោយគ្រវីទង់ឥស្សរភាព នោះលោកបានហៅពួកគេឲ្យមក ហើយជួយការពារសេរីភាពរបស់ពួកគេ ។
ប្រជាជនបានមកពីគ្រប់ដែនដីទាំងអស់ ។ ពួកគេបានសន្យាដើម្បីគោរពបទបញ្ញត្តិរបស់ព្រះ ហើយប្រយុទ្ធដើម្បីសេរីភាព ។
នៅពេលអាម៉ាលិកាយបានឃើញពួកសាសន៍នីហ្វៃជាច្រើនចូលរួមជាមួយមរ៉ូណៃ នោះគាត់បានខ្លាច ។ គាត់ និងអ្នកដើរតាមគាត់បានចាកចេញទៅចូលរួមជាមួយពួកសាសន៍លេមិន ។
មរ៉ូណៃ និងកងទ័ពរបស់លោកបានព្យាយាមបញ្ឈប់ពួកគេ ប៉ុន្តែអាម៉ាលិកាយ និងមនុស្សពីរបីនាក់របស់គាត់បានរត់គេចខ្លួនបាត់ ។
មរ៉ូណៃបានដាក់ទង់ឥស្សរភាពនៅលើប៉មនីមួយៗនៅក្នុងដែនដីពួកសាសន៍នីហ្វៃ ។ ពួកសាសន៍នីហ្វៃបានរក្សាសេរីភាពរបស់ពួកគេ ហើយមានភាពសុខសាន្តម្តងទៀត ។