មនុស្សគួរស្គាល់

ដំណើររឿងក្នុងព្រះគម្ពីរ

មនុស្សគួរស្គាល់

កងទ័ពកម្លោះពីរពាន់នាក់: ពលទ័ពក្មេងៗរបស់ពួកសាសន៍អាំម៉ូនដែលហេលេមិនដឹកនាំ ។ ពួកគេបានប្រយុទ្ធដើម្បីកុំឲ្យឪពុកម្តាយរបស់ពួកគេដែលបានចុះសេចក្តីសញ្ញាថានឹងមិនច្បាំងនោះ ត្រូវប្រយុទ្ធម្តងទៀតឡើយ ។
កូរីហូរ: មនុស្សទុច្ចរិតម្នាក់ដែលចង់បានទីសម្គាល់ដើម្បីបង្ហាញភស្តុតាងថា ព្រះមានព្រះជន្មរស់ ។ ព្រះបានប្រទានទីសម្គាល់មួយដល់កូរីហូរដោយធ្វើឲ្យគាត់គ ។
កូរីអានតុន: កូនប្រុសរបស់អាលម៉ាជាកូនដែលជាអ្នកផ្សព្វផ្សាយសាសនាមិនស្មោះត្រង់ និងមិនសុចរិត
កូរីអានទុមើរ: ស្តេចទុច្ចរិតមួយអង្គដែលជាមនុស្សចុងក្រោយរបស់ពួកសាសន៍យ៉ារេឌដែលនៅរស់
គេឌាន: សាសន៍នីហ្វៃសុចរិតម្នាក់ដែលបានការពារសាសនាចក្រ នៅពេលនីហូរបានចាប់ផ្តើមបង្រៀនកុហកដល់មនុស្ស ។ នីហូរបានសម្លាប់លោក ។
ណូអេ, ស្តេច: ស្តេចទុច្ចរិតសាសន៍នីហ្វៃដែលស្រឡាញ់ទ្រព្យសម្បត្តិ ហើយបានបង្រៀនប្រជាជនទ្រង់ឲ្យក្លាយជាទុច្ចរិត ។ ប្រជាជនរបស់ទ្រង់ផ្ទាល់បានដុតទ្រង់រហូតដល់សុគត ។
នីហូរ: បុរសទុច្ចរិតម្នាក់ដែលឈ្លោះប្រកែកយ៉ាងអង់អាចប្រឆាំងទាស់នឹងសាសនាចក្ររបស់ព្រះ ។ គាត់បានសម្លាប់គេឌាន ហើយត្រូវបានដាក់ទោសឲ្យស្លាប់ ។
នីហ្វៃទី ១: កូនប្រុសសុចរិតរបស់លីហៃ និងសារ៉ាយ ។ លោកយកបានផ្ទាំងលង្ហិនពីឡាបាន់ ហើយបានសង់សំពៅដើម្បីដឹកគ្រួសាររបស់លោកទៅកាន់ដែនដីសន្យា ។
នីហ្វៃទី ២: កូនប្រុសរបស់ហេលេមិន ។ លោក និងប្អូនប្រុសរបស់លោកគឺលីហៃ ត្រូវបានបោះចូលទៅក្នុងគុក ហើយមានភ្លើងហ៊ុមព័ទ្ធជុំវិញ ។ នីហ្វៃបានធ្វើឲ្យមានអំណត់អត់មួយដើម្បីបង្រៀនប្រជាជនឲ្យប្រែចិត្ត ។
នីហ្វៃទី ៣: បុរសសុចរិតម្នាក់ដែលព្រះយេស៊ូវគ្រីស្ទបានជ្រើសរើសឲ្យធ្វើជាសិស្ស និងអ្នកដឹកនាំសាសនាចក្រ
បងប្រុសរបស់យ៉ារេឌ: ព្យាការីម្នាក់ដែលបានទូលសុំឲ្យព្រះយេស៊ូវពាល់ក្រួស ១៦ ដុំដើម្បីឲ្យវាអាចផ្តល់ពន្លឺនៅក្នុងភេត្រា ដែលពួកសាសន៍យ៉ារេឌបានប្រើវាដើម្បីធ្វើដំណើរទៅដែនដីសន្យា
បេនយ៉ាមីន, ស្តេច: ស្តេចសុចរិតមួយអង្គដែលឈរនៅលើប៉មដើម្បីបង្រៀនប្រជាជនទ្រង់អំពីព្រះយេស៊ូវគ្រីស្ទ
ពួកនិយមស្តេច: ពួកសាសន៍នីហ្វៃដែលចង់បានស្តេចត្រួតត្រា តែមិនចង់បានមេចៅក្រមត្រួតត្រាទេ ។ នៅពេលពួកគេពុំអាចមានស្តេច ពួកគេបានចូលរួមជាមួយពួកសាសន៍លេមិន ហើយវាយប្រហារពួកសាសន៍នីហ្វៃ ។
ពួកបុត្រានៃម៉ូសាយ: ពួកបុត្រាសេ្ដចម៉ូសាយ ៖ អើរ៉ុន, អាំម៉ូន ទី ២ ហិមណៃ និងអោមណើរ គឺជាអ្នកផ្សព្វផ្សាយសាសនាដ៏អង់អាចដល់ពួកសាសន៍លេមិន
ពួកសាសន៍នីហ្វៃ: អ្នកដើរតាមនីហ្វៃ ឬប្រជាជនដែលបានទទួលយកដំណឹងល្អ
ពួកសាសន៍យ៉ារេឌ: អ្នកដើរតាមយ៉ារេឌ និងបងប្រុសរបស់លោកដែលបានចាកចេញពីប៉មបាបិល ហើយបានធ្វើដំណើរទៅកាន់ដែនដីសន្យានៅក្នុងភេត្រា
ពួកសាសន៍លេមិន: ពូជពង្ស ឬអ្នកដើរតាមលេមិន និងលេមយួល ឬមនុស្សដែលបានបដិសេធដំណឹងល្អ
ពួកសាសន៍សូរាំ: ប្រជាជនទុច្ចរិតដែលធ្លាប់ជាសមាជិកសាសនាចក្ររបស់ព្រះ ។ ពួកគេបានអធិស្ឋាននៅក្នុងសាលាប្រជុំនៅលើវេទិកាមួយដែលហៅថា រ៉ាមីអុមតុម ។
ពួកសាសន៍ អាន់តៃ-នីហ្វៃ-លីហៃ: (សូមមើល អំាំម៉ូន, ប្រជាជននៃ )
ពួកសាសន៍អាំលីសៃ: ពួកអ្នកដើរតាមអាំលីសៃ ។ ពួកគេបានគូសសញ្ញាពណ៌ក្រហមនៅលើថ្ងាសរបស់ពួកគេ ហើយបានចូលរួមជាមួយនឹងពួកសាសន៍លេមិន ។
ពួកសេរី: ពួកសាសន៍នីហ្វៃដែលចង់បានសេរីភាពដើម្បីរស់នៅ និងថ្វាយបង្គំតាមចិត្តដែលពួកគេបានជ្រើសរើស ។ ពួកគេចង់ទទួលបានការគ្រប់គ្រងដោយពួកចៅក្រម មិនមែនគ្រប់គ្រងដោយស្តេចទេ ។
ពេហូរ៉ាន: មេចៅក្រមរបស់ពួកសាសន៍នីហ្វៃដែលបានជួយមេទ័ពមរ៉ូណៃឲ្យប្រយុទ្ធឈ្នះពួកសាសន៍នីហ្វៃទុច្ចរិត
មរមន: អ្នកដឹកនាំកងទ័ពសាសន៍នីហ្វៃ ហើយជាព្យាការីសាសន៍នីហ្វៃម្នាក់ចុងក្រោយគេ ។ លោកបានចងក្រងព្រះគម្ពីរមរមន
មរ៉ូណៃ: កូនប្រុសរបស់មរមន ហើយជាព្យាការីសាសន៍នីហ្វៃម្នាក់ចុងក្រោយគេ ។ លោកបានកប់ផ្ទាំងមាស និងក្រោយមកបានបង្ហាញខ្លួនឲ្យយ៉ូសែប ស្ម៊ីធ ឃើញក្នុងនាមជាទេវតា ។
មរ៉ូណៃ, មេទ័ព: អ្នកដឹកនាំសុចរិតម្នាក់របស់កងទ័ពពួកសាសន៍នីហ្វៃ ។ លោកបានធ្វើទង់ឥស្សរភាព ហើយបានប្រាប់កងទ័ពរបស់លោកឲ្យប្រយុទ្ធដើម្បីសេរីភាពរបស់ពួកគេ ។
ម៉ារា: ម្តាយរបស់ព្រះយេស៊ូវ
ម៉ូសាយ, ស្តេច: ស្តេចចុងក្រោយគេរបស់ពួកសាសន៍នីហ្វៃ ។ ទ្រង់មានបុត្រាបួនអង្គ ។
យ៉ាកុប: កូនប្រុសរបស់លីហៃ និងសារ៉ាយ ។ លោកបានតតាំងនឹងសេរេមដែលបានថ្លែងថា គ្មានព្រះគ្រីស្ទឡើយ ។
យ៉ូសែប: កូនប្រុសដ៏សុចរិតម្នាក់របស់លីហៃ និងសារ៉ាយដែលបានកើតនៅក្នុងទីរហោស្ថាន
យ៉ូសែប ស្ម៊ីធ ជុញ្ញ័រ: ព្យាការីថ្ងៃចុងក្រោយម្នាក់ ដែលបានបកប្រែព្រះគម្ពីរមរមនពីផ្ទាំងមាស ។
លិមហៃ, ស្តេច: បុត្រាល្អរបស់ស្តេចណូអេដែលទុច្ចរិត ។ ទ្រង់ និងប្រជាជនទ្រង់គឺជាទាសកររបស់ពួកសាសន៍លេមិន ប៉ុន្តែបានរត់គេចខ្លួនរួច ។
លីហៃទី ១: ព្យាការីម្នាក់ដែលបានព្រមានថា ទីក្រុងយេរូសាឡិមនឹងត្រូវបំផ្លាញចោល ។ លោកបានស្តាប់ ពេលព្រះបានមានបន្ទូលទៅលោកឲ្យនាំគ្រួសារលោកចូលទៅក្នុងទីរហោស្ថាន ។
លីហៃទី ២: កូនប្រុសរបស់ហេលេមិន ។ លោក និងបងប្រុសរបស់លោក នីហ្វៃ ត្រូវបានបោះចូលទៅក្នុងគុក ហើយមានភ្លើងហ៊ុមព័ទ្ធជុំវិញ ។
លេមយួល: កូនប្រុសទុច្ចរិតរបស់លីហៃ និងសារ៉ាយ
លេមិន: កូនប្រុសច្បងរបស់លីហៃ និងសារ៉ាយ ។ គាត់ជាមនុស្សទុច្ចរិត ហើយបានបះបោរទាស់នឹងព្រះ ។
លេមិន, ស្តេច: ស្តេចទុច្ចរិតសាសន៍លេមិនមួយអង្គដែលបានប្រទានទីក្រុងពីរដល់ស៊ីនិព្វ និងអ្នកដើរតាមលោកដែលជាពួកសាសន៍នីហ្វៃ ហើយក្រោយមកបានវាយប្រហារពួកគេ
សារ៉ាយ: ភរិយារបស់លីហៃទី ១
សាំ: កូនប្រុសសុចរិតរបស់លីហៃ និងសារ៉ាយ
សាំយូអែលជាសាសន៍លេមិន: ព្យាការីដែលបានព្យាករដល់ពួកសាសន៍នីហ្វៃអំពីទីសម្គាល់នៃការប្រសូត និងការសុគតរបស់ព្រះយេស៊ូវគ្រីស្ទ
សូរាំ: អ្នកបម្រើរបស់ឡាបាន់ដែលបានធ្វើដំណើរជាមួយគ្រួសារលីហៃទៅកាន់ដែនដីសន្យា
សេរេម: បុរសទុច្ចរិតសាសន៍នីហ្វៃម្នាក់ដែលចង់បានទីសម្គាល់នៅចំពោះមុខគាត់ ទើបគាត់ជឿលើព្រះយេស៊ូវគ្រីស្ទ
សេរ៉ាហិមណា: អ្នកដឹកនាំសាសន៍លេមិនម្នាក់ដែលបានប្រយុទ្ធជាមួយពួកសាសន៍នីហ្វៃ ហើយចង់ឲ្យពួកគេធ្វើជាទាសករបស់គាត់ ។ គាត់ត្រូវបានគេកាត់ដាច់សាច់លលាដ៏ក្បាលនៅក្នុងសមរភូមិមួយដែលប្រឆាំងនឹងកងទ័ពរបស់មេទ័ពមរ៉ូណៃ ។
ស៊ីនិព្វ: អ្នកដឹកនាំសុចរិតម្នាក់ដែលបាននាំពួកសាសន៍នីហ្វៃមួយក្រុមមកពីទីក្រុងសារ៉ាហិមឡាទៅដែនដីនីហ្វៃ ដែលនៅទីនោះពួកគេបានក្លាយជាទាសកររបស់ស្តេចលេមិនទុច្ចរិត
ស៊ីស: បុរសទុច្ចរិតសាសន៍យ៉ារេឌដែលដឹកនាំកងទ័ពប្រឆាំងនឹងកូរីអានទុមើរ ហើយជាសាសន៍យ៉ារេឌចុងក្រោយគេដែលនៅរស់
ស៊ីសូរាំ: មេចៅក្រមដែលត្រូវបានសម្លាប់ដោយប្អូនប្រុសរបស់ខ្លួន
ស៊ីអានទុម: ប្អូនប្រុស និងជាឃាតករសម្លាប់ស៊ីសូរាំ
ស៊ីអែសរ៉ុម: មេធាវីម្នាក់ដែលបានផ្តល់ប្រាក់ឲ្យអាមូលេកដើម្បីឲ្យគាត់និយាយបដិសេធថា គ្មានព្រះដែលមានព្រះជន្មទេ ។ អាលម៉ាជាកូនបានបង្រៀនដំណឹងល្អដល់គាត់ ហើយគាត់បានប្រែចិត្ត ។
ហាកូត: អ្នកសាងសង់សំពៅសាសន៍នីហ្វៃម្នាក់ដែលបាននាំយកពួកសាសន៍នីហ្វៃជាច្រើននាក់ទៅកាន់ដែនដីនៅភាគខាងជើង
ហិមណៃ: បុត្រាស្តេចម៉ូសាយ ហើយជាអ្នកផ្សព្វផ្សាយសាសនាដល់ពួកសាសន៍លេមិន ។
ហេលេមិន: កូនប្រុសច្បងរបស់អាលម៉ាជាកូន ។ លោកត្រូវបានប្រគល់ឲ្យនូវផ្ទាំងចំណារ ហើយត្រូវបានប្រាប់ឲ្យសរសេរពីប្រវត្តិរបស់ប្រជាជនលោក ។ លោកក៏ជាអ្នកដឹកនាំកងទ័ពកម្លោះ ២០០០ នាក់ផងដែរ ។
ឡាបាន់: បុរសទុច្ចរិតម្នាក់នៅទីក្រុងយេរូសាឡិម ដែលពុំប្រគល់ផ្ទាំងលង្ហិនឲ្យទៅពួកកូនប្រុសរបស់លីហៃ
ឡាម៉ូណៃ, ព្រះបិតារបស់ស្តេច: ស្តេចសាសន៍លេមិនមួយអង្គដែលត្រូវបានបង្រៀនដំណឹងល្អ ហើយបានជឿ ។ ទ្រង់បានមានបន្ទូលថា ទ្រង់នឹងលះបង់ចោលអំពើបាបទាំងអស់របស់ទ្រង់ដើម្បីស្គាល់ព្រះ ។
ឡាម៉ូណៃ, ស្តេច: ស្តេចសាសន៍លេមិនមួយអង្គដែលត្រូវបានបង្រៀនដំណឹងល្អ ហើយបានជឿ ។ អាំម៉ូនទី ២ បានការពារហ្វូងចៀមស្តេចពីពួកចោរ ។
អាមូលេក: ដៃគូផ្សព្វផ្សាយសាសនារបស់អាលម៉ាជាកូន ។ ពួកលោកត្រូវបានគេចាប់ដាក់គុក ប៉ុន្តែបានប្រើអំណាចរបស់ព្រះធ្វើឲ្យជញ្ជាំងគុករលំដួលចុះ ។
អាមូឡុន: សង្ឃទុច្ចរិតម្នាក់របស់ស្តេចណូអេដែលត្រូវបានលើកឲ្យធ្វើជាអ្នកត្រួតត្រាលើប្រជាជនអាលម៉ា ។ គាត់បានឲ្យពួកគេធ្វើការយ៉ាងខ្លាំង ហើយបានគំរាមកំហែងសម្លាប់អស់អ្នកដែលអធិស្ឋាន ។
អាម៉ាលិកាយ: មនុស្សទុច្ចរិតម្នាក់ដែលចង់ធ្វើជាស្តេចលើពួកសាសន៍នីហ្វៃ ប៉ុន្តែចង់ដកយកសេរីភាពរបស់ប្រជាជន ។ ពេលគាត់ពុំបានក្លាយជាស្តេច គាត់បានចាកចេញទៅចូលរួមជាមួយពួកសាសន៍លេមិន ។
អាលម៉ា: សង្ឃម្នាក់របស់ស្តេចណូអេ ដែលបានជឿលើការបង្រៀនរបស់អ័ប៊ីណាដៃ ហើយក្រោយមកបានក្លាយជាអ្នកដឹកនាំសាសនាចក្រ
អាលម៉ាជាកូន: អាលម៉ាជាកូនដែលបានបះបោរ ហើយព្យាយាមបំផ្លាញសាសនាចក្រ ប៉ុន្តែបានផ្លាស់ប្តូរចិត្ត ហើយចាប់ផ្តើមបង្រៀនដំណឹងល្អ ។ លោកបានក្លាយជាអ្នកដឹកនាំសាសនាចក្រ និងជាមេចៅក្រមទីមួយ ។
អាំម៉ារ៉ុន: បុរសសុចរិតម្នាក់ដែលបានប្រគល់បញ្ជីឲ្យទៅមរ៉ូណៃដើម្បីឲ្យបញ្ជីនោះមានសុវត្ថិភាព
អាំម៉ូនទី ១: អ្នកដឹកនាំពួកសាសន៍នីហ្វៃមួយក្រុមមកពីទីក្រុងសារ៉ាហិមឡា ដែលចង់ទៅដែនដីនីហ្វៃ ហើយបានជួយពួកសាសន៍នីហ្វៃឲ្យរត់គេចខ្លួន
អាំម៉ូនទី ២: បុត្រាមួយអង្គរបស់ម៉ូសាយដែលបានការពារហ្វូងចៀមរបស់ស្តេចឡាម៉ូណៃពីពួកចោរ ។ លោកបានបង្រៀន និងធ្វើឲ្យពួកសាសន៍លេមិនប្រែចិត្តជឿអំឡុងបេសកកម្មរបស់លោក ។
អាំលីសៃ: មនុស្សម្នាក់ដែលចង់ធ្វើជាស្តេចលើពួកសាសន៍នីហ្វៃ ។ ពេលគាត់ពុំបានក្លាយជាស្តេច គាត់ និងអ្នកដើរតាមគាត់បានចាកចេញ បានវាយប្រហារពួកសាសន៍នីហ្វៃ ហើយក្រោយមកបានចូលរួមជាមួយពួកសាសន៍លេមិន ។
អើរ៉ុន: បុត្រាស្តេចម៉ូសាយ ហើយជាអ្នកផ្សព្វផ្សាយសាសនាដល់ពួកសាសន៍លេមិន
អេណុស: កូនប្រុសរបស់យ៉ាកុបដែលបានអធិស្ឋានអស់ពេញមួយថ្ងៃ និងពេញមួយយប់ ។ លោកបានអធិស្ឋានសម្រាប់ពួកសាសន៍នីហ្វៃ និងពួកសាសន៍លេមិន ។
អេធើរ: ព្យាការីដែលបានព្រមានពួកសាសន៍យ៉ារេឌឲ្យប្រែចិត្ត ហើយសរសេរអំពីការបំផ្លិចបំផ្លាញរបស់ពួកគេ
អេវ៉ា: ស្ត្រីដំបូងគេនៅលើផែនដី
អោមណើរ: បុត្រាស្តេចម៉ូសាយ ហើយជាអ្នកផ្សព្វផ្សាយសាសនាដល់ពួកសាសន៍លេមិន
អំាំម៉ូន, ប្រជាជននៃ: ពួកសាសន៍លេមិនបានប្រែចិត្តជឿតាមរយៈពួកបុត្រានៃម៉ូសាយ ។ ប្រជាជនបានកប់អាវុធរបស់ខ្លួន ហើយបានចុះសេចក្តីសញ្ញាថា នឹងមិនច្បាំងទៀតឡើយ ។
អ៊ីសម៉ាអែល: បុរសម្នាក់មកពីទីក្រុងយេរូសាឡិម ដែលបានធ្វើដំណើរទៅកាន់ដែនដីសន្យាជាមួយគ្រួសារលីហៃ ។ ពួកកូនស្រីរបស់គាត់បានរៀបការជាមួយនឹងពួកកូនប្រុសរបស់លីហៃ ។
អ័ដាម: មនុស្សដំបូងគេនៅលើផែនដី
អ័ប៊ីណាដៃ: ព្យាការីម្នាក់ដែលបានបញ្ជូនឲ្យទៅបង្រៀនស្តេចណូអេ ដែលបានដុតអ័ប៊ីណាដៃរហូតដល់ស្លាប់