ជំពូកទី ៤៤
ព្រះយេស៊ូវគ្រីស្ទប្រទានពរដល់កូនក្មេង
ព្រះយេស៊ូវគ្រីស្ទបានប្រាប់ពួកសាសន៍នីហ្វៃឲ្យនាំយកក្មេងតូចៗមកកាន់ទ្រង់ ។ កូនក្មេងអង្គុយនៅលើដីក្បែរព្រះយេស៊ូវ ។
ព្រះអង្គសង្គ្រោះបានប្រាប់ប្រជាជនឲ្យលុតជង្គង់ចុះ ។ បន្ទាប់មកទ្រង់បានលុតជង្គង់ចុះ ហើយបានអធិស្ឋានទៅកាន់ព្រះវរបិតាសួគ៌ ។
ការអធិស្ឋានរបស់ព្រះអង្គសង្គ្រោះគឺអស្ចារ្យជាខ្លាំង ដែលគេពុំអាចកត់ត្រាការអធិស្ឋាននោះបានឡើយ ។ ការអធិស្ឋាននោះបានធ្វើឲ្យពួកសាសន៍នីហ្វៃពោរពេញទៅដោយអំណរ ។
បន្ទាប់ពីការអធិស្ឋានរបស់ទ្រង់ចប់ ព្រះយេស៊ូវបានមានបន្ទូលថា ពួកសាសន៍នីហ្វៃនឹងមានពរដោយសារសេចក្តីជំនឿរបស់ពួកគេ ។
ទ្រង់បានមានព្រះទ័យស្រឡាញ់ និងមានសុភមង្គលយ៉ាងខ្លាំងរហូតធ្វើឲ្យទ្រង់ព្រះកន្សែង ។
បន្ទាប់មក ទ្រង់បានយកកូនក្មេងម្នាក់ម្តងៗ ហើយប្រទានពរដល់ពួកគេគ្រប់គ្នា ។ ទ្រង់បានអធិស្ឋានទៅកាន់ព្រះវរបិតាសួគ៌សម្រាប់ពួកគេ ហើយបានព្រះកន្សែងម្តងទៀត ។
ព្រះយេស៊ូវបានប្រាប់ពួកសាសន៍នីហ្វៃឲ្យក្រឡេកមើលទៅកូនៗរបស់ពួកគេ ។
នៅពេលប្រជាជនបានមើល នោះពួកទេវតាបានយាងចុះមកពីស្ថានសួគ៌ ហើយហ៊ុមព័ទ្ធកូនក្មេងទាំងនោះ ។ ពួកកូនក្មេង និងពួកទេវតាត្រូវបានហ៊ុមព័ទ្ធដោយភ្លើង ។