ជំពូកទី ៥៤
ការសន្យានៃព្រះគម្ពីរមរមន
ពីមុនមរ៉ូណៃបានកប់ផ្ទាំងចំណារនោះជាលើកចុងក្រោយ លោកបានកត់ត្រាការសន្យាដល់ពួកសាសន៍លេមិន និងដល់មនុស្សផ្សេងទៀតដែលនឹងអានបញ្ជីនេះ ។
លោកបានប្រាប់មនុស្សឲ្យអានបញ្ជីនេះ ហើយគិតអំពីបញ្ជីទាំងនេះដោយល្អិតល្អន់ បន្ទាប់មកទូលសួរដល់ព្រះវរបិតាសួគ៌ ប្រសិនបើបញ្ជីទាំងនេះពិតដែរឬទេ ។
មរ៉ូណៃបានសន្យាថា ប្រសិនបើមនុស្សនឹងសួរដោយចិត្តស្មោះសរ ដោយមានសេចក្តីជំនឿលើព្រះគ្រីស្ទ នោះព្រះវិញ្ញាណបរិសុទ្ធនឹងជួយពួកគេឲ្យដឹងថាបញ្ជីទាំងនេះពិត ។
មរ៉ូណៃបានកត់ត្រាថា ប្រសិនបើមនុស្សប្រែចិត្ត ធ្វើតាមព្រះយស៊ូវគ្រីស្ទ ហើយស្រឡាញ់ព្រះវរបិតាសួគ៌ នោះពួកគេអាចប្រែជាល្អឥតខ្ចោះ ។
នៅពេលមរ៉ូណៃបានបញ្ចប់ការកត់ត្រានៅលើផ្ទាំងចំណារមាសនោះហើយ លោកបានលាក់ផ្ទាំងចំណារមាសនេះនៅក្នុងប្រអប់ថ្មនៅក្នុងកូនភ្នំគូម៉ូរ៉ា ហើយបានគ្របប្រអប់នោះដោយថ្មធំមួយ ។ កិច្ចការខាងជីវិតរមែងស្លាប់របស់លោកបានបញ្ចប់ហើយ ។