ជំពូកទី ២៩
អាលម៉ាបង្រៀនអំពីសេចក្តីជំនឿ និងព្រះបន្ទូលរបស់ព្រះ
អាលម៉ាបានបង្រៀនពួកសាសន៍សូរាំអំពីសេចក្តីជំនឿ ។ លោកបានថ្លែងថា មនុស្សទាំងអស់ដែលសូមទីសម្គាល់មួយនៅចំពោះមុខពួកគេដើម្បីឲ្យពួកគេជឿ នោះពុំមែនជាសេចក្តីជំនឿទេ ។
អាលម៉ាថ្លែងថា សេចក្តីជំនឿគឺជាការជឿលើអ្វីមួយពិត ដោយពុំចាំបាច់នៅទីនោះដើម្បីឃើញវាឡើយ ។
លោកបានពន្យល់ថា សេចក្ដីជំនឿលូតលាស់ឡើង នៅពេលបុគ្គលម្នាក់ចង់ជឿ ហើយស្តាប់បន្ទូលព្រះ ។ បន្ទាប់មក ព្រះបន្ទូលនោះបានដាំនៅក្នុងដួងចិត្តរបស់បុគ្គលនោះ ហើយដូចជាគ្រាប់ពូជមួយដែរ វាចាប់ផ្តើមរីកលូតលាស់ឡើង ។
នៅពេលបុគ្គលម្នាក់រៀនកាន់តែច្រើនអំពីដំណឹងល្អ នោះគ្រាប់ពូជនោះដុះចេញពន្លក ហើយបន្តរីកលូតលាស់ ។ បុគ្គលនោះដឹងថា គ្រាប់ពូជនេះល្អ ហើយសេចក្តីជំនឿរបស់គាត់រីកលូតលាស់កាន់តែខ្លាំងឡើង ។
អាលម៉ាបានថ្លែងថា គឺដូចជាគ្រាប់ពូជល្អបង្កើតផលផ្លែល្អដែរ នោះព្រះបន្ទូលរបស់ព្រះនាំពរជ័យនានាមកកាន់បុគ្គលដែលមានសេចក្តីជំនឿ ។