ជំពូកទី ៣៣
ពួកនិយមស្តេចប្រយុទ្ធនឹងពួកសេរី
ពួកសាសន៍នីហ្វៃមួយចំនួនចង់ឲ្យមេចៅក្រម ពេហូរ៉ាន ផ្លាស់ប្តូរក្រឹត្យវិន័យមួយចំនួន ។
នៅពេលពេហូរ៉ានបានបដិសេធ ប្រជាជនបានខឹងសម្បារ ហើយចង់ទម្លាក់ពេហូរ៉ានចេញពីតំណែងជាមេចៅក្រម ។ ពួកគេចង់បានស្តេច តែមិនចង់បានមេចៅក្រមទេ ។
ដោយបានហៅថាខ្លួនឯងជាពួកនិយមស្តេច នោះពួកគេសង្ឃឹមថានឹងមានម្នាក់ក្នុងចំណោមពួកគេនឹងក្លាយទៅជាស្តេច ហើយមានអំណោចទៅលើប្រជាជនទាំងនេះ ។
ពួកសាសន៍នីហ្វៃដែលចង់ទុកពេហូរ៉ានឲ្យនៅធ្វើជាមេចៅក្រមត្រូវបានហៅថា ពួកសេរី ។ ពួកគេចង់មានសេរីភាពរស់នៅ និងថ្វាយបង្គំតាមចិត្តដែលពួកគេជ្រើសរើស ។
ប្រជាជនបានបោះឆ្នោតរវាងពួកសេរី និងពួកនិយមស្តេច ។ ភាគច្រើនពួកគេបានបោះឆ្នោតឲ្យពួកសេរី ។
ក្នុងពេលតំណាលគ្នានោះ អាម៉ាលិកាយកំពុងប្រមូលកងទ័ពដ៏ធំមួយរបស់ពួកសាសន៍លេមិន ដើម្បីមកវាយប្រហារពួកសាសន៍នីហ្វៃ ។
នៅពេលពួកនិយមស្តេចបានឮថា ពួកសាសន៍លេមិនកំពុងមក នោះពួកគេមានចិត្តសប្បាយរីករាយ ហើយបានបដិសេធមិនព្រមជួយការពារប្រទេសរបស់ពួកគេឡើយ ។
មេទ័ពមរ៉ូណៃបានខឹងសម្បារនឹងពួកនិយមស្តេចដោយសារពួកគេពុំព្រមប្រយុទ្ធ ។ គាត់បានធ្វើការយ៉ាងខ្លាំងដើម្បីរក្សាការពារឲ្យពួកសាសន៍នីហ្វៃមានសេរីភាព ។
លោកបានសូមអំណាចពីលោកអភិបាល ដើម្បីធ្វើឲ្យពួកនិយមស្តេចប្រយុទ្ធនឹងពួកលេមិន ឬក៏ត្រូវស្លាប់ ។
នៅពេលលោកអភិបាលពេហូរ៉ាន បានឲ្យអំណាចនេះដល់មរ៉ូណៃ នោះមរ៉ូណៃបាននាំកងទ័ពរបស់លោកប្រឆាំងនឹងពួកនិយមស្តេច ។
មានពួកនិយមស្តេចជាច្រើនបានស្លាប់ ខ្លះត្រូវចាប់ដាក់គុក ។ អ្នកដែលនៅសល់ទាំងប៉ុន្មានក៏បានជួយការពារប្រទេសរបស់ពួកគេប្រឆាំងនឹងពួកសាសន៍លេមិន ។