Sa unsa nga paagi ako makatabang sa usa ka tawo nga may kakulangan nga mobati nga giapil?

Boy and man singing at church

Kitang tanan adunay responsibilidad sa pag-abi-abi ug pagpaapil sa tanan, apil niadtong mga may kakulangan. Adunay daghang mga paagi nga ikaw makatabang ngadto niadtong anaa sa imong kongregasyon kinsa may kakulangan o kinsa mga tig-amuma sa usa ka tawo nga gihigugma nga adunay kakulangan. Usahay ang gikinahanglan lamang mao ang gamay, tinud-anay nga lihok sa pagtabang og usa ka tawo nga mobati nga siya giila, gihigugma, ug kabahin sa pamilya sa ward. Aniay pipila ka mga sugyot sa gagmay nga mga butang nga, kon buhaton uban ang tinud-anay nga gugma ug sinseridad, makatabang og dugay sa usa ka tawo nga may kakulangan nga mobati nga giapil:

• Tabang. Kasagaran, tungod kay kita nahadlok sa pagsulti o sa pagbuhat sa sayop nga butang, kita dili motabang ngadto niadtong may mga kakulangan. Makasugod ka pinaagi sa pagtimbaya sa mga miyembro sa imong ward nga may mga kakulangan ug sa ilang mga pamilya. Pinaagi sa pagpakita og tinud-anay nga interes sa pag-ila-ila kanila, mga panaghigalaay mamugna, mga palas-anon magaan, ug ang tanan mobati nga giapil.

• Dapita. Ipaabot ang usa ka personal nga pagdapit ngadto sa mga miyembro nga may mga kakulangan ug sa ilang mga sakop sa pamilya. Pahibaloa sila sa umaabut nga mga kalihokan o mga kausaban sa mga iskedyul sa miting. Kon ikaw nakamatikod nga wala sila magsimbahan og taudtaud na, personal nga dapita sila sa pagkuyog kanimo.

• Paningkamot nga makasabut. Paningkamot nga makasabut sa indibidwal nga mga panginahanglan uban ang pagkasinsitibo ug kalooy sa dili pa motanyag og tabang. Samtang ikaw nagtabang ug nagtukod og relasyon sa pagsalig ug panaghigalaay, mahimong bation nimo nga naaghat sa pagtanyag og tabang.

Makatabang nga mga Kapanguhaan

• Joseph B. Wirthlin, “Kahingawa alang sa Usa,” Liahona, May 2008, 17–20.

• Gérald Caussé, “Kamo Karon Dili Na mga Langyaw,” Liahona, Nob. 2013, 49–51.