“Kinsa ang mga espesyalista sa kakulangan [disability specialists] ug ang mga lider sa kalihokan sa may kakulangan ug sa unsa nga paagi sila makatabang?” Mga Serbisyo sa may Kakulangan: Mga Lider (2020)
“Kinsa ang mga espesyalista sa kakulangan [disability specialists] ug ang mga lider sa kalihokan sa may kakulangan ug sa unsa nga paagi sila makatabang?” Mga Serbisyo sa may Kakulangan: Mga Lider
Kinsa ang mga espesyalista sa kakulangan [disability specialists] ug ang mga lider sa kalihokan sa may kakulangan ug sa unsa nga paagi sila makatabang?
Mga Espesyalista sa Kakulangan
Ang usa ka bishopric o kapangulohan sa stake mahimong motawag og usa ka espesyalista sa kakulangan aron sa pagtabang sa mga indibidwal ug mga pamilya kinsa may mga kakulangan o kinsa mga tig-amuma niadtong kinsa may mga kakulangan (tan-awa sa Kinatibuk-ang Tamdanan nga Basahon: Pagserbisyo diha sa Ang Simbahan ni Jesukristo sa mga Santos sa Ulahing mga Adlaw, 38.8.31.2). Ang tahas sa usa ka espesyalista sa kakulangan [disability specialist] mao ang pagtabang nga masayon ang pagpadaghan sa moapil ug sa paglakip sa mga miyembro sa Simbahan nga may mga kakulangan; bisan pa niana, ang responsibilidad alang sa pag-amuma sa uban responsibilidad sa tanan (tan-awa sa Mosiah 18:8–9).
Alang sa dugang nga impormasyon kabahin sa tahas sa usa ka espesyalista sa kakulangan o unsaon sa pagsugod isip usa ka espesyalista sa kakulangan, adto sa My Calling: Disability Specialist.
Mga Lider sa Kalihokan sa may Kakulangan (tan-awa sa Kinatibuk-ang Tamdanan nga Basahon, 38.8.31)
Ang hamtong nga mga miyembro mahimong tawagon isip mga lider sa kalihokan sa may kakulangan. Kini nga mga lider magplano ug maghimo og programa sa kalihokan sa may kakulangan. Sila mokonsulta sa mga espeyalista sa kakulangan sa ward ug sa stake (tan-awa sa Kinatibuk-ang Tamdanan nga Basahon, 38.8.31) aron sa pagdapit sa mga miyembro nga may kakulangan nga moapil. Sila magtinambagay kon unsaon sa pagtubag sa panginahanglan niadto nga mga miyembro.
Ang mga lider sa kalihokan sa may kakulangan gitawag ug gi-set apart ubos sa direksiyon sa tinugyanan nga bishop ug sa tinugyanan nga presidente sa stake. Ang presidente sa stake mahimo usab nga motahas sa usa ka high councilor aron sa pagserbisyo isip lider sa kalihokan sa may kakulangan.
Ang mga lider nga nagserbisyo sa bisan unsang edad nga may kakulangan mokompleto sa pagbansay sa ProtectingChildren.ChurchofJesusChrist.org. Alang sa dugang panginahanglanon sa kasiguroan alang sa mga lider, tan-awa sa disability.ChurchofJesusChrist.org.
Kon dapiton, ang mga lider sa kalihokan sa may kakulangan mahimong motambong sa mga miting sa pagpangulo sa stake o sa ward.
Mga giya alang sa mga programa sa kalihokan sa may kakulangan. Ang mga programa sa kalihokan sa may kakulangan giorganisar aron matabangan ang mga partisipante nga molambo sa espiritwal, sosyal, pisikal, ug intelektwal nga paagi (tan-awa sa Lucas 2:52). Ang mga lider motino sa kasagad sa mga kalihokan. Ikonsiderar nila ang gidaghanon sa mga partisipante, gilay-on sa mga biyahe, ug uban pang mga kahimtang.