“Sa unsa nga paagi ako makapangalagad ngadto sa usa ka tawo nga may kakulangan ug sa ilang pamilya?” Mga Serbisyong Pangkakulangan: Mga Lider (2020)
“Sa unsa nga paagi ako makapangalagad ngadto sa usa ka tawo nga may kakulangan ug sa ilang pamilya?” Mga Serbisyong Pangkakulangan: Mga Lider
Sa unsa nga paagi ako makapangalagad ngadto sa usa ka tawo nga may kakulangan ug sa ilang pamilya?
Mipasabut si Elder Jeffrey R. Holland: “Tingali dili nato mausab ang panaw, apan masiguro nato nga walay maglakaw nga mag-inusara. Sa pagkatinuod mao kana ang gipasabut sa pagtambayayong sa usag usa nga mga palas-unon.”1
Usa sa labing maayo nga mga paagi sa pagpangalagad ug sa pagtabang sa mga miyembro nga may kakulangan, sa ilang mga pamilya, ug sa ubang mga tig-amuma mao ang pagpakahigala. Kasagaran kini nga mga indibidwal ug mga pamilya nagpas-an og dako kaayo nga pisikal, pinansyal, og emosyonal nga mga palas-unon. Ang pagbaton og usa ka higala o usa ka tawo nga ilang kasaligan diha sa ward mahimong importante kaayo sa pagtabang kanila nga magpabiling aktibo sa Simbahan bisan pa sa makasanap nga mga hagit nga ilang gisinati. Kon mahimo kitang usa ka higala, makatabang usab kita sa pagtambayayong sa usag usa nga mga palas-anon (tan-awa sa Mosiah 18:8–9).
Makatabang ang Ginoo kanimo nga mahibalo kon unsay buhaton samtang ikaw nagsugod sa pag-ila-ila sa mga miyembro ngadto kang kinsa ikaw mangalagad, mahimong masuheto sa ilang mga panginahanglan, ug modangup ngadto sa mga kasulatan ug mag-ampo. Hinumdumi nga ang mga miyembro nga may kakulangan ug ang ilang mga pamilya sa kinatibuk-an mao ang labing maayo nga kapanguhaan sa ilang kakulangan. Sila nakahibalo mahitungod sa ilang mga kalig-on ug mga hagit nga moabut uban sa usa ka piho nga kakulangan ug sa kasagaran makatabang kanimo sa pag-ila kon asa gikinahanglan ang tabang.