“Pasiuna,” Mga Serbisyong Pangkakulangan: Mga Lider (2020)
“Pasiuna,” Mga Serbisyong Pangkakulangan: Mga Lider
Pasiuna
Ang atong Manluluwas, si Jesukristo, mao ang atong labing halangdong ehemplo sa pagtabang sa uban nga mobati nga giapil sa Iyang Simbahan ug sa pagtabang ngadto sa “usa ka tawo.” Si Elder Joseph B. Wirthlin mipasabut:
“Siya gialirongan sa daghang mga tawo ug namulong sa mga liboan, apan bisan pa niana Siya adunay kahingawa alang sa usa. ‘Kay ang Anak sa Tawo mianhi aron sa pagluwas sa nawala’ (Mateo 18:11), miingon Siya. ‘Kinsa bang tawhana kaninyo, nga may usa ka gatus ka mga karnero, nga kon kawad-an siyag usa ka buok niini, dili mobiya sa kasiyaman ug siyam diha sa kaawaawan ug moadto sa pagpangita niadtong usa nga nawala, hangtud nga hikaplagan niya kini?’ (Lucas 15:4).
“Kini nga panudlo alang sa tanan kinsa mosunod kaniya. Kita gisugo sa pagpangita niadtong kinsa nawala. Kita mamahimong tigbantay sa atong mga igsoon. Dili kita makapasagad niini nga pasalig nga gihatag sa atong Manluluwas. Kita kinahanglan nga mahingawa sa usa.”1
Gitudlo ni Elder Jeffrey R. Holland: “Isip mga miyembro sa Simbahan, kitang tanan ania niini nga biyahe. Ang atong edad ug kasinatian kanunay nga magkalahi, ingon man sa atong mga pinulungan, mga kultura, ug sa ang-ang sa atong panabut sa ebanghelyo. Apan bisan unsa pa man ang inyong mga kahimtang, gidawat namo kamo. Ingon sa gisulti ni Apostol Pablo, ‘Kamo … [karon] mga katagilungsod sa mga balaan, ug mga sakop sa panimalay sa Dios’ (Mga Taga-Efeso 2:19), ug nagpasabut kana nga magtambayayong kita niini.”2