“Unsaon nako pagtabang ang mga sakop sa klase nga mobati nga giapil?” Mga Serbisyong Pangkakulangan: Mga Lider (2020)
“Unsaon nako pagtabang ang mga sakop sa klase nga mobati nga giapil?” Mga Serbisyong Pangkakulangan: Mga Lider
Unsaon nako pagtabang ang mga sakop sa klase nga mobati nga giapil?
“Ang tanan nga gihimo sa Manluluwas sa tibuok Niyang yutan-ong pangalagad nadasig sa gugma—Iyang gugma alang sa Iyang Amahan ug Iyang gugma alang kanatong tanan. Pinaagi sa gahum sa Espiritu Santo, mahimo kitang mapuno uban niining sama nga gugma samtang maningkamot kita nga mahimong tinuod nga mga sumusunod ni Kristo (tan-awa sa Juan 13:34–35; Moroni 7:48; 8:26). Uban sa Kristohanong gugma diha sa atong mga kasingkasing, mangita kita sa matag posible nga paagi sa pagtabang sa uban nga makat-on kabahin ni Kristo ug moduol ngadto Kaniya. Ang gugma mao ang rason ug ang hinungdan sa atong pagtudlo”(Pagtudlo sumala sa Pamaagi sa Manluluwas, leksyon 1).
Ang mga indibidwal nga may kakulangan kinahanglan nga hatagan og oportunidad sa pagkat-on, pagtudlo, ug pagserbisyo sa labing maayo sa ilang mga abilidad. Isip usa ka magtutudlo, kini importante nga ikaw magmugna og kahimtang sa gugma ug pag-apil. Paningkamot sa pagsabut niadtong imong gitudloan ug sa ilang indibidwal nga mga panginahanglan. Mitambag si Presidente M. Russell Ballard: “Nag-awhag ako sa matag miyembro sa Simbahan, kon ikaw nagserbisyo isip usa ka magtutudlo, sa paghinumdom nga matag tawhanong kalag bililhon ngadto sa atong Amahan sa Langit, tungod kay tanan kita iyang mga anak. Ang mga anak sa Dios may katungod nga matudloan sa mga kamatuoran sa ebanghelyo sa tin-aw ug masabtan nga mga pulong aron ang Espiritu makapamatuod sa mga kamatuoran sa ebanghelyo ngadto kanila.”
Ang mga indibidwal nga may mga kakulangan mahimong mangayo og mga lugar diha sa lawak klasehanan aron sa pagtabang kanila sa pagkat-on ug mobati nga giapil. Pakigsulti sa mga indibidwal mahitungod sa mga pagpahiluna nga ilang gikinahanglan aron sa hingpit makaapil sa pagkat-on sa ebanghelyo. Kon magtudlo sa mga kabataan ug sa mga kabat-onan, mahimo ka usab nga magpakitambag sa ilang mga ginikanan, magbalantay, o tig-amuma mahitungod sa mga pagpahiluna nga ilang gikinahanglan. Pinaagi sa yano nga mga pagpahiangay diha sa lawak klasehanan, makapalambo ka og pagkat-on alang sa tanan. Pipila ka mga ehemplo sa yanong mga pagpahiluna naglakip sa mosunod:
-
Gamit sa adunay gisulat sa ubos sa salida [closed captions] kon magpakita og mga video.
-
Itugot ang sobra nga oras sa pagtubag sa mga pangutana.
-
Tuguti ang mga estudyante nga magtrabaho sa ginagmay nga mga grupo.
-
Paghimo og dagko nga pagka-imprinta nga mga materyal aron mabasa sa mga estudyante.
-
Paggamit og lainlaing mga paagi sa paghatag sa mga leksyon, lakip ang mga hulagway, mga butang, mga litrato, ug mga video.
-
Alang sa mga estudyante kinsa walay sosyal nga mga kahanas og kulang sa paghunahuna [nonverbal students], pagtanyag og duha ka mga kapilian tali sa duha ka mga butang aron sa pagtugot kanila sa pagpakita sa tubag pinaagi sa pagtudlo o pagtutok sa tubag.
-
Bahina ang mga buluhaton o mga paghangyo ngadto sa ginagmay nga mga bahin. Sama pananglit, kay sa mohangyo og usa ka tawo sa pag-andam alang sa pag-ampo, mahimo nimong bahinon ang buhat ngadto sa ginagmay nga mga bahin sa pagkyugpos sa mga bukton, pagduko, ug sa pagpiyong sa mga mata. Pangandam sa paggamit og pagbalik-balik sa pagtudlo.
-
Gamit og mga ideya sa pagtudlo sama sa pag-role play, pagkanta, mga leksyon nga naggamit og butang, ug ubang mga biswal nga mga tabang sa pagpakita og lisud nga mga konsepto. Bahina ang lisud nga mga konsepto ngadto sa yano nga mga bahin.
-
Pagmainampuon sa pagpili og mga oportunidad alang sa mga miyembro nga may mga kakulangan aron makaapil sa mga leksyon. Ang mga ehemplo mahimong mag-apil sa pagpili og musika, pagbasa og kasulatan, pagpakita og hulagway, pakigbahin og pagpamatuod, ug pagtubag sa mga pangutana.