Pagtudlo sa nga Bata mga adunay mga Kakulangan
Ang Manluluwas nagtudlo, “Ug ang tanan ninyo nga mga anak pagatudloan mahitungod sa Ginoo; ug hilabihan ang kalinaw sa inyong mga anak” (3 Nephi 22:13).
Ang mga lider sa Primary dunay importanting responsibilidad sa pagtudlo sa ebanghelyo ni Jesukristo sa tanang mga bata, lakip sa adunay mga kakulangan. Ang Primary mao ang dapit diin ang matag bata kinahanglan nga maabi-abi, mahigugma, ug maatiman, ug malakip. Niini nga kahimtang mas sayon alang sa tanang bata ang pagsabut sa gugma sa atong Langitnong Amahan ug ni Jesukristo ug sa pagbati ug pag-ila sa impluwensya sa Espiritu Santo.
Ang matag bata bililhon sa Dios. Ang matag usa nagkinahanglan sa gugma, respeto ug suporta.
Pakigtambag sa uban samtang magbuhat ka sa pagsangkap sa mga panginahanglan sa mga bata sa imong Primary nga adunay mga kakulangan.
-
Pakigtambag sa mga ginikanan sa bata. Ang mga ginikanan sa kasagaran mas nakaila sa ilang mga anak kay sa uban. Makatudlo sila kon unsaon nimo sa pagsangkap ang iyang mga panginahanglan, unsa ka taas ang iyang atensyon, ug sa iyang paborito nga mga paagi sa pagkat-on. Sama pananglit, ang pipila ka mga bata mas dali nga mosanong sa musika, ang uban sa mga istorya, mga hulagway, sa mga kasulatan, o sa paglihok-lihok. Gamita ang lain-laing pamaagi sa pagtudlo, nga magsiguro sa paglakip sa mga pamaagi nga ang mga bata mas dali nga makakat-on.
Ang pipila ka mga bata nga adunay mga kakulangan mas daling mosanong ngadto sa mga biswal nga ilhanan. Gamita ang mga ilhanan sama sa gipakita dinhi sa pagpakita nga oras na sa pag-ampo, sa paghilom, o sa pagpanganta.
Ang mga hulagway anaa sa sharingtime.lds.org
I-klik dinhi alang sa mga hulagway.
-
Pakigtambag sa ubang mga lider sa Primary ug mga magtutudlo. Pag-ampo ug pagtinabangay sa buhat aron makakita og mga paagi sa pagtabang sa matag bata sa pagkat-on sa ebanghelyo ni Jesukristo ug mobati nga gihigugma.
-
Pakigtambag uban sa ward council. Ang mga priesthood ug ubang lider sa auxiliary adunay mga ideya kon unsaon sa pagtabang sa mga bata nga may espesyal nga panginahanglan. Sa usa ka ward, ang grupo sa mga high priest mitanyag sa paghatag og “apohan nga lalaki alang sa Primary” sa pagtapad matag semana sa usa ka batang lalaki nga may autism. (Mas maayo kon, kanunay nga mao gihapon kining tawhana matag semana.) Nakatabang kini sa bata nga makahatag og pagtagad sa leksyon ug mobati nga gihigugma.
Si Elder M.Russell Ballard mitudlo, “Klaro kaayo, nga kadtong gisaligan nianang bililhong mga anak gihatagan sa sagrado, halangdon nga pagkatinugyanan, kay kita ang gipili sa Dios nga magpalibut sa mga bata karon uban sa gugma ug sa kainit sa hugot nga pagtuo ug sa usa ka panabut kon si kinsa sila” (“Great Shall Be the Peace of Thy Children,” Ensign, Abr. 1994, 60).