Pebrero
Ang Kalibutan Gihimo alang sa mga Anak sa Langitnong Amahan
“Kita magbuhat og usa ka yuta diin kini sila mahimo nga makapuyo; ug kita mosulay kanila dinhi, aron pagsuta kon sila mobuhat ba sa tanan nga mga butang bisan unsa ang isugo sa Ginoo nga ilang Dios ngadto kanila” (Abraham 3:24–25).
Dugangi ang mga ideya nga gihatag dinhi og pipila nga imong mahunahunaan. Matag semana, pagplano og mga paagi sa (1) pag-ila sa doktrina, (2) pagtabang sa mga bata sa pagsabut niini, ug (3) pagtabang kanila nga magamit kini sa ilang kinabuhi. Pangutan-a ang imong kaugalingon, “Unsa ang buhaton sa mga bata aron makakat-on, ug unsaon nako sa pagtabang nga mobati sila sa Espiritu?”
Semana 1: Gihimo ni Jesukristo ang kalibutan ubos sa direksyon sa Langitnong Amahan.
Ilha ang doktrina (pagtan-aw og mga litrato): Pagpakita og litrato sa kalibutan ug pangutan-a ang mga bata kon kinsa ang naghimo sa kalibutan. Ipasabut nga si Jesukristo mihimo sa kalibutan ubos sa direksyon sa Langitnong Amahan. Dayon pagpakita og litrato ni Jesukristo ug dapita ang mga bata sa pagsulti sa, “Si Jesukristo mihimo sa kalibutan.”
I-awhag ang pagsabut (pag-drawing og mga litrato): Sultihi ang mga bata nga ang porsyon sa plano sa Langitnong Amahan alang sa kalipay mao nga ang kalibutan himoon diin kita makabaton og lawas aron molambo ug makakat-on. Pag-drawing og unom ka may numero nga mga lingin sa pisara. Bahina sa unom ka grupo ang mga bata, ug hangyoa ang matag grupo sa pagbasa og usa sa mosunod nga mga linya sa kasulatan kabahin sa unom ka adlaw nga Paglalang: Genesis 1:1–5 (adlaw 1); Genesis 1:6–8 (adlaw 2); Genesis 1:9–13 (adlaw 3); Genesis 1:14–19 (adlaw 4); Genesis 1:20–23 (adlaw 5); Genesis 1:24–31 (adlaw 6). Dapita ang matag grupo sa tinagsa nga pag-adto sa atubangan, mosulti sa ubang mga bata unsay nahitabo nianang adlawa sa ilang gibasa, ug sa pag-drawing og litrato nga nagrepresentar nianang adlawa diha sa katugbang nga lingin. Basahon og dungan ang Genesis 2:1–3. Ribyuha uban sa mga bata unsay nahitabo sa matag adlaw sa Paglalang.
Semana 2: Ang pagkapukan usa ka bahin sa plano sa Dios.
Ilha ang doktrina (pagtan-aw og litrato): Pagpakita og litrato ni Adan ug ni Eva. Sultihi ang mga bata nga si Adan ug si Eva maoy unang tawo nga mianhi sa yuta ug nakadawat og lawas; gibutang sila sa tanaman sa Eden. Ipasabut nga dihang mibiya sila sa tanaman, kita makaanhi na usab sa yuta; ang ilang pagbiya sa tanaman gitawag og Pagkapukan. Isulat sa pisara ang “Ang Pagkapukan usa ka bahin sa plano sa Dios”, ug pasultiha ang mga bata niini dungan nimo.
I-awhag ang pagsabut (paghisgot sa doktrina): Pag-drawing og duha ka lingin, ug sulati ang usa og kalibutan sa espiritu [kinabuhi sa wala pa dinhi sa yuta] ug ang usa kalibutan. Ipasabut nga dihang si Adan ug si Eva didto sa Tanaman sa Eden, didto kita sa kalibutan sa espiritu. Pagpakita og litrato sa pipila ka mga bata, ug ipapilit kini sa pisara sulod sa “kalibutan sa espiritu” nga lingin. Ipasabut nga human si Adan ug Eva mibiya sa tanaman, makaanhi na kita sa kalibutan. Pagdapit og usa ka bata sa pagbalhin sa litrato sa mga bata ngadto sa “kalibutan” nga lingin. Hangyoa ang mga bata sa pagpataas sa ilang kumagko kon sa ilang pagtuo ang Pagkapukan maayo, ug pagdapit og usa ka bata nga mopasabut ngano.
I-awhag ang paggamit (pagdula og paris-paris): Pag-andam og daghang paris sa magkatugma nga mga pulong nga nagrepresentar sa mga panalangin nga atong nasinati sa mortalidad (sama pananglit, usa ka lawas, mga pamilya, pagpili tali sa maayo ug dautan, oportunidad sa pagkat-on, kahimsog ug kasakit, kalipay ug kapait). Baliha sa pagbutang ang mga papel diha sa pisara. Pagdapit og mga bata nga magbanus-banos sa pagpili og duha ka papel sa pagsusi kon nagtugma ba ang mga pulong. Kon ang katugma nakit-an, hisguti kon nganong kini usa ka panalangin.
Semana 3: Gipadala ko sa kalibutan sa pag-angkon og lawas ug masulayan.
Ang mga bata maoy pinakamaayo nimo nga visual aid.
Gipadala ko sa kalibutan sa pag-angkon og ________ ug masulayan.
Ilha ang doktrina (pagtan-aw og usa ka biswal): Isulat sa pisara ang, “Gipadala ko sa kalibutan sa pag-angkon og __________ ug masulayan.” Pagdapit og bata nga moadto sa atubangan ug i-drawing ang iyang lawas diha sa pisara o sa lapad nga papel. Hangyoa ang mga bata sa pagsulti nimo kon unsay gi-drawing (lawas). Sulati ang blangko ug padungana og sulti sa sentence ang mga bata.
I-awhag ang pagsabut ug paggamit (pag-apil sa usa ka pisikal nga kalihokan): Paghimo og butang nga matuyok [spinner] diin ika-display ang mga litrato sa mga parte sa lawas (tan-awa ang sanglitanan sa ubos). Hisguti ang mga butang nga mahimo sa atong lawas, ug dapita ang mga bata sa paghimo niini uban nimo (sama pananglit, pagkitoy sa imong mga tudlo, pagbundak sa imong tiil, ug pagtuyok). Ipasabut nga usa ka rason nga mianhi ta sa kalibutan mao ang pagsulay aron pagsuta kon mogamit ba kita sa atong lawas sa pagtuman sa mga pagtulun-an sa Amahan. Dapita ang mga bata sa pagtuyok sa pointer ug mosulti unsaon nila paggamit kana nga parte sa lawas sa pagtuman sa Langitnong Amahan. (Kon dili ka makahimo og spinner, itudlo lang ang lain-laing parte sa lawas ug hangyoa ang mga bata sa pagsulti kanimo kon unsaon nila sa paggamit kana nga parte sa ilang lawas sa pagtuman sa Langitnong Amahan.) Dapita ang mga bata sa pagkanta sa “I Have Two Ears” (CS, 269).
Ang spinner anaa sa sharingtime.lds.org
Semana 4: Kon mosunod ko sa mga sugo, makapuyo ko og balik sa Langitnong Amahan.
Ilha ang doktrina (pagpanganta): Isulat sa pisara ang, “Kon mosunod ko sa mga _______________, makapuyo ko og balik uban sa Langitnong Amahan.” I-hum ang “Ato nga Sundon ang Kasugoan” (SB, 68). Dapita ang mga bata sa pagbarug kon mahibaloan nila unsa kanang kantaha ug moapil sa pag-hum. Pangutan-a: “Unsay angay natong buhaton aron makabalik ta sa Langitnong Amahan?” Isulat ang “mga sugo” sa luna diha sa pisara. Dapita ang mga bata sa pagkanta dungan nimo.
I-awhag ang pagsabut (paghisgot sa mga sugo): Pagdapit og pipila ka mga bata nga mopakigbahin og pipila ka balaod nga gihimo sa ilang mga ginikanan nga naghimo sa ilang pamilya nga luwas. Pangutan-a: “Unsay mahitabo kon motuman mo sa balaod?” Isulat ang ilang mga sugyot diha sa pisara. Ipasabut nga ang mga ginikanan nagpakita og gugma kon maghimo sila og balaod. Pangutan-a: “Unsay mahitabo kon motuman kita sa mga sugo sa Langitnong Amahan?” Isulat sa pisara ang komentaryo sa mga bata. Ipasabut nga ang pamilya luwas kon sundon ang balaod sa ilang mga ginikanan, ang pagsunod sa mga sugo sa Langitnong Amahan maghimo sab nilang luwas. Ipamatuod nga kon mosunod kita sa mga sugo, makapuyo kita og balik uban Kaniya.
Anaa kini sa sharingtime.lds.org
I-awhag ang paggamit (pagbasa sa mga kasulatan): Hatagi ang bata og lapis ug papel nga gibahin sa upat ka seksyon, nga sulatan ang matag seksyon sa usa sa mosunod nga mga reference sa kasulatan: D&P 1:37, D&P 10:5, D&P 59:9–10, ug D&P 119:4. Hangyoa ang mga bata nga dungang magbasa sa matag kasulatan, hisguti ang sugo nga gihulagway, ug sa pag-drawing og litrato niana nga sugo diha sa ilang papel. Kon mahuman na sila, dapita ang mga bata sa pagpakigbahin kon sa unsang paagi ang pagtuman sa mga sugo mag-andam kanila nga makabalik sa Langitnong Amahan.