Mataupu Faavae ma Feagaiga 135–136

Mataupu Faavae ma Feagaiga 135–136

Vaaiga Aoao

O leMataupu Faavae ma Feagaiga 135 na faailoa mai ai le faamaturoina o le Perofeta o Iosefa Samita ma molimau mai i le ala na faamanuiaina ai i tatou e le Alii e ala mai ia te ia. Ina ua mavae le maliu o Iosefa, sa le mautinoa e tagata o le Ekalesia po o ai o le a taitaia i latou ae sa latou aoaoina o ki o le malo sa umia e le Korama a Aposetolo e Toasefululua i lalo o Polika Iaga. Sa faifai malie ona malaga atu le Au Paia i sisifo i le Aai o Sate Leki. E le mafaitaulia isi paionia i le lalolagi atoa o loo faaauau pea ona faaalia lea lava faatuatua e tasi i le Alii.

Valaaulia tagata aoao e faasoa mai: O le valaaulia o tagata aoga e faasoa mai e faigofie lava ona faia e ala i le uunaia o tagata aoga ma tuu atu ia i latou se avanoa e faasoa mai ai. Sue ni taimi i le lesona pe a mafai ona e uunaia tagata aoga e mafaufau loloto i o latou lagona e uiga i se mea, ona fai atu lea ia i latou e faasoa mai o latou lagona pe tusi o latou lagona ona faasoa mai lea. O le faaleo atu o mafaufauga ma lagona e mafai ona fesoasoani ia i latou e maua ai le talitonuga mautinoa i le faailoaina atu o molimau. Mo nisi faamatalaga i le ala na faia ai e le Faaola lenei mea, tagai i le vaega lea “Na Saunia e le Faaola Avanoa mo Tagata ina ia Aoaoina e le Agaga Paia” i le Aoao Atu i le Ala a le Faaola. E mafai foi ona e vaai i se faataitaiga o le auala e faia ai lenei mea i le lesona i lenei vaiaso ua faaulutalaina “Mataupu Faavae ma Feagaiga 135.”

Ia saunia e aoao atu

O lenei faamatalaga e tuuina atu ai ni manatu o mea atonu e te manaomia ona muai saunia ai mo lesona taitasi.

Mataupu Faavae ma Feagaiga 135

Faamoemoega o le lesona: Ina ia fesoasoani i tagata aoga e faamalosia a latou molimau o Iosefa Samita o le Perofeta a le Atua o le Toefuataiga.

• Sauniuniga a le tagata aoga: Valaaulia tagata aoga e mafaufau i a latou molimau o Iosefa Samita o le Perofeta o le Toefuataiga ma pe na faapefea ona fesoasoani mea sa ia faia ia i latou e o mai ai ia Iesu Keriso (tagai Mataupu Faavae ma Feagaiga 135:3).

• Ata e faaali atu: O Le Perofeta o Iosefa Samita

• Vitio: “Iosefa Samita—Perofeta o le Toefuataiga” (13:09; matamata mai le faailo taimi 0:00 i le 3:04) po o le “Iosefa Samita: O Le Perofeta o le Toefuataiga” (1:02:04; matamata mai le faailo taimi 55:50 i le 59:51); “Shall We Not Go On in So Great a Cause?” (18:46; matamata mai le faailo taimi 15:52 i le 16:28)

• Musika: O se pu’ega o le “Viia Le na Fetaia’i ma Ieova” (Viiga, nu. 15)

Faasologa i le Au Peresitene

Faamoemoega o le lesona: Ina ia fesoasoani i tagata aoga ia faateleina lo latou talitonuga o loo faaauau pea ona taitai e le Alii Lana galuega e tusa lava pe maliu se perofeta.

• Sauniuniga a le tagata aoga: Mafaufau e valaaulia tagata aoga e saili mo mau, faamatalaga mai taitai o le Ekalesia, ma isi punaoa mamana ua filifilia e fesoasoani ia latou ia iloa ai o le perofeta a le Ekalesia o le auauna filifilia a le Alii.

• Pepa e tufa atu: “O Ai e Mulimuli i Ai pe a uma Iosefa Samita”

Mataupu Faavae ma Feagaiga 136

Faamoemoega o le lesona: Ina ia fesoasoani i tagata aoga ia malamalama o le a faamanuiaina i latou e le Tama Faalelagi a o latou taumafai e tausia a latou feagaiga e usitai i Ana poloaiga.

• Sauniuniga a le tagata aoga: Atonu na maua e tagata aoga le tele o avanoa e aoao ai e uiga i feagaiga mai a latou suesuega o le Mataupu Faavae ma Feagaiga. Valaaulia i latou e mafaufau i faamanuiaga ua latou maua a o latou taumafai e osia ma tausia a latou feagaiga e usitai i poloaiga a le Alii.

• Aitema e faaali mai: Ata o se taavale solofanua o loo kavaina; faafanua o le alasopo a paionia

• Vitio: “Ua Faaauau Pea le Savaliga!” (13:30; matamata mai le faailo taimi 5:14 i le 11:02); “Leoleoina e le Atua: O le Malaga a Elisapeta Panting i Siona” (16:20; matamata mai le faailo taimi 07:50 i le 11:16)

• Aitema e saunia ai: Tala na filifilia mai le Au Paia: O Le Tala o le Ekalesia a Iesu Keriso o le Au Paia i Aso e Gata Ai, vol. 2, Leai se Lima Eleele, 1846–1893 (2020), 58–96 ma mai “Paionia” po o le “The Trek West” i le ChurchofJesusChrist.org

O Paionia i Atunuu Uma

Faamoemoega o lesona: Ina ia fesoasoani i tagata aoga ia lagonaina se manao e avea ma paionia e ala i le saunia o le ala mo isi e mulimuli ai ia Iesu Keriso.

• Sauniuniga a le tagata aoga: Valaaulia tagata aoga e aoao e uiga i se tuaa na auai i Le Ekalesia a Iesu Keriso o le Au Paia o Aso e Gata Ai ma mafaufau loloto pe na faapefea ona faamanuiaina i latou i le faaiuga a o latou tuaa. Afai o tagata aoga o nisi ia o tagata muamua i o latou aiga e auai i le Ekalesia, e mafai ona latou tomanatu pe aisea na latou filifili ai e mulimuli ia Iesu Keriso e ala i le papatisoina ma le auala o le a tosina ai tupulaga i le lumanai. E mafai ona e valaaulia tagata aoga e faasoa mai a latou tala i le vasega.

• Ata e faaali atu: O se taavale tosolima

• Vitio: “LDS Women are Incredible!” (16:18; matamata mai le faailotaimi 2:12 seia oo i le 3:05)

• Pepa e tufa atu: “Paionia i le salafa o le Lalolagi”