Դաս 155․ Հավատո Հանգանակը և Պաշտոնական հայտարարություններ 1 և 2

Պաշտոնական hայտարարություն 1

«Տերը ցույց տվեց ինձ՝ տեսիլքի և հայտնության միջոցով»

Մոտավորապես 50 տարի Եկեղեցու որոշ անդամների կողմից բազմամուսնություն էր կիրառվում՝ կատարելով Տիրոջ պատվիրանը: 1890 թվականին Տերը պատվիրեց նախագահ Վիլֆորդ Վուդրուֆին (1807–98) հայտարարել Եկեղեցում բազմամուսնության կիրառման դադարեցման մասին: Այս դասը կարող է օգնել ուսանողներին հասկանալ, որ Տերը ղեկավարում է Եկեղեցին Իր մարգարեներին տրված հայտնությունների միջոցով։

Հնարավոր ուսումնական վարժություններ

Այս դասը նվիրված է Տիրոջ պատվիրանին՝ ուղղված Սրբերին․ դադարեցնել բազմամուսնության կիրառումը: Նախքան այս դասն ուսուցանելը՝ օգտակար կլինի վերանայել «Վարդապետություն և Ուխտեր 132.1–2, 34–66» դասի նյութերը․ դա կօգնի այն ուսանողներին, որոնք դեռևս կարող են հարցեր ունենալ բազմամուսնության վերաբերյալ:

Աստված հայտնում է Իր կամքն Իր զավակներին

Խրախուսեք ինքնավերլուծությունը և գնահատումը։ Դա անելու վերաբերյալ լրացուցիչ ուսուցում ստանալու համար տես «Ստեղծեք պայմաններ և հնարավորություններ, որպեսզի սովորողներն ուսուցանվեն Սուրբ Հոգով» վերնագրով դասընթացը, որը հասանելի է Ուսուցչի կատարելագործման հմտություններ․ Ուսուցանեք Հոգով ուսուցողական նյութում։ Փորձեք՝ ստեղծելով ուսանողների ինքնագնահատում վարդապետության, ճշմարտության կամ սկզբունքի վերաբերյալ:

Կարող եք սկսեք դասը՝ առաջարկելով որևէ ուսանողի կարդալ կամ ասել Հավատո Հանգանակը 1.9 հատվածը: Այնուհետև օգնեք ուսանողներին գնահատել իրենց համոզմունքն այն մասին, որ Աստված հայտնում է Իր կամքն Իր զավակներին մարգարեների միջոցով: Կարող եք ցուցադրել հետևյալը և ուսանողներին ժամանակ տալ՝ լուռ մտածելու իրենց պատասխանների մասին:

Ստորև բերված պնդումների վերաբերյալ ընտրեք այն տարբերակը (գիտեմ, հավատում եմ, թերևս հավատում եմ, չգիտեմ, թե արդյոք), որը լավագույնս արտահայտում է այն, թե ինչպես կլրացնեիք հետևյալ արտահայտության դատարկ տեղում. «Ես դա ճիշտ է»:

• Աստված Իր կամքը հայտնել է Իր զավակներին՝ Իր մարգարեների միջոցով:

• Աստված Իր կամքը ներկայումս հայտնում է Իր զավակներին՝ Իր մարգարեների միջոցով:

• Աստված դեռ կհայտնի Իր կամքը Իր զավակներին՝ Իր մարգարեների միջոցով:

Առաջարկեք ուսանողներին մտածել, թե ինչու իրենք պատասխանեցին հենց այդպես։ Մի քանի ուսանողի կարող եք առաջարկել կիսվել:

Բացատրեք, որ այսօրվա դասի ընթացքում կուսումնասիրեք Եկեղեցու պատմությունից մի օրինակ, որը ցույց է տալիս, թե ինչպես է Տերը առաջնորդում Իր Եկեղեցին՝ Իր մարգարեներին տրվող շարունակական հայտնության միջոցով: Խրախուսեք նրանց ուշադրություն դարձնել Հոգու հուշումներին, որոնք կարող են օգնել նրանց ճանաչել Տիրոջ կողմից շարունակական հայտնություն ստանալու օրհնությունը:

Պաշտոնական hայտարարություն 1

Օգնեք ուսանողներին հասկանալ, որ Պաշտոնական հայտարարություն 1-ը վերաբերում է Սրբերին տրված Տիրոջ պատվիրանին՝ դադարեցնել բազմամուսնության կիրառումը: Առաջարկեք ուսանողներին իրենց սուրբ գրություններում՝ Պաշտոնական հայտարարություն 1-ի սկզբում գտնել ներածական պարբերությունը։ Անհրաժեշտության դեպքում ներածության տպագիր օրինակներ տրամադրեք այն ուսանողներին, որոնք օգտվում են սուրբ գրությունների հին հրատարակությունից։

Կարդացեք Պաշտոնական հայտարարություն 1-ի ներածությունը՝ փնտրելով, թե ինչ է այն ուսուցանում Սրբերի կողմից բազմամուսնության կիրառման մասին:

• Ի՞նչը խանգարեց, որ Սրբերը շարունակեն կիրառել բազմամուսնությունը:

Որպեսզի օգնեք ուսանողներին ավելին հասկանալ այդ խոչընդոտների մասին, կարող եք կարդալ կամ ամփոփ ներկայացնել հետևյալ պարբերությունները: Կարող եք նաև առաջարկել որևէ ուսանողի կարդալ դրանք դասարանի համար։

Երբ 1800-ականների կեսերին Սրբերը հաստատվեցին Յուտայում, Եկեղեցու շատ անդամներ բացահայտ կերպով կիրառում էին բազմամուսնություն: Կառավարության ղեկավարներն ի վերջո ընդունեցին օրենքներ, որոնք բազմամուսնությունը անօրինական դարձրին Միացյալ Նահանգներում: Այս օրենքները պատճառ դարձան Վերջին Օրերի Սրբերի բազմաթիվ տղամարդկանց ձերբակալության և բանտարկության համար: Մյուսները թաքնվեցին՝ ձերբակալությունից խուսափելու համար (տես Saints: The Story of the Church of Jesus Christ in the Latter Days, vol. 2, No Unhallowed Hand, 1846–1893 [2020], 142, 408–9, 518–20):

Այս դժվարին հանգամանքներում նախագահ Վիլֆորդ Վուդրուֆը աղոթքով խնդրեց և առաջնորդություն ստացավ Տիրոջից։ Նա ոգեշնչում ստացավ՝ պատվիրելու Եկեղեցու ղեկավարներին այլևս չշարունակել բազմամուսնության սկզբունքի ուսուցումը։ 1890 թվականի սեպտեմբերին նախագահ Վուդրուֆը հրապարակեց մի հռչակագիր (այսօր հայտնի է որպես Պաշտոնական հայտարարություն 1): Հռչակագրում նախագահ Վուդրուֆն անդրադարձավ կեղծ հաղորդագրություններին այն մասին, որ Եկեղեցու ղեկավարները շարունակում են հրապարակայնորեն խրախուսել նոր բազմամուսնությունները (տես Սրբեր, 2․584–85, 597–601):

Այդ հռչակագիրը այժմ հայտնի է որպես Պաշտոնական հայտարարություն 1 Վարդապետություն և Ուխտեր գրքում։

Ուսանողներին հնարավորություն տվեք ուսումնասիրելու նախագահ Վուդրուֆի՝ Սրբերին տված որոշ խորհուրդներ և հրահանգներ: Անհրաժեշտության դեպքում ցույց տվեք ուսանողներին, թե սուրբ գրություններում որտեղ կարող են գտնել այն պարբերությունները, որոնք պետք է ուսումնասիրեն:

Ուսումնասիրեք հետևյալ նյութերը՝ փնտրելով նախագահ Վուդրուֆի խորհուրդները Սրբերին.

• Պարբերություններ 4–5-ը՝ Պաշտոնական հայտարարություն 1-ում (սկսած «Քանի որ օրենքները …» բառերից)

• Պարբերություններ 1–2-ը՝ Պաշտոնական հայտարարություն 1-ին հաջորդող քաղվածքներում

Եթե ​​ժամանակը թույլ տա, օգտակար կլինի առաջարկել ուսանողներին ուսումնասիրել ավելի շատ պարբերություններ քաղվածքներից: Կարող եք հանձնարարել ուսանողներին փոքր խմբերով ուսումնասիրել որոշակի պարբերություններ՝ փնտրելով, թե նախագահ Վուդրուֆն ինչ իմացավ Տիրոջից: Այնուհետև ուսանողները կարող են ամփոփել իրենց գտածը դասարանի հետ։

• Այս պարբերություններն ի՞նչ են օգնում ձեզ հասկանալ այն մասին, թե ինչպես է Փրկիչը ղեկավարում Իր Եկեղեցին:

  Մի քանի ուսանողի հնարավորություն տվեք պատասխանել վերը նշված հարցին: Նրանք կարող են բացահայտել հետևյալ սկզբունքը․ Տերը երբեք թույլ չի տա, որ Եկեղեցու նախագահը մոլորեցնի Եկեղեցին։ Տերը ղեկավարում է Իր Եկեղեցին՝ Իր մարգարեներին տրվող շարունակական հայտնության միջոցով:

• Ինչպե՞ս կարող է այս ճշմարտությունների իմացությունը օրհնել կամ ազդել ձեր կյանքի վրա:

• Ի՞նչ են այս ճշմարտություններն ուսուցանում Փրկչի մասին և ձեր վերաբերյալ Նրա ցանկության մասին։

Շարունակական հայտնություն այսօր

Նախագահ Ռասսել Մ. Նելսոնը կիսվել է հետևյալ վկայությունով․

Ես գիտեմ, որ Տերը ղեկավարում է Իր Եկեղեցու գործերը: Նա ասել է. «Ես ցույց կտամ [քեզ], որ ես ի վիճակի եմ անելու իմ սեփական գործը» [2 Նեփի 27․21]։

Հաճախ ես և իմ խորհրդականներն արցունքոտ աչքերով ականատես ենք եղել, թե Նա ինչպես է ծայրահեղ դժվարին հանգամանքներում միջամտել այն բանից հետո, երբ մենք հնարավոր ամեն բան արել էինք, և այլևս ոչինչ չէինք կարող անել: Մենք իսկապես մնում ենք զարմացած։ (Ռասսել Մ․ Նելսոն, «Ողջույնի խոսք», Լիահոնա, մայիս 2021, 6)

Վերը նշված ուղերձներով կիսվելուց հետո կարող եք առաջարկել ուսանողներին քննարկել ստորև ներկայացվող սցենարը դասընկերոջ կամ փոքր խմբի հետ: Յուրաքանչյուր խմբի անդամները կարող են գալ գրատախտակի մոտ և գրել իրենց պատասխաններից մի քանիսը:

• Ի՞նչ ապացույցներ եք տեսել, որ մեր օրերում Տերը շարունակում է առաջնորդել Իր Եկեղեցին՝ Իր մարգարեներին տրվող հայտնության միջոցով:

  Որոշ օրինակներ, որոնք ուսանողները կնշեն, կարող են ներառել մարգարեների և առաքյալների ուղերձները, որոնցով նրանք կիսվել են գերագույն համաժողովում, ինչպես նաև կարևոր ճշմարտությունների հռչակումը և պաշտպանությունը, որոնք պարունակվում են «Ընտանիք՝ Հայտարարություն աշխարհին», «Կենդանի Քրիստոսը. Առաքյալների վկայությունը» և «Հիսուս Քրիստոսի ավետարանի լրիվության վերականգնումը. Երկուհարյուրամյա հռչակագիր աշխարհին» նյութերում։

• Իր մարգարեների միջոցով Տիրոջ կողմից տրված շարունակական հայտնությունը ինչպե՞ս է օրհնել ձեր կյանքը:

Ցուցադրեք հասկացողություն

Որպեսզի օգնեք ուսանողներին ցուցադրել իրենց հասկացողությունն այն մասին, թե ինչ սովորեցին այսօր, կարող եք կիսվել հետևյալ սցենարով.

Սոֆիային մտահոգում են որոշ փոփոխություններ, որոնք նա տեսել է Եկեղեցում: Նա զարմանում է, թե ինչու որոշ բաներ, որոնք մարգարեն պատվիրում է մեզ անել հիմա, տարբերվում են այն բաներից, որ նա պատվիրում էր անել, երբ Սոֆիան երիտասարդ էր:

• Ի՞նչ սովորեցիք այսօր, որը կարող է օգտակար լինել Սոֆիայի հետ կիսվելու համար:

Ուսանողները կարող են պատասխանել՝ քննարկելով սցենարը դասարանով կամ կարող եք առաջարկել նրանց դերախաղով ներկայացնել այս սցենարը զույգերով:

Վկայեք այսօր քննարկված ճշմարտությունների մասին: Խրախուսեք ուսանողներին հասկանալ, որ Իր մարգարեների միջոցով իրականացվող Տիրոջ շարունակական առաջնորդությունը կարող է օրհնություն լինել իրենց կյանքում:

Լրացուցիչ նյութեր

Որտեղի՞ց կարող եմ ավելին իմանալ բազմամուսնությունների պատմության և Հռչակագրի մասին։

• «The Messenger and the Manifesto», Revelations in Context, 323–331

• «Plural Marriage and Families in Early Utah», Gospel Topics Essays

• «The Manifesto and the End of Plural Marriage», Gospel Topics Essays

• Բաժիններ 35, 38–40, Saints: The Story of the Church of Jesus Christ in the Latter Days, vol. 2, No Unhallowed Hand, 1846–1893

Ինչպե՞ս է Փրկիչը ղեկավարում Իր Եկեղեցին՝ ապրող մարգարեին շարունակական հայտնություն տալու միջոցով:

Նախագահ Ռասսել Մ. Նելսոնը բացատրել է․

Երբ մենք հավաքվում ենք որպես Առաջին Նախագահության և Տասներկուսի Քվորումի Խորհուրդ, մեր ժողովի սենյակները դառնում են հայտնության սենյակներ: Հոգին շոշափելիորեն ներկա է լինում: Երբ մենք լուծում ենք բարդ խնդիրներ, մի հետաքրքիր գործընթաց է ծավալվում, երբ յուրաքանչյուր Առաքյալ ազատորեն արտահայտում է իր մտքերն ու տեսակետները: Թեև մենք կարող ենք տարբեր սկզբնական տեսակետներ ունենալ, սերը, որ մենք զգում ենք միմյանց հանդեպ, մնայուն է: Մեր միասնությունն օգնում է մեզ հասկանալ Տիրոջ կամքը Իր Եկեղեցու համար:

Մեր ժողովներում մեծամասնությունը երբեք չի ղեկավարում: Մենք աղոթքով լսում ենք մեկս մյուսին և խոսում միմյանց հետ, մինչև որ միավորվում ենք: Այն ժամանակ, երբ լիակատար համաձայնության ենք գալիս, Սուրբ Հոգու միավորող ազդեցությունը ցնցող է: Մենք զգում ենք այն, ինչ Մարգարե Ջոզեֆ Սմիթը գիտեր, երբ ուսուցանում էր. «Զգացումների միավորմամբ մենք զորություն ենք ձեռք բերում Աստծո հետ» [Եկեղեցու Նախագահների ուսմունքները. Ջոզեֆ Սմիթ (2007), 393-94]: Առաջին Նախագահության կամ Տասներկուսի Քվորումի ոչ մի անդամ Տիրոջ Եկեղեցու համար կայացվող որոշումները երբևէ չի թողնի իր սեփական հայեցողությանը: (Ռասսել Մ․ Նելսոն, «Հայտնություն Եկեղեցու համար, հայտնություն մեր կյանքի համար», Լիահոնա, մայիս 2018, 95)

Տասներկուսի Քվորումից երեց Քվենթին Լ Քուքն ուսուցանել է.

Մենք օրհնված ենք ապրող մարգարեներին տրվող շարունակական հայտնությամբ: …

Որոշ հայտնություններ վիթխարի նշանակություն ունեն, իսկ մյուսները մեծացնում են մեր հասկացողությունը աստվածային հիմնական ճշմարտությունների մասին և ուղեցույց են հանդիսանում մեր օրերի համար։ (Քվենթին Լ. Քուք, «Մարգարեներին տրված շարունակական հայտնության օրհնությունը և անձնական հայտնությունը՝ մեր կյանքն առաջնորդելու համար», Լիահոնա, մայիս 2020, 97)

Օժանդակ ուսումնական վարժություններ

Դասը սկսելու այլընտրանքային տարբերակ

Որպեսզի օգնեք ուսանողներին հասկանալ Աստծո կողմից՝ Իր մարգարեների միջոցով տրվող շարունակական հայտնության կարևորությունը, կարող եք նրանց տրամադրել հետևյալ սցենարը.

Պատկերացրեք, որ ձեր ընկերն ասում է. «Ես գիտեի, որ դու հավատում ես, որ Ջոզեֆ Սմիթը մարգարե է, բայց մինչև վերջերս ես չէի պատկերացնում, որ դու հավատում ես, որ Ջոզեֆ Սմիթից հետո Աստված կանչեց այլ մարգարեների: Նա ինչո՞ւ պետք է դա աներ»:

Այնուհետև ուսանողները կարող են սովորել արձագանքել սցենարի իրավիճակին։ Խրախուսեք նրանց ներկայացնել մեկ կամ երկու որոշակի օրինակ, թե ինչպես է Աստված շարունակում կարևոր բաներ հայտնել մեզ Իր մարգարեի միջոցով:

Ալմա Ավագը հայտնություն է խնդրում Աստծուց

Որպեսզի օգնեք ուսանողներին տեսնել լրացուցիչ օրինակ, երբ մարգարեն դժվար հարցի վերաբերյալ Աստծուց հայտնություն է խնդրում և ստանում, կարող եք կարդալ Ալմա Ավագի փորձառության մասին Մոսիա 26 գլխում։ Կարող եք ամփոփ ներկայացնել Մոսիա 26.1–12 հատվածները՝ բացատրելով, որ Եկեղեցու անդամներին անհավատները գցեցին մեղքի մեջ։ Մոսիա թագավորը հրահանգեց Ալմային աշխատել նրանց հետ, ովքեր մեղք էին գործել: Այնուհետև կարող եք ուսանողներին առաջարկել կարդալ Մոսիա 26.13–14 հատվածները՝ փնտրելով, թե ինչ արեց Ալման:

Մոսիա 26․32–36 հատվածները կարդալիս ուսանողները կարող են փնտրել հետևյալ հարցերի պատասխանները.

• Ի՞նչ հայտնություն էր Աստված տվել Ալմային:

• Ի՞նչ արեց Ալման իր ստացած հայտնության միջոցով:

• Ինչո՞ւ էր այդ հայտնությունը օրհնություն:

Շարունակական ապացույց, որ Տերը ակտիվ կերպով ղեկավարում է Իր Եկեղեցին

Որպեսզի օգնեք ուսանողներին տեսնել մի օրինակ, թե ինչպես է Տերը ակտիվ կերպով ղեկավարում Իր Եկեղեցին հայտնության միջոցով, դիտեք «Տաճարը և ձեր հոգևոր հիմքը» տեսանյութը՝ 11:13-13:08: Ուսանողները կարող են կիսվել, թե ինչու է շարունակական հայտնությունը հնարավորություն տալիս, որ Տիրոջ աշխատանքը առաջ գնա ամբողջ աշխարհում: