Հավատո Հանգանակը և Պաշտոնական հայտարարություններ 1 և 2

Հավատո Հանգանակը և Պաշտոնական հայտարարություններ 1 և 2

Ակնարկ

Մարգարե Ջոզեֆ Սմիթի մահից հետո Եկեղեցին ընդլայնեց Վերջին Օրերի Սրբերի սուրբ գրքերը՝ Հավատո Հանգանակը ավելացնելով Թանկագին Մարգարիտ գրքին, իսկ Պաշտոնական հայտարարություններ 1-ը և 2-ը՝ Վարդապետություն և Ուխտեր գրքին: Հավատո Հանգանակը կազմված է հավատքի 13 համառոտ հայտարարություններից, որոնք գրվել են Մարգարե Ջոզեֆ Սմիթի կողմից: Պաշտոնական հայտարարություն 1-ը պարունակում է նախագահ Վիլֆորդ Վուդրուֆի գրությունները, որոնք հայտնել է Տերը 1800-ականների վերջին, որպեսզի Սրբերը դադարեցնեն բազմամուսնությունները: Պաշտոնական հայտարարություն 2-ը 1978 թվականին նախագահ Սպենսեր Վ. Քիմբալին տրված հայտնության հայտարարությունն է, որը ևս մեկ ապացույց է տրամադրում այն մասին, որ Երկնային Հայրը սիրում է Իր բոլոր զավակներին, և որ «բոլորը նույնն են Աստծո համար» (2 Նեփի 26․33)։ Այդ հայտարարությունը հնարավոր դարձրեց, որ բոլոր արժանավոր տղամարդիկ ստանան Աստծո քահանայությունը և Եկեղեցու բոլոր արժանավոր անդամները օժտված լինեն տաճարում:

Խրախուսեք ինքնավերլուծությունը և գնահատումը։ Տվեք ոգեշնչված հարցեր, որպեսզի ուսանողները կարողանան հասկանալ, թե ինչ գիտեն արդեն և ինչին են հավատում։ Խրախուսեք ուսանողներին հրավիրել Սուրբ Հոգուն, որ օգնի իրենց հասկանալ, թե ինչ է պետք իմանան իրենց փնտրած ճշմարտությունների մասին և դրանց վերաբերյալ վկայություն բերելու համար։ Ավելին իմանալու համար, թե Փրկիչն ինչպես արեց դա, տես «Փրկիչը Սուրբ Հոգով ուսուցանվելու հնարավորություններ է տվել մարդկանց» բաժինը Ուսուցանել Փրկչի ձևով ձեռնարկում։ Դրա օրինակը կարող եք տեսնել նաև այս շաբաթվա դասում, որը վերնագրված է «Պաշտոնական հայտարարություն 1»։

Պատրաստվեք ուսուցանել

Հետևյալ տեղեկությունները ձեզ հուշում են, թե ինչ պետք է նախապատրաստեք յուրաքանչյուր դասի համար:

Հավատո Հանգանակը

Դասի նպատակը․ օգնել ուսանողներին խորացնել Փրկչի վարդապետության իրենց հասկացողությունը՝ Հավատո Հանգանակում պարունակվող ճշմարտություններն ուսումնասիրելու միջոցով:

• Ուսանողի նախապատրաստում․ առաջարկեք ուսանողներին կարդալ Հավատո 13 Հանգանակները և փորձել մտապահել դրանցից մեկը, որը կարևոր է իրենց համար: Խրախուսեք նրանց դասարան գալ պատրաստված՝ կիսվելու, թե հավատո որ հանգանակն են իրենք ընտրել և այն անգիր ասելու դասարանի մյուս անդամների համար:

• Տեսանյութեր․ «The Articles of Faith» (4:43), «Հավատո հանգանակներում պարունակվող վարդապետությունները և սկզբունքները» (14:28, դիտել 13:09-14:07)

• Աշխատաթերթ․ «Հավատո Հանգանակներն ուսումնասիրելու վարժություն»

Պաշտոնական hայտարարություն 1

Դասի նպատակը․ օգնել ուսանողներին հասկանալ, որ Տերը ղեկավարում է Եկեղեցին Իր մարգարեներին տրված հայտնությունների միջոցով։

• Ուսանողի նախապատրաստում․ առաջարկեք ուսանողներին խորհել և ապա հարցնել ընտանիքի անդամներին կամ ընկերներին, թե ինչպես են իրենք օրհնվել այն բանի շնորհիվ, որ Հիսուս Քրիստոսը շարունակում է հայտնել Իր կամքը Իր մարգարեների միջոցով:

• Բովանդակություն ցուցադրման համար․ Ինքնագնահատման վարժություն՝ դասի սկզբին

• Տեսանյութ. «Ողջույնի խոսք» (4:27, դիտել 0:42-1:14)

Պաշտոնական hայտարարություն 2

Դասի նպատակը․ օգնել ուսանողներին գործել հավատքով, երբ բախվեն անորոշ իրավիճակների կամ ունենան հոգևոր հարցեր:

• Ուսանողի նախապատրաստում․ առաջարկեք ուսանողներին կարդալ Պաշտոնական հայտարարություն 2-ը, որպեսզի իմանան այն հանգամանքների մասին, որոնք հանգեցրին այս հայտարարության հրապարակմանը։

• Տեսանյութ. «Struggling with the History of Race and the Priesthood» (4:03)

Գնահատեք ձեր գիտելիքները 10

Դասի նպատակը․ օգնել ուսանողներին հիշել և գնահատել, թե ինչպես է Վարդապետություն և Ուխտեր գրքի ուսումնասիրությունն օգնել իրենց աճել հոգևոր առումով:

• Ուսանողի նախապատրաստում․ առաջարկեք ուսանողներին դասարան բերել մի մարդու կամ իրադարձության լուսանկար, որ նրանք ցանկանում են միշտ հիշել:

• Առարկաներ՝ դասարան բերելու համար․ անձնական լուսանկար, փուչիկներ կամ տարբեր չափով փչած փուչիկների նկար

• Տեսանյութ. «Կարևոր հոգևոր հիշողություններ» (16:43, դիտել 15:31-16:09)

• Նկարներ․ Ավետարանի Վերականգնումը պատկերող տարբեր բնութագրեր կամ իրադարձություններ