Doktrinal nga Kahanas: Pagpangita og mga Tubag sa Akong mga Pangutana

Doktrinal nga Kahanas: Pagpangita og mga Tubag sa Akong mga Pangutana

Kinatibuk-ang Pagpasabot

Ang pag-apil sa doktrinal nga kahanas makatabang sa mga estudyante nga maugmad ang ilang espirituwal nga mga pundasyon diha kang Jesukristo. Kabahin sa doktrinal nga kahanas ang pagkat-on ug paggamit sa mga baroganan sa pag-angkon og espirituwal nga kahibalo: lihok diha sa hugot nga pagtuo; susiha ang mga konsepto ug mga pangutana uban ang mahangtorong panglantaw; ug tinguhaa ang dugang kahibalo pinaagi sa balaanong gitudlo nga mga tinubdan. Kini nga mga baroganan makatabang sa mga estudyante nga matubag ang mga pangutana o gikabalak-an sa ilang kinabuhi.

Sugyot sa gipaspason: Labing maayo tingali nga itudlo kini nga mga leksiyon sa sinugdanan sa tuig sa pag-eskwela. Sa pipila ka bahin sa kalibotan, ang sinugdanan sa tuig sa pag-eskwela mahitabo sa kataposang bahin sa tuig sa kalendaryo, sama sa tinglarag. Kon mao kini ang kahimtang sa inyong lugar, ikonsiderar ang pagtudlo sa leksiyon nga giulohan og “Pagpalig-on sa Imong Espirituhanong Pundasyon” sa sinugdanan sa tuig sa kalendaryo. Makatabang kini sa mga estudyante nga rebyohon ang importanteng mga kosepto nga konektado sa doktrinal nga kahanas sa tunga-tunga sa ilang akademikong tuig sa pag-eskwela.

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Pagpalig-on sa Imong Espirituhanong Pundasyon

Katuyoan sa leksiyon: Aron tabangan ang mga estudyante kon sa unsang paagi ang doktrinal nga kahanas makapanalangin sa ilang kinabuhi ug makatabang nila sa pagtukod sa ilang espirituwal nga pundasyon diha kang Jesukristo.

• Pagpangandam sa estudyante: Dapita ang mga estudyante nga motambong nga andam sa pagpakigbahin og mga ehemplo kon sa unsang paagi napanalanginan ang ilang kinabuhi tungod sa doktrinal nga kahanas. Kon bag-o sa mga estudyante ang doktrinal nga kahanas, ikonsiderar ang pagpabasa nila sa “Pasiuna sa Doktrinal nga Kahanas” diha sa Mahinungdanon nga Dokumento sa Doktrinal nga Kahanas (2023).

• Mga imahe: Ang pag-ayo sa Salt Lake Temple

• Mga bidyo: “Presidente Nelson—Pundasyon sa Templo” (2:03); “Unsa ang Doktrinal nga Kahanas?” (3:56)

• Sulod nga ipakita: Lima ka pamahayag alang sa pagsukod sa kaugalingon

Pagtinguha og Personal nga Pagpadayag alang sa Akong mga Pangutana

Katuyoan sa leksiyon: Aron tabangan ang mga estudyante nga makasabot kon sa unsang paagi sila makadawat og giya ug pagpadayag gikan sa Dios pinaagi sa Espiritu Santo.

• Pagpangandam sa estudyante: Dapita ang mga estudyante sa paghunahuna sa ilang kahibalo bahin sa espirituwal nga pagpadayag ug kon unsay gusto pa nilang mahibaloan. Pwede usab nimo silang dapiton nga hangyoon ang usa ka sakop sa pamilya o lider sa kabatan-onan sa pagpakigbahin og usa ka kasulatan o kasinatian bahin sa pagdawat og personal nga pagpadayag gikan sa Dios.

• Bidyo: “Pagpadayag alang sa Simbahan, Pagpadayag alang sa Atong Kinabuhi” (20:27; tan-awa gikan sa time code nga 17:44 hangtod 18:53)

Molihok inubanan sa Hugot nga Pagtuo aron sa Pagkaplag sa mga Tubag

Katuyoan sa leksiyon: Aron tabangan ang mga estudyante nga makasabot kon unsaon sa paglihok inubanan sa hugot nga pagtuo kang Jesukristo samtang sila magtinguha og mga tubag sa ilang mga pangutana.

• Pagpangandam sa estudyante: Dapita ang mga estudyante sa pagbasa sa Doktrina ug mga Pakigsaad 6:36 ug sa pagpamalandong sa kahulogan niini. Pwede sab nilang memoryahon kini nga bersikulo ug hunahuna kon sa unsang paagi kini makatabang nila dihang mag-atubang og lisod nga mga pangutana.

• Bidyo: “Pag-angkon og Espirituhanong Kahibalo: Istorya ni Madison” (8:35; tan-awa gikan sa mga time code nga 0:00 hangtod 1:44 ug 1:44 hangtod 8:35)

Pagsusi sa mga Hilisgotan ug mga Pangutana sa Ebanghelyo inubanan sa Mahangtoron nga Panglantaw

Katuyoan sa leksiyon: Aron tabangan ang mga estudyante sa pagsusi sa mga konsepto ug mga pangutana nga adunay mahangtorong panglantaw nga makita kini sama sa gibuhat ni Jesukristo.

• Pagpangandam sa estudyante: Dapita ang mga estudyante nga basahon ang mga parapo 8–10 sa “Pag-angkon og Espirituhanong Kahibalo” nga seksiyon sa Mahinungdanon nga Dokumento sa Doktrinal nga Kahanas (2023).

• Mga imahe: Artwork sa kilid ug atubangan sa mata sa tawo ni Michael Murphy

• Mga bidyo: “Artwork sa Mata sa Tawo” (0:37); “Ang Mata sa Hugot nga Pagtuo” (15:15; tan-awa gikan sa time code nga 4:22 hangtod 4:47); “‘Ang Pamilya: Usa ka Proklamasyon sa Kalibotan’ nga Artwork” (0:22)

Modangop ngadto sa Balaanong Gitudlo nga mga Tinubdan aron Matabangan sa Pagpangita og mga Tubag

Katuyoan sa leksiyon: Aron tabangan ang mga estudyante nga makasabot sa kaimportante sa pagpangita sa kamatuoran gikan sa mga tinubdan nga gihatag sa Langitnong Amahan ug ni Jesukristo.

• Pagpangandam sa estudyante: Dapita ang mga estudyante sa paghunahuna sa mga tinubdan diin sila midangop para mangita og mga tubag sa espirituwal nga mga pangutana. Awhaga sila nga mosulod sa klase nga andam sa pagpakigbahin og labing minos usa ka pananglitan sa tinubdan ug kon sa unsang paagi kini nakatabang nila.

• Handout: “Pag-ila sa Kamatuoran gikan sa Sayop”